Aapko bhi mohabbat hai naa
meri tarhaa aapke bhi armaan machalte honge naa
aap bhi kai baar gir gir ke sambhalte honge naa
kho jaate honge kai baar anjaane khayaalon mein
khoke unmein anjaane raahon pe chalte honge naa
kitni baar aag lag jaati hogi jaadon mein aapko
uss aag se sardiyon mein aap pighalte honge naa
jo shaqs raat mein aake aapki neend udaataa hai
dhundne us ajnabi ko kabhi to nikalte honge naa
silvatein chaddar ki gawaah hain har ek baat ki
use yaad kar aap bhi karwatein badalte honge naa
geeli aankhein aap ki khol rahi hain saare raaz
ehsaas chaahat ke aapke dil mein palte honge naa
No comments:
Post a Comment