Mujhe pyaar karna nahi aayaa

us ehsaas ka kabhi zubaan se izhaar karna nahi aayaa
meri kamzori thi, mujhe kabhi pyaar karna nahi aayaa

kehte hain ki mohabbat me log tut_ke bikhar jaate hain
maine mohabbat to kiya, bas tut_ke bikharna nahi aayaa

koshish bahut ki maine, ki saath uskaa mil jaaye mujhe
shaayad usko kabhi bhi mujhpe aetbaar karna nahi aayaa

Bewafaa

jiski tasveer se maine apna ghar sajaayaa thaa kabhi

aaj kisi aur ke ghar mohabbat ke diye jalaa rahi hai

karke tanhaa mujhe kuch palon ka bas saath nibhaake

meri mohabbat ke kisse kisi aur ko wo sunaa rahi hai

kahun to kyaa kahun main, kyaa uski main taarif karun

jis dil mein rehti thi kabhi aaj usi ko jalaa rahi hai

wafaa ki moorat thi wo, wafaa bhi usne khoob ki hai

kiyaa waadaa kisi se aur kisi aur ke saath nibhaa rahi hai

Main use bhulaanaa chaahtaa hoon

chaahaa thaa jise kabhi khud se badh ke

main use aaj bhulaanaa chaahta hoon

jiske kareeb aane ke liye koshish bahut ki

aaj us shaqs se main duur jaanaa chaahta hoon

par kaise? koi bata de mujhe kaise bhulaaun

main aankhen band karun to wo dikh jaati hai

raat mere khwaabon me wo nazar aati hai

mere har saans ke saath wo yaad aati hai

lagta hai mere paas baithe wo muskuraati hai

uske har ek ehsaas se duur jaanaa chaahtaa hoon

main use aaj bhulaanaa chaahtaa hoon

koi bataa de mujhe ki use bhulaaun kaise

main uski har ek yaad se duur jaanaa chaahta hoon

laal har gulaab ko dekh uski yaad aati hai

botal ke sharaab ko dekh uski yaad aati hai

din kaa koi ek lamha nahi jab wo paas naa ho

subah se lekar shaam tak uski yaad aati hai

nahi seh paataa ab main ye dard judaai ka 

main har ek dard ko bhulaanaa chaahtaa hoon

nahi hai raah koi ab duur usse jaane ka to

thodaa araam mile, isliye mar jaanaa chaahtaa hoon

Wo yaad aataa rahaa

uskaa chehraa mujhe khwaabon me nazar aataa rahaa
maine  bhulaanaa  chahaa par  wo   yaad aataa  rahaa

main ek  tarfaa  apni mohabbat  ko  nibhaataa  rahaa
dard ko dabaake  seene  me main muskuraataa rahaa

waadaa kiyaa thaa  usse   ki   bhool  jaaunga use main
use yaad rakhaa, bas us  waade   ko  bhulaataa  rahaa

chal  rahaa  hoon  main , manzil  ka  kuch  pataa  nahi
le chali  zindagi   jahaan   main  wahaan  jaataa rahaa

yakeen  hai ,  kabhi   to   milegi ,  kahin  to  milegi wo
bas is ummeed me main apne kadam badhaataa raaaa

par  kadam  kis  taraf  , zindagi   nahi   maut  ki  taraf
har ek  din  main  maut ke  aur  kareeb   jaataa  rahaa

sambhaalnaa chaahaa  mere   yaaron ne  bahut mujhe
main  apnaa  haath  unse  har baar  chhudaataa rahaa

Kya tum lautaa paaoge

kyaa tum mujhe meri khoi hui mohabbat lautaa paaoge

jo hoon main, kya tum mujhe is haal me apnaa paaoge

maaloom hai mujhe ki kuch rahaa nahi ab pehle jaisa

par kyaa tum firse sab kuch pehle jaisa banaa paaoge

Maine bhi kiyaa thaa pyaar

ye khayaal mere bhi dil me aayaa hazaar baar

aaakhir kabhi maine bhi usi se kiyaa thaa pyaar

wo chali gayi duur humse is ka ghum nahee

raaton ko wo khwaab banke aati rahi kai kai baar

thaa nahi bas me unke khud ko roknaa us pal

jaanaa thaa chali gayi chhod ke meraa ye sansaar

mumkin nahi ye mere liye ab saath unka nibhaa paanaa

par ye bhi sach hai ki aaj bhi hai unse pyaar beshumaar...

Kal raat ki kahaani

achcha thaa main duur tumhaari yaadon ko bhulaake

tumne aake fir puraane yaadon ko taazaa kar diyaa

bhool chukaa thaa main sab kuch tumhe bhulaake

tumne aake fir se un zakhmon ko taazaa kar diyaa...

Ek kahaani sunaataa hoon aaj... kal raat ki kahaani.....

raat phone ki ghanti baji

phone uthaayaa to ek awaaz sunai di

ek aawaaz jo kuch jaani pehchaani thi

ek aawaaz jo kuch puraani si thi

maine poochhaa "haanji aap kaun"

aawaaz aayee 'main wahi hoon

jo kabhi tumhaari deewaani thi'

kuch der main chup rahaa

kuch der main khamosh rahaa

fir kuch der ruk ke maine

himmat kar ke poochhaa usse

'kaho kaisi ho, kahaan ho'

fir kyaa thaa, bas baatein hi baatein

wo apni sunaati rahee

main apni bataataa rahaa

kyaa beetaa, kaisaa beetaa

waqt dooriyon ka kaisaa beetaa

lagaa hi nahi ek pal bhi ki wo duur thi

yun lagaa jaise kal ki hi baat ho

mere haathon me uskaa haath liye

uski aankhon me gum saa hoon

bas dekh rahaa hoon uske chehre ko

aur mujhe kuch hosh nahee

wo dheere se muskuraati hui

apne aanchal me apna chehra chipaati hui

dheere se boli 'chhodo na mera haath,

mujhe sharm aati hai,

chhodo na koi dekh legaa'

aur main use samjhaataa huwaa

'darti ho kya, 

pyaar karti ho na mujhse'

bharosa hai na mujhpe'

bas fir unhi yaadon me kuch is tarha kho gayaa

usse baatein karte karte kaise 

waqt beetaa pataa hi nahi chalaa

bas baatein karte rahe

khoob saari baatein

fir ehsaas huwa use bhi aur mujhe bhi

waqt waisa nahi hai jaisa thaa

hum saath the jab, tab jaisaa thaa

waqt badal chuka hai

sab kuch badal chukaa hai

wo haseen mulaaquatein

wo pyaari pyaari baatein

phone pe baat karte huye bitaai raatein

ab kuch bhi to waisa nahi hai jaisa tha

log badal gaye, rishte badal gaye

aaj na main uska hoon, na wo meri hai

naa ye bedard waqt bhi hamaaraa hai

inhi khayaalon me khoye rahe hum bahut der tak

aur fir khayaal aayaa raat bahut ho chuki hai

hamaare bich baat bahut ho chuki hai

baatein to itni thi ki kai raatein kam pad jaayen

wo kehti rahe, main sunta rahu

main kehta rahu, wo sunti rahe

par waqt ko dekhte huye humne phone rakh diyaa

jaane fir uska kya haal huwaa

mujhe raat bhar neend nahi aayi

poori poori raat wo yaad aayi

aur ab bhi usi ke khayaalon me hoon

khoyaa huwa hoon...

aakhir kyun....

kyun usne itne din baad yaad kiya..

akhir kyun?????

Tum yahin ho

in hawaaon ko chhooke ke maine mehsoos kiyaa tumko
lagaa kahin duur nahi, mere kareeb tum kahin ho

mehek udte dhool ki jab aati hai har subah
mehsoos kiya tumko, lagaa tum yahin kahin ho

ugte suraj ke saath, khilte phoolon ke saath
jahaan dekhun, jidhar dekhun, tum har kahin ho

khuli aankhon se tumhe dhundta hoon, dikhte nahi
aankhen band kar lu to lagaa tum yahin kahin ho

ho mere paas kahin, mere kareeb, meri saanson me
dhadkano ki tezi ne batayaa tum dhadkano me kahin ho

ho yahin paas mere, is baat ka ehsaas hai mujhe
aajaao mere saamne na chhipo, tum jahaaan kahin ho...

Kyaa khaas hai

tum kehte ho ki tumhe mere dard ka ehsaas hai
is dard ke siwaa kya hai aisa jo mere paas hai
kuch sukhe gulaab, kuch puraane khat hain bas
inke siwaa mere jeewan me kuch bhi nahi khaas hai

Wo yaad aataa rahaa

naa mere din ka thikaanaa rahaa naa hi mere raaton ka rahaa

kisi cheez ka apni jagah rehna huwa to uski yaadon ka rahaa

subah se lekar har shaam tak bas usi kaa chehraa yaad rahaa

aabaad huwaa har kisi ka jahaan, bas ek mera barbaad rahaa

suraj ki roshni me dekhaa, chaand ki chaandni me bhi dekhaa

ek mera yaar hai jo meri nazron se hameshaa gumshudaa rahaa

use galiyon me, chaubaaron me paagalon ki tarha dhundta rahaa

naa milaa mujhe kahin, jaane kahaan chhiptaa chhipaataa rahaa

main deewaanaa usko yaad karke, usse duur bas tadaptaa rahaa

wo duur kahin baith ke meraa dard dekh bas muskuraataa rahaa

Samajh paate nahee hum

tumhaare kareeb hoke bhee khush nahee the

tumse duur jaake bhi khush nahee hain hum

kaisa rishta hai tumse samajh paate nahee

sochte hain ki pyaar karte nahee hain hum

mohabbat kya hai ye shaayad maloom nahee

ya khud ko hi samajh paate nahee hain hum

tum kareeb rehte ho to qadar nahee karte

judaa hoke tumse reh paate nahee hain hum

ye koi jaadu hai yaa bas bhram is dil ka

koi samjhaa de, samajh paate nahee hain hum...

Pyaar kiye jaao

pyaar karte ho, tum bas unhi se pyaar kiye jaao

wo chaahe na karein par tum beshumaar kiye jaao

kabhi to nazar padegi unki tumhaari aankhon pe

unhe bhi pyaar ho, us din ka intezaar kiye jaao

Main parwaanaa hoon

main parwaanaa hoon, shamaa ke aas paas hi nazar aaungaa,
aashiq hoon shamaa kaa, shamaa me jal ke hi mar jaaungaa...

Hum tumhe yaad karte hain

kaise bataaye hum tumse kyun aadhi adhuri mulaquaat karte hain,
shayad maaloom nahi tumhe ki hum rab se kya fariyaad karte hain,
sote hain raaton ko adkhuli aankhon se is ummeed me ki tum aao,
khaa ke kasam kehte hain hum tumse zyaadaa tumhe yaad karte hain...

Mohabbat

mohabbat bhi ajeeb cheez hai jo kabhi aansoo to kabhi muskaan deti hai,
khwaabon ko sajaati hai phoolon se aur milan kaa yeh paigaam deti hai,
tut_ne lagte hain kabhi jo judaai ke ghum me aashiq dil, tab
mohabbat kareeb aajaati hai aur mehboob ke haathon ko ye thaam leti hai....

Tumne dekhaa nahi shayad

tumne sham ko dekhaa, par udte dhool ko dekhaa nahi shayad

khaali kamre ko dekhaaa, khushboo ko mehsoos kiya nahi shayad

ghadi ko dekhaa, uske sui ki aawaaz ko sunaa nahi shayad 

khule aasmaan ko dekhaa, upar chaand ko dekha nahi shayad

mehsoos karke to dekho tum ek baar

us udte dhool me main hoon

kamre ki khushboo me main hoon

ghadi ki aawaaz me main hoon

upar us chaand me main hoon

main par pal, har lamhaa

bas tumhaare hi aas paas hoon

bas tum mehsoos kar ke dekho

tum jahaan jahaan jaaoge

bas mera hi saath paaoge

tumne dhyaan se dekha nahi shayad

hawaa ke saath main hoon

ghataa ke saath main hoon

dhoop ke saath main hoon

barsaat ke saath main hoon

tumhaare khwaabon me main hoon

har haqeeqat me main hoon

bas tum mehsoos kar ke to dekho

main tumhaare aas paas hi to hoon....

Main tumse pyaar karta hoon

pyaar tumse karta hoon, main tumpe hi marta hoon

roz raat khwaabon me tumhe baahon me bharta hoon

tumne meri aankhon ko, dhyaan se dekha hi nahee

pyaar kaa izhaar tumse main har baar karta hoon...

Kyaa kiyaa usne

mere chitaa ke aag se apna ghar roshan kiyaa usne

mere mohabbat ke badle me bas nafrat hi diyaa usne

taarif me uske likhna chaahaa koi ghazal maine aaj

aaj sabko bataa dun kyaa kya mere saath kiyaa usne

vaade kiye hazaaron sangh jeene marne ke mere saath

jaate jaate un sab vaadon ko khud hi tod diyaa usne

khat jo likhe the maine raaton ko jaag ke use kabhi

mere hi saamne unhe samundar me bahaaa diyaa usne

phool gulaab kaa diyaa tha maine pehli mulaaquaat pe

wo gulaab apne kitaab se nikaalke lautaa diyaa usne

jaate jaate mujhe naam diyaa bewafaa kaa jaane kyun

poochhne par mere sawaal ka jawaab tak naa diyaa usne

janaa thaa to jaati, aakhir wajah to bataa ke jaati wo

zindagi ke majdhaar me hi saath meraa chhod diyaa usne

tanhaa rehtaa thaa zindagi mein uske aane se pehle main

nibhaake saath kuch pal ka fir se tanhaa kar diyaa usne

meri wafaa ka, mohabbat ka dekho na kya silaa diyaa usne

karke vaadaa zindagi dene ki, sazaa-e-maut de diyaa usne

Maine pyaar kiyaa

dil ki baaton ko kabhi hothon pe aane na diyaa

maine bas dil hi dil mein us se hi pyaar kiyaa

kuch zamaane ka darr tha, kuch majbooriyaan thi

dil me jo baat thi dil me hi maine rehne diyaa

khud se to kehta hoon haan maine pyaar kiyaa

karke usse pyaar maine bolo kya gunaah kiyaa

paane ki khwaaish hai, par uspe koi zor nahee

dil me use basaake bas usi se maine pyaar kiyaa

uski gehri do aankhen jo, karti hai baatein wo

khwaabon me jab aati hai, kat_ti nahi raatein wo

aankhon kaa kaajal wo, uska urta aanchal wo

karun kyaa taarif uski, karti hai mujhe paagal wo

dil ke itne paas hai wo, meri kitni khaas hai wo

bas use keh nahi paataa, dil me mere ehsaas hai jo

usse maine pyaar kiyaa, subah se lekar shaam kiyaa

usi ka bas maine naam liyaa, aur kuch na kaam kiyaa

pyaar koi jurm hai to, jurm maine hai kar liyaa

haan main sabse kehta hoon aaj, maine usse pyaar kiyaa

pyaar kiyaa, pyaar kiyaa, maine to bas pyaar kiyaa

khud ko kaise rokun  ab main, maine usse pyaar kiyaa...

Mera naam nahee

geeton me meraa naam hai bas, dil me meraa naam nahee

mere liye tumhaare paas koi subah nahi, koi shaam nahee...

Zakhm dil ke

dil ke zakhmon ko hum kaagaz pe utaar lete hain

dard ke naam par hum koi ghazal likh lete hain

log padhke waah waah karte hain hamaare dard pe

aur hum unki waah waahi pe bas muskuraa lete hain

Aatm vishwaas

karo bharosaa khud pe to mushkilein aasaan nazar aayengi

raah ki saari rukaawatein khud ba khud duur ho jaayengi

waqt ke saath, zindagi ke har ek gunn ko sikh jaaoge tum

bahut jald khushiyaan bhi tumhaare sangh muskuraayengi

raah-e-zindagi me kai baar hum tut ke bikhar jaate hain magar

saath sahi humsafar kaa mil jaaye to raahen aasaan ho jaayengi

na daro aane waale waqt se mere dost, himmat rakho

dekhna saari mushkilein chutkiyon me hal ho jaayengi.....

Dard mohabbat ka

ye aadat hoti hai logon ki, wo vaade nibhaate nahee

dard mohabbat ka kya hai, ye baat samajh paate nahee

tod dete hain sheese se bane dil ko wo tukdon mein

hum laakh chaah ke bhi un tukdon ko jod paate nahee

tadapte hain us mohabbat ke liye jo kabhi thaa hi nahee

wo hamaaraa thaa nahee kabhi, ye baat samajh paate nahee

karte hain hum duwaayein uski hi khushi ke liye magar

maaf kar den use ye baat dil ko hum samjhaa paate nahee

ye mohabbat bhi ajeeb cheez hai kya bataayen iske baare me

ho jaataa hai kisi aise se jo mohabbat ka maan rakh paate nahee

ye aadat hoti hai logon ki, wo vaade karke nibhaate nahee

dard mohabbat ka kya hai, ye baat wo kabhi samajh paate nahee

Main darta hoon

main ab to meri khaamoshi se darta hoon

main tanha meri tanhaayi se darta hoon

kehta nahee kisi se main dil ki baat apne

sun na le koi har baat, main darta hoon

rota hoon bas us pal jab baarish hoti hai

dekh na le koi aansoo mere, main darta hoon

kehne ko kehta hoon bhulaa chukaa use main

aaj bhi dil se bas usi se pyaar kartaa hoon

yun to main darta nahi mar jaane se magar

maut ke baad ki zindagi se main darta hoon

main ab to meri khaamoshi se darta hoon

main tanha meri tanhaayi se darta hoon...

Tumhi meri mohabbat ho

main raat apne bistar pe jab karwat badalta hoon

har karwat ke saath bas tumhaaraa naam leta hoon

shayad tum sun nahi paati meri awaaz meri jaanaa

tumhi meri mohabbat ho, tumse ye kehta rehta hoon

Main bhula nai

tere labo ki wo hasi main bhulaa nahi

tere saath ki wo khushi main bhula nahi

bhoolne ko to bhool chuka hoon sab kuch

par teri wo mohabbat main bhulaa nahi

tere pyari pyaari baatein main bhula nahi

saath guzri wo haseen raatein main bhula nahi

yaad hai mujhe jaanaa teri har ek baat

tujh sangh hui mulaquaatein main bhula nahi

tere saanson ki mehek main bhula nahi

tere hothon ki laali main bhula nahi

kaisi bhulu tujhe main ye tu hi bataa

jaanaa, teri koi baat main bhula nahi...

Koi aur deewaanaa kahaan hai

tu shamaa hai maanaa hum parwaane to naa hain

jal jaaye koi ishq me aisa zamaanaa kahaan hai

ishq pe qurbaan huye honge kai aashiq, magar

ishq me jeenaa hai humein mar jaanaa kahaan hai

bahut zyaadaa tujhe guruur hoga apne husn pe lekin

zamaane me mujh jaisa koi aur deewaanaa kahaan hai

tu husn ki mallika aur hum dil ke hain baadshaah

jung nahi, ye ishq hai, tujhe haraanaa kahaan hai

majnu bhi hai, parwaanaa bhi, romeo aur farhaad bhi

un sabhi ka naam hai yahaan, hamaaraa kahaan hai

dost hai tu, par bataa mohabbat me buraai to naa hai

karke ishq tujhse teri dosti ko bhulaanaa kahaan hai

Aa bhi jaao tum

khuli baahen hain meri, aa bhi jaao tum

aake seene se mere ek baar lag jaao tum

hothon ki laali apni yun naa chhipaao tum

zulfon ko chehre se thodaa to hataao tum

kaanpte hothon ko apne mere paas to laao tum

jaadu se adaaon ke mujhe yun naa sataao tum

sharbati aankhon ka mujhe ras to pilaao tum

aa ke kareeb itne ab yun naa sharmaao tum

rehke duur khade mujhse mujhe naa sataao tum

daud ke aa jaao janaa seene se lag jaao tum

khuli baahen hain meri, aa bhi jaao tum

aake seene se mere ek baar lag jaao tum

Tumse hi pyaar karte hain

tumhi to ho jispe hum aetbaar karte hain

haan hum bas tumhi se pyaar karte hain

tumhe maaloom na ho shayad ye baat lekin

hum tumhi se pyaar beshumaar karte hain

lo tumhaare saamne hum iqraar karte hain

aankhen tumhi se hum do chaar karte hain

miloge to tumhe seene se lagaake kahenge

haan hum tumhi se bas pyaar karte hain...

Koi mujhse pyaar karta nahee

hawaa kaa koi jhaunkaa mere aangan me thehertaa nahee

aur ek lamha tanhaayee ka hai jo kabhi guzartaa nahee

kitne mausam aaye, aake nikal gaye har baar ki tarhaa

ghum to bas itna hai ki koi mujhse pyaar kartaa nahee

Tum naa kehte the

tum naa kehte the ki meraa saath nibhaoge

tum naa kehte the ki tanha jee naa paaoge

rehna pade agar ek pal bhi duur mujhse to

tum naa kehte the ki kabhi reh naa paaoge

ab jee rahe ho kisi aur ke sangh khushi se

kya huwa vaadaa saath nibhaane ka tumhaaraa

paagal main hi thaa jo aaj bhi tanhaa hoon

tum naa kehte the ki meraa saath nibhaaoge

wo raatein mulaquaatein kyun bhool gaye tum

wo pyaar bhari baatein kyun bhool gaye tum

karke saath nibhaane ka vaadaa mujhse

kyun mujhe yun tanhaa chhod gaye tum

tum naa kehte the ki ye duniyaa bahut buri hai

ab tum ki kaho kyun duniyaa jaise ban gaye tum

tum naa kehte the ki mohabbat haseen khwaab hai

kyun us haseen khwaab ko bhalaa tod gaye tum

kyun mere haathon me liya haath bhool gaye tum

kyun un haseen palon kaa saath bhool gaye tum

kyaa bhoolne ke liye hi mile the tum mujhse

kyun mujhse ki huyi har ek baat bhool gaye tum

tum naa kehte the ki mujhe na bhulaa paaoge

tum naa kehte the ki har pal saath nibhaaoge

kya huwaa aaj tumhaari kahi un baaton kaa

tum naa kehte the ki har vaadaa nibhaaoge

tum naa kehte the ki main tum bin mar jaaungaa

tum naa kehte the ki main tut ke bikhar jaaunga

chalo tumhaari kahi baat hi maan lete hain

ab tum bin main ye duniyaa hi chhod jaaungaa

khush raho tum apne naye sansaar me

main tum bin tanhaa hi chaalaa jaaungaa

duwa karunga ki bas khushiyaan hi mile tumhe

aur main ab mitti ke sangh mil jaaungaa

tum naa kehte the ki.....

tum naa kehte the ki.....

Main pyaar kar loon

baitho mere paas main tumse baatein kar loon

chhoo loon tumko main tumhe mehsoos kar loon

haath tumhaaraa haath me leke baithun kuch pal

dekh tumko kuch pal tumhe aankhon me bhar loon

god me tumhaare sar rakh ke so loon kuch pal

baitho mere paas tumse thodaa pyaar kar loon

kho na jaao tum main tumhe baahon me bhar loon

chhoo ke geeley hothon ko main gulaab kar loon

kholdo zulfon ko apne main unse raat kar doon

tum bheeg jaao ishq mein aisi barsaat kar doon

baitho mere paas main tumse baatein kar loon

chhoo loon tumko main tumhe mehsoos kar loon

Ghazal likh dun

sochaa ki aaj koi ghazal me tumhaare naam likh dun

dil me jo bhi baatein hain main wo tamaam likh dun

zulfon ko main tumhaare haseen koi shaam likh dun

hothon ko main tumhaare nashe ka koi jaam likh dun

dil pe apne naam tumhaaraa main sar-e-aam likh dun

tumse hi aaghaaz tumhi mere har ek anjaam likh dun....

Aajaao

aajaao aaj barson ki dooriyon ko mit jaane do,

saanson ko kuch palon ke liye thahar jaane do,

meri mohabbat me doob jaao tum kuch is qadar,

khud ko meri baahon me tutke bikhar jaane do...

Khwaab

khoobsurat se kuch khwaab raaton ko aksar jagaa jaate hain,

aake khwaabon me mere sanam mujhe aksar gudgudaa jaate hain,

wo ehsaas unki mouzudgi ka kitna pyaara hai kya bataaye hum,

aake kareeb mere kaano me mohabbat ke geet gungunaa jaate hain...

Kabhi to

jaane kitne hi baar hamaaraa naam likh ke mitaaye honge

kabhi to hum aapko hadd se bhi zyaadaa yaad aaye honge

dekh chidiyon ke jode ko kabhi to aap muskuraaye honge

kabhi to aap lehron ke sang beh jaane ko lalchaaye honge

takiye ko seene se lagaake jaane kitni baar aap soye honge

yaad me hamaare aap hazaaron baar band kamre me roye honge

hamaare poochhne pe kehte hain ki mohabbat nahi karte aap

aur humse milne ki ummed me jaane kitne diye jalaaye honge

kabhi na kabhi jarur aapke haseen khwaabon me aaye honge

aake khwaab me aapko hum apne seene se tab lagaaye honge

kabhi to aap mere geeton ko apne hothon pe sajaaye honge

jaanaa, kabhi to hum hadd se bhi zyaadaa yaad aaye honge...

Dard aashiqui kaa

dard aashiqui ka main kyaa bataaun tumhe

daag zakhmo ke main kaise dikhaaun tumhe

aadat hai tumhaari khel jaate ho har baar

dil khilona to nahi kaise samjhaaun tumhe

na milo mujhse to dard kam hota hai mujhe

milke bichhadne ka dard kaise bataaun tumhe

geelaa rumaal tha mera ye tumne dekha magar

geelaa aansuon se tha ye kaise samjhaaun tumhe

tum bin kaise din guzarte hai mere jaanaa

ye baat likh ke geeton me kaise bataaun tumhe

dard aashiqui ka main kyaa bataaun tumhe

daag zakhmo ke main kaise dikhaaun tumhe...

Mera dard

har ek muskaan ke pichhe chhipa rehta hai
ek aisa shaks jo bahut duur rehta hai
yun to kabhi yaad uski aati nahi humein
par wo har lamha mere dhadkano me rehta hai

koi aisa jiske hasne se haste the kabhi
wo shaks jiske aansuon pe rona aataa tha
wo jo dil ke bahut kareeb tha mere kabhi
wo shaks jisse jude the mere har ek ehsaas

main aaj bhi unhi yaadon ke samundar me hoon
tairke nikalne ki koshish karta hoon har baar
par har ghadi aur zyaadaa doobta chalaa jaataa hoon
duur jaane ki koshish me aur kareeb hota chalaa jaataa hoon

ek shaks jisne khwaabon me aa aaa ke neenden gum kar di
ek shaks jisne saanson me samaake dhadkane tez kar di
agar mil jaaye kahin wo mujhe yunhi chalte chalte kabhi
poochhunga usse ki kya kasoor tha mera jo yu chhod gaye
kya saath isi liye nibhaayaa tha kabhi ki chhod jaaoge
muskaan chehre pe laaye the ye soch ke ki kabhi rulaaoge

kyun meri zindagi me aake meri khushiyon ko mujhse duur le gaye
le jaanaaa tha meri jaan le jaate, kyun meri muskaan le gaye
jise chaaha tha khud se badh ke maine kabhi
kyun wo mujhe bhulaake meri aaakhon me ansoo chhod gaye

kya mohabbat isi ka naam hai ki kisi ko tadapta chhod jaaye
nibhaake saath kuch lamhon ka use tanha chhod jaaye
suna tha kisi se ki mohabbat to ek khoobsurat ehsaas hai
par maaloom an huwa mujhe ki ye to kuch aur hi hai....

Kya ye mohabbat hai

kyun udaas sa rehta hoon main aajkal 

wo kabhi to ye baat poochhenge humse

achche nahi lagte hain hum gumsum se 

ye baat kabhi to jarur kahenge humse

kuch khayaal aise hi mere dil me aate jaate hain

kuch unki yaadon me doobke hum muskuraate hain

kabhi kho jaate hain hum unki tasveer me aur

kabhi unhi ke naam se khushi ke geet gaate hain

haan humein mohabbat nahi hai usne ye kehte hain

aur tasveer se unhi ke baatein karte rehte hain

ye kaisa ajeeb ehsaas hai jo ho ke bhi nahi hai

kuch dil me rakhte hain kuch zubaan se kehte hain

dekh le unhe to bas unhe dekhte hi reh jaate hain

chaah ke bhi hum unse kuch bhi nahi keh paate hain

mil lete hain unse banke koi khaas dost unke magar

jo rishta hai unse mera wo samjhaa nahi paate hain

log kehte hain ki hum kahi baaton ko dohraate hain

maaloom nahi dil ki baaton ko kaise chhipaate hain

koshish bahut karte hain ki pataa na chale kisi ko

par hum har kisi ko apne dil ka haal sunaate hain......

Maangte kya hain

wo meri aankhon me doobke dekhte kya hain

aaina hai dil mera, wo talaashte kya hain

dil me jo bhi baat thi mere sab keh chuka

meri khaamoshi ki wajah poochhte kya hain

saans kya cheez hain jaan tak main de dun

mujhse wafaa ki nishaani maangte kya hain

wo hi hain sab kuch mere, unse hi ye jahaan

unke siwaa hum yahaan pehchaante kya hain

kar chuke hum apni mohabbat ka izhaar unse

ab to unke iqraar ke siwa maangte kya hain

aye khuda! haathon  me mere haath ho unka

fariyaad me  unke  siwaa maangte kya hain

Kya rakhaa hai

kya rakhaa hai in geeton mein, baaton mein, 

kya rakhaa hai bekaar ki mulaaquaaton mein,

mil paaun jo unse ji bharke to bahut hoga,

kya rakha hai bhalaa pyaar ki sougaaton mein... 

Bheegi si barsaatein

kuch bheegi si barsaatein hain

kuch bheegi se ye raatein hain

ho sanam tum mere saath mein

bheegi hui si mulaaqaatein hain

bheege huye mausam me aaj mujhe

tumhaare sangh bheeg jaane do

chhoo lene to tumhaare hothon ko

tumhaare zulfon me kho jaane do

bheegi hui barsaaton mein

kuch bheege huye se armaan hain

kuch bheegi si barsaatein hain

kuch bheegi si ye raatein hain

bheege huye labon se tumhaare

mere labon ko aaj bheeg jaane do

makhmal se naram gaalon ko tumhaare

zaraa haath to mujhe lagaane do

bhar loon tumhe main baahon me

aaj bheege huye hum dono hain

kuch bheegi si barsaatein hain

kuch bheegi si ye raatein hain

in kaajal si kaali raaton me

koyal si pyaari teri baaton me

ghum ho jaaun main kuch is tarha 

bheege huye in mulaaqaaton mein

bheega huwa mausam bhi hai

bheega huwa hai ye jahaan

kuch bheegi si barsaatein hain

kuch bheegi si ye raatein hain

saagar jaisi teri aankhon me

doob jaaun main kuch is tarha

chaahun tairke agar nikalna main

na nikal sakun teri aankhon se

ye bheegi hui teri aankhen hain

ye bheegi hui teri baatein hain

kuch bheegi si barsaatein hain

kuch bheegi si ye raatein hain

sar se lekar tere paaon tak

jaise bheegi hai tu sharaab mein

hothon ko tere main chum loon

jo bheege huye hain gulaab mein

bheegi hui teri khoobshoo hai

bheege huye kuch hum bhi hain

kuch bheegi si barsaatein hain

kuch bheegi si ye raatein hain

in bheegi hui barsaaton mein

tu bheeg jaane de mujhko aaj

in bheegi hui si raaton me

tu bheeg jaane de mujhko aaj

kuch bheegi si barsaatein hain

kuch bheegi si ye raatein hain...

Baat kya hai

jo hothon pe aake ruk jaaye wo baat kya hai

piya na ho baahon me bhalaa wo raat kya hai

yaadon se badh ke jahaan me saugaat kya hai

haathon me na ho haath wo mulaquaat kya hai

Main nikal jaaungaa

main shaam hoon, kuch hi pal me dhal jaaungaa

ek andhera hoon, kuch hi pal me nikal jaaungaa

kyun darte ho meri moujudgi se, daro mat tum

ek bura sapna hoon, pal bhar me nikal jaaungaa...

Use chaahta hoon main

haathon ki lakeeron ko dekh kabhi kabhi sochta hoon main,

kyun nahi wo milti jise hadd se zyaadaa chaahta hoon main,

meri har duwa me bas usi ka naam hota hai aur kuch nahi,

kuch nahi chaahta, bas uska ta-umra saath chaahta hoon main...

Mujhe intzaar hai

karte hain intzaar sab apne mehboob ka

mujhe intzaar hai pooran ke chaand ka

karke gayi thi waadaa wo 

aayegi pooran ki raat ko

ab to intzaar hai mujhe

ki pooran ka chaand ho

sar pe aasmaan ho

pooraa wo chaand ho

niche is zameen par

mera chaand mere saath ho

bas wo mere saath ho

haathon me uskaa haath ho

khoob barsaat ho

aur lambi wo raat ho

leke usko baahon me main

baithun saari raat wo

mujhe intzaar hai ki

aisi koi raat ho

mujhe intzaar hai pooran ki wo raat ho

baithun uske sangh main aur meri uski baat ho

karte hain intzaar sab apne mehboob ka

mujhe intzaar hai pooran ke chaand ka...

Dil humein sataataa hai

dil hi hasaataa hai, dil hi rulaataa hai,

judaa karke fir se dil ki milaataa hai,

kabhi to tadapta hai mohabbat ke liye ye,

kabhi mohabbat ko koi gunaah batataa hai,

paagal sa hai dil jo kuch samajhtaa nahi,

ye dil humein bahut zyaadaa sataataa hai, 

dil hi hasaataa hai, dil hi rulaataa hai,

judaa karke fir se dil ki milaataa hai....

Jo subah tera nazar aanaa huwaa

jo aaj baazaar me subah teraa nazar aanaa huwaa,

in sukhe huye hothon ka firse muskuraanaa huwaa,

dekh mujhe jo tere aankhon ka sharmaanaa huwaa,

mere is dil pe kisi chhuri ka chal jaanaa huwaa,

bheege hothon se tere jo kuch badbaraabaa huwaa,

haaye, bas pal bhar me hi mera mar jaanaa huwaa,

tere zulfon ka apne chehre par se hataanaa huwaa,

bhari dopahari me chaand ka nazar aajaana huwaa,

angdaai leke jo pichhe mud ke tune dekha mujhe,

khade khade mera ladkhadaa ke gir jaanaa huwaa,

uffff, ye husn tera aur ye qaatil adaayen teri,

kitne aashiqon ka tujhe dekh jaan se jaanaa huwaa,

sharmaa jaaye gulaab bhi tere gaalo ki laali dekh,

jo sajdhaj ke tera kisi bagiyaa se hoke jaanaa huwaa,

kya bataaun aaj tujhe dekh mera kaisa haal huwaa,

bin chooye kisi jaam ko mera behek jaanaa huwaa,

guzri to tu mere kareeb se jaanaa aaj subah,

teri khooshboo me mera aaj mehek jaanaa huwaa,

jo aaj baazaar me subah teraa nazar aanaa huwaa,

in sukhe huye hothon ka firse muskuraanaa huwaa...

Meri soch

main aksar meri ek soch me kho jaataa hoon
laut ke un puraane panno me jeewan ke
main kabhi kabhi na jaane kyun kho jaataa hoon
sochta hoon, jo huwa kya wo theek tha
ya jo raha hai ab wo thik hai

soch meri mujhe majboor kar deti hai
ki main gum ho jaaun fir se un dino me
un guzren huye lamhon ke andhero me
main aksar doob jaataa hoon apni soch me


wo lamhe jo guzaare the unke sangh humne
wo kasme jo kabhi khaai thi unke sangh humne
wo kasme, wo vaade tut gaye, galti kiski thi
jo chhoot gaya saath unka , galti kiski thi

kho jaataa hoon aaj bhi usi soch me main aksar
ki jo paayaa wo sahi hai, ya jo khoya wo sahi tha....

Tumse milne ka bahaanaa naa raha

har shaam tumse milne ka bahana na raha,
aaj mere geeton me wo ehsaas na raha,
kabhi paon tale mere zameen na rahi,
kabhi sar pe mere aasmaan na raha,

kabhi baarish to kabhi aansoo me nahaata raha,
apne ghamon ko kuch is tarha bhigota raha,
mere apne jo bhi the wo mere apne na rahe,
zindagi me mere koi sahaara na raha...

Main tumhaaraa saath chaahta hoon

main haathon me bas tumhaara haath chaahta hoon,
umra bhar ke liye tumhaaraa saath chaahta hoon,
paake tumhe main paa loon ye jahaan saaraa,
pyaar bhari tumse ek do mulaaquaat chaahta hoon.....

Tasveer se dil behlaa leta hoon

tumhaare hone ke ehsaas se muskuraa deta hoon
tum ho paas, soch ke main khush ho leta hoon
ye kaisi deewangi hai meri samajh paataa nahi
naa dekh ke bhi tumko main tumhe dekh leta hoon

dekh tumhaari tasveer tumse baatein karta hoon
haathon se apne tumhaare hothon ko chhoo leta hoon
tumhaare na hone par bhi tumhaaraa ehsaas to hai
main tumhaari tasveer se hi dil behla leta hoon...

Mujhe mohabbat hai tanhaayi se

main tanha hoon, mujhe mohabbat hai meri tanhaayi se,
kyun milte ho pal bhar ke liye, dar lagta hai judaai se...

Tum zindagi ban gaye

meri saanson se mehek tumhaari aane lagi hai ab to,
ek ehsaas se tum jaane kaise meri har khushi ban gaye.
dhadakta hai ye dil mera ab tumhaare hi naam se, aur
tum jaan-e-jaanaa, mohabbat se meri zindagi ban gaye...

Wo kal aa jaayegaa

aayaa nahi hai wo aaj to kyaa, kal aajaayegaa,
id ka chaand hai, kabhi kabhi hi nazar aayegaa,
tum aankhen bichhaaye baithe ho jiski raahon me,
wo dil ka sukoon banke kal tumhe dikh jaayegaa...

Tum door ho ke bhi kareeb ho

kuch kuch haalat meri bhi tumhare jaisi hai

har chehre me tumhaaraa chehra

aisa lagta hai ki tum aas paas ho

yahin kahin ho, bas ek baar bulaaun main

aur tum chale aao

aake lag jaao mere seene se

aur kaho "jaanu, tum mere ho"

andhere kamre me roshni nahi karta 

is dar se ki tum chali na jaao

roshni me mujhe sab kuch dikhta hai

par andhere me bas tumhaari tasveer hoti hai

wo tasveer jo mujhe kareeb bulaati hai

tum ho yahi kahin, aisa mehsoos karaati hai

main jab waqt milta hai so jaataa hoon

bas isi ummeed se ki tum aaoge

tum mere khwaabo ko aake sajaaoge

haqeeqat me tum nazar nahi aate ho

par khwaab me aake mujhe chhed jaate ho

ye ehsaas tumhaare hone kaa

aake mere khwaabon me mujhe bhigone ka

apni zulfon me mujhe chhipaane ka

aur chupke se mere gaalo ko chho jaane ka

wo ehsaas tumhaare naram hothon ka

wo ehsaas tumhaare garam saanson ka

mujhe tadpaa ke paagal banaa jaata hai

mujhe bataate hain tum yahi ho

mere kareeb yahin kahin ho

ab to bas ye intzaar hai ki 

aake baahon me tumhe bhar loon

seene se lagaa loon tumhe

aur jee bhar ke pyaar kar loon

ye ghadiyaan intzaar ke kat_te nahi

aur ye baadal dooriyon ke hat_te nahi

kehta hoon in lamhon se ki guzar jaaye

ki wo waqt aajaaye kareeb ki tum milo

ho ghadi milan ki aur tum milo

tumse judaa hoke haal kuch ajeeb sa hai

dil to kehta hai ki tum kareeb ho

aur dimaag samjhaataa hai ki tum nahi ho

tum kahin nahi ho, tum kahin nahi ho....

Main paththaron ko tutte dekha hai

maine paththaron ko tut ke bikharte dekha hai,

zindagi ko maine maut ke liye marte dekha hai,

na ho samajh use mohabbat ki aaj to kya huwa,

maine paththar dil waalon ko pyaar karte dekha hai...

Jee lene do

aaj gaane do, dil me jo hai mere, wo sunaane do,

ud rahaa hoon badalon ki bheed me, mujhe udne do,

kho jaaun inme kahin main aaj, mujhe kho jaane do,

ladkhadaa jaaun, naa roko, khud se sambhal jaane do,

aaj main nashe me hoon, mujhe doob jaane do,

saahil ki talaash nahi mujhe, majdhaar me rehne do,

bheed me duniya ke tha ab tak, ab tanha ho jaane do,

main jaaun kahin bhi, naa roko mujhe, kho jaane do,

main deewaanaa hoon, mujhe hadd se guzar jaane do,

aaj mujhe gaane do, dil ke geet mujhe sunaane do,

rang me indradhanush ke mujhe aaj rang jaane do,

le jaaye kahaan ye pawan mujhe, uss sang jaane do,

main paagal hoon aaj, paagalpan me doob jaane do,

pee loon main aaj itna ki na hosh rahe, pee lene do,

ab tak mar raha tha main, zaraa aaj mujhe jee lene do,

na roko aaj mujhe, jo jee mein hai mere kar lene do,

aaj mann mera chaahe khul ke hasna, ise aaj has lene do,

kya pata ye pal na rahe kal tak, mujhe aaj jee lene do,

gaane ka mann hai mera aaj, mujhe gaa lene do,

na rahe kal ye zindagi,  mujhe aaj jee lene do...

Kuch to baat hai

baith akele me muskuraati hai wo kuch to baat hai,

aati nahi neend raaton me use ki kuch to baat hai,

chhupaati hai mujhse apne dil ki wo baat magar,

aakhon ko uske padh ke lagaa ki kuch to baat hai,

aaine ko dekh usse baatein karti hai subah shaam,

sajti hai, sawarti hai, to laga kuch to baat hai, 

jhoom uth_ti hai baarish ke aane ke ehsaas se wo,

bheeg jaati hai wo har baar ki kuch to baat hai,

baat karti hai sakhiyon se kuch ajeeb se aajkal,

uske badle mizaaz kyun hai, kuch to baat hai,

baat chaahe na kahe humse wo, marzi hai uski,

par hai yakeen humein is baar kuch to baat hai....

Wo dauda chalaa aayegaa

dil ki har dhadkan me hai, wo labon tak utar aayega,

dil tera uski yaad me tadapke yun geet gaayegaa,

wo tadapke reh jaayegaa, tere geeton ki aawaaz mein,

todke saare bandhano wo tere paas daudaa chalaa aayegaa...

Tere liye

tere liye hi main gaataa hoon,

tere hi geet gungunaataa hoon,

dhadkan bhi tu, saanse bhi tu,

tere liye hi muskuraataa hoon,

tujhse hi jeena, tujhse hi marna,

tere liye sab kuch main karta hoon,

jaan le tu ye baat meri jaanaa,

tujhpe hi to main bas marta hoon,

tere liye mere hothon pe baatein,

tere liye bas hain meri raatein,

yun to kisi se main milta nahi,

teri liye meri har mulaquatein...

Pukaar

haan mujhe ehsaas hai ki maine vaadon ko toda hai,

karke vaadaa mohabbat ka tumse, maine muh moda hai,

ek khwaab tha khoobsurat sa

tumhe aankhon me basaane ka

tumhaare sang muskuraane ka

chhoot jaaye chaahe duniya saari

akele hi saath nibhaane ka

khushi ke geet gungunaane ka

par kismat ka khel dekho

kya se kya ho ke reh gaya

jo thaa mere dil ke kareeb

wo begaanaa ho ke reh gaya

kami na hone di wafaa ki maine

aur wo mujhe hi bewafaa keh gaya

wo saath jeewan bhar ka dekho

tukdo me bikhar ke reh gaya

maaloom hai mujhe ki haath maine tumhaaraa chhoda hai,

wo kasme, wo vaade pyaar ke, un sabko maine hi toda hai,

par kya tumhe yaad hai

ek vaadaa jo tumhaaraa thaa

wo vaadaa jo tumhe nibhaanaa thaa

bhool jaaun agar main vaade apne

to tumko hi mujhe samjhaanaa thaa

kya huwa jo ek bhool mujhse hui

'maafi', ye to tumhaaraa hi gehnaa thaa

"jaanu tum bhool rahe ho apne vaade"

ye mujhe aake yaad dilaanaa thaa

tum hi kaho main akele saath nibhaaun kaise

judaa ho ke tumse main koi geet gaaun kaise

tum hi to mere har geet ke shabd the jaanaa

bina shabd ke main ab koi geet banaaun kaise

main tanha hoon, main ab muskuraaun kaise

ruk jaate tum, maanaa galti meri thi, maine dil toda hai,

karke vaade wafaa ke bich raah pe maine saath chhoda hai,

aajaao na , jaanaa ab to aa jaao naa,

reh ke duur mujhse, mujhe sataao naa,

maantaa hoon kasoor mera tha sab, par

aake jaanaa mujhe maaf kar jaao naa

ab na kabhi main tumhe tadpaaungaa

vaade mohabbat ke main nibhaaungaa

aake lag jaao mere seene se ek baar

to main fir se khulke muskuraaungaa

jaanaa, main fir se gungunaaungaa

main fir se khushi ke geet gaaungaa...

Pyaar aayaa

teri maasoom si baaton me mujhe pyaar nazar aayaa,
jahaan bhi dekhun, har taraf tu hi tu nazar aayaa,
tujhe dekhun, tujhe chaahun, tujhe god me le loon,
tere aane se mera jeewan khushiyon se jagmagaayaa....

Tumhaaraa intzaar kar rahe hain

dekho wo kaale badal kaise tumhe nihaar rahe hain,

tum aao to barse, tumhaaraa intzaar kar rahe hain,

mere geet tumhaare naam se tumhe pukaar rahe hain,

tum aao to gaaye, tumhaaraa intzaar kar rahe hain...

Ye kaisi mohabbat

yeh kaisi mohabbat hai tumhaari jo bin bulaaye aati nahi,

aur yaadein tumhaari aisi hain jo bin rulaaye jaati nahi...

Raat kat_te nahi

ye nazren tumhaari raahon se hat_te nahi,

ye lamhe tumhaare intzaar me kat_te nahi,

kat jaate hain din tumhaare bin magar,

ye kaali raatein tum bin mere kat_te nahi....

Tum nahi aaye

kya tum naraaz ho mere kisi baat se, kyun tum nahi aaye,

karke vaadaa ek baras ki judaai ka ab tak tum nahi aaye,

har raat ke andhere ke baad suraj aayaa, par tum nahi aaye,

aayaa har mausam laut ke har baar, par ab tak tum nahi aaye,

aayi holi, diwaali, id, christmas har baar par tum nahi aaye,

aayaa nazar id me bhi chaand humko magar nazar tum nahi aaye,

likhe kai khat tumhaare naam se, jawaab bankar tum nahi aaye,

aayi khabar tumhaare har jeet ki, magar kabhi tum nahi aaye,

aaye mere har khwaab me, magar haqeeqat me nazar tum nahi aaye,

banke reh gaye ek ummeed, jise poori kabhi kar tum nahi paaye,

nahi thaa pyaar humse tumhe to pyaar ka waadaa kiya kyun tha,

lo ab to maut bhi mere kareeb aa gayi, par abhi tum nahi aaye,

karke vaadaa ek baras ki judaai ka ab tak tum nahi aaye,

aayaa har mausam laut ke har baar, par ab tak tum nahi aaye....

Wo rishta tod chali mujhse

wo kaanch ki chudiyaan jo use maine

apni pehli mulaquaat pe diya tha

mujhe lautaate huye boli wo

'jab tum hi mere na rahe to

main in chudiyon ka kya karungi,

koi pooch le agar meri sooni kalaai ka raaz

tum mere nahi rahe, main aisa keh dungi'

dukh huwa sunke bahut mujhe uski baat ka

yaad aayaa wo vaadaa pehli mulaaquaat ka

haathon me leke haath mera 

kuch vaade kiye the usne mujhse

tod ke wo vaade saare

tod chali wo rishta mujhse

maine usko roka bahut

pyaar se samjhaayaa bahut

jo dawaa thi mere dard ki

usi ne mujhe tadpaayaa bahut....

Confused dil mera

'confused' hai dil mera, ye kuch bhi samajhta nahee,

karna hai kya ise, ye khud kabhi kuch karta nahee,

darta hai ye pyaar se aur pyaar bhi karta hai ye,

pyaar ka apne pyaar se ye izhaar kabhi karta nahee,

bulaataa hai use 'chatting' pe, karta hai usse 'chat' bhee,

par jo kehna chahiye baat wo, kabhi usse kehta nahee,

phone karta hai ye usko, 'sms' bhi khoob karta hai ye,

par un saare 'messages' me 'I love you' rehtaa nahee,

khwaabon me hai dekha karta, wahi hai meri 'dream girl',

bas 'dream' me hi kehta hai, 'reality' me kyun kehta nahi,

yun to bahut 'bold' hai, 'dashing' bhi hai aur 'smart' bhi,

kya faida in khoobiyon ka jab dil ki baat kehta nahee,

sochta hai kabhi 'propose' kar de, kabhi pichhe hat_ta hai,

'confuse' hoke dil mera ye kuch bhi keh paataa nahee,

milta hai use roz lekin, tab bhi lagta hai ki 'lonely' hai,

tadapta hai ye dil mera ye 'lonely' ab reh paataa nahee....

Ek baar mehsoos karke dekho

main behta hoon tumhaare rago me lahu banke,

ek baar tum mehsoos karke to dekho,

rehta hoon tumhaare saanso me khoshboo banke,

ek baar tum mehsoos karke to dekho,

maangti ho duwaa mere saath ki, main saath hoon,

zaraa ek baar khud se poochh ke dekho,

tumhaare har ek dard ki main dawaa hoon, raahat milegi,

ek baar tum apne dil ki sunke to dekho,

main tumhaaraa tha, tumhaaraa hi hoon, rahunga bhi tumhaara,

bas ek baar tum mera aetbaar kar ke dekho...

Tumhaari saanson ki mehek

tumhaari saanson ki mehek se aaj bhi mehekta rehta hoon main,

tumse hi mujhe mohabbat hai apne yaaro se ye kehta hoon main,

dhunta hoon tumhe khwaabon me, haqeeqat me tumhe maangta hoon,

tum nahi to kuch nahi hai, ab tanha har pal rehta hoon main...

Dil ki baat

darta bhi hoon, marta bhi hoon,

pyaar unse main karta bhi hoon,

jab bhi milne ki ho baat unse,

har baar main sanwarta bhi hoon,

kehna hai, kuch kehna hai mujhe,

unke dil me bas rehna hai mujhe,

karta hoon main kai baatein unse,

par kehta nahi jo kehna hai mujhe...

Dil ki baat batlaaun kaise

ek uljhan hai dil me mere, main wo suljhaaun kaise,

mohabbat hai unse bepanaah, ye unhe batlaaun kaise,

chaahaa kitni baar maine, keh dun dil ki baat unse,

dil me jo bhi baat hai wo zubaan tak main laaun kaise,

jo tadap hai dil me mere, usko kam main kar paaun kaise,

bechain hai aaj har saans meri, chain ab main paaun kaise,

jaan hai meri jaan hai wo, ye usko main samjhaaun kaise,

kehne ko har baat keh dun, par dil ki baat batlaaun kaise...

Raho duur mujhse

raho duur mujhse, kuch na mil paayega tumhe mere paas

dard ka samundar hai, aur uusi me tum bhi doob jaaoge

ho ke guum meri duniyaa me barbaadiyon ke ek din tum

khud ko barbaad karke tanhaayion me tanha reh jaaoge

Hum kya karen

ek hum hain, ek hamaaraa dil hai jo unke siwa kuch sochta nahi,

na soche ek bhi baar wo hamaare baare me to bolo hum kya karen,

tadapte rehte hain hum subah se shaam tak paane ko unki mohabbat,

reham na ho unke dil me hamaare liye to bhalaa hum kya karen,

sau sitam ho unke, tofhe me humein maut hi kyun na de den,

na nikle uff tak hamaare muh se to bolo hum kya karen,

chahte hain unhe hum kitna ye bataa sakte nahi unko kabhi,

na chaahe wo humein kabhi ek pal bhi to bolo hum kya karen,

is ummeed se likhte hain ki wo padhen, taarif karen,

par wo to mudke dekhte hi nahi, kaho ab hum kya karen,

roz unke naam pe, bade pyaar se kuch na kuch likhte hain,

karam na ho kabhi unke nazron ki to bhalaa hum kya karen....

Kabhi baarish to kabhi baadal

kabhi baarish to kabhi baadal keh doon,

main tumhe koi khoobsurat ghazal keh doon,

kahun kya main taarif me tumhaare,

kabhi tumhe main taaj mahal keh doon,

zulfon ka tumhaare jaadu jo hai jaanaa,

chaahun main tumhe haseen shaam keh doon,

doob jaaun tumhaari aankhon me jo main,

main tumhe nashe ka koi jaam keh doon,

dekhun tumhe to bas dekhtaa hi rahu main,

tum roshni ho, main tumhe dhoop keh doon,

raat ke andhere me kabhi dekh loon tumko,

chaand se haseen tumhaaraa roop keh doon,

khushi ka main tumhe jwaar keh doon,

kabhi gulaab to kabhi bahaar keh doon,

basi ho mere ang ang me kuch is tarha,

kabhi lahu to kabhi khumaar keh doon,

kabhi baarish to kabhi baadal keh doon,

main tumhe koi khoobsurat ghazal keh doon...

Kal ki wo shaam

bitaayi ek shaam fir se tumhaare sangh humne,

to un beete huye kai shaamon ki yaad aa gayi,

liya haathon me jo tumhaaraa haath maine kal,

to yaadon me mere wo pehli mulaquaat aa gayi,

pyaar kabhi kam nahi hota, ye ehsaas huwa,

kal kee shaam kuch to mere saath khaas huwa,

doob ke dekha fir se gehri aankhon me maine,

koi to hai mera jo mere dil ke aur paas huwa,

tohfe me jab tumhe maine wo laal gulaab diya,

tumne sharmaake use aanchal me chhipa liya,

ek gulaab hi to tha, koi keemti samaan nahi,

jaane tumpe us gulaab ne asar kya khaas kiya,

kal shaam jheel ke kinaare baithna achcha lagaa,

kandhe pe mere tumhaaraa sar rakhna achcha lagaa,

yun laga jaise hum barso se nahi mile tumse, kal

tumse shaam mera milna mujhe bahut achcha lagaa....