Khwaab
woh musaafir hai laut ke apne shahar jaayegaa
mere aashiyaane ko fir se tanhaa kar jaayegaa
yeh jo chehre par khilaa saa rang dekhte ho
lamhaa hai jo thodi der mein guzar jaayegaa
us ki moujudgi ko mohabbat naa samajh lenaa
yeh to nashaa hai palbhar mein utar jaayegaa
bheeg jaane do mujhe bheegi in barsaaton mein
yeh baarish bhi kuch pal mein thahar jaayegaa
haseen khwaab hai, kuch der khush ho lene do
yeh kuch hi der mein toot ke bikhar jaayegaa
No comments:
Post a Comment