Sunday, December 8, 2013

Teri yaadein

tere zulfein yaad aati hain jab bhi yahaan shaam hoti hai
aur har roz hum ghar laut_te un panchhiyon ko dekhte hain
jo sawere chaaron ki talaash mein ghoslon se udd gayi thi
ek ummeed si jagti hai ki ek din tu bhi laut aayegi... ghar apne...

aake fir ek baar meraa yeh ghar, apne rang mein sajaa degi
fir se saweraa waisaa hi hogaa jaisaa huwaa kartaa thaa
jab tu thi, kareeb mere, meri baahon mein, har pal, har lamhaa
jab raat kaa andheraa teri roshni se duur ho jaataa thaa...

yaad to hogaa tujhe bhi, woh haseen se lamhe tere mere saath ke
jab ghanton hum ek dusre kaa haath thaamke baaton mein khoye rehte the
jab waqt kaa pataa hi nahi chaltaa thaa kaise guzar jaayaa karti thi
doobe rehte the hum, guum se rehte the hum ek duje ki aankhon mein...

aksar woh teri khilkhilaati hasi paagal banaa jaati hai mujhe
meri chhoti chhoti baaton ko kitne dhyaan se tu sunti thi
kabhi apne naakhoon ko daanton se kaat_ti, kabhi apni anguthi se khelti
kabhi main chhuu loon teraa haath to kaise sharmaa jaayaa karti thi...

yaad hai naa kaise tu pyaar se mujhse kehti thi 'Chhodo naa'
jab main teri kalaayi apne haathon mein thaam letaa thaa
apnaa chehraa chhipaane ki koshish mein tu kaise laal ho jaayaa karti thi
uuuuuffffff ek ek lamhaa un mulaaqaaton kaa jaise ab bhi jiwit ho...

haan sach hai, bas duur huwe hain hum jismon se, rooh se nahi
ab bhi mere har ehsaas mein tu aakar mujhe cheed jaati hai
din mein, raat men, jo bhi karun main, har us kaam mein tu dikhti hai
har baar mujhe ehsaas dilaati hai ki tu ab bhi kareeb hai... mere paas hai...

jaantaa hoon main ki teri duniyaa alag hai ab, mujhse bahut judaa hai
bas yahi wajah hai ki main kehtaa nahi ki tu aajaa sab chhod ke ... paas mere
magar main bas is ummeed se jeetaa jaataa hoon ki kabhi to fir milegi mujhse
bas ek baar.. bas ek deedaar ke liye main tadaptaa rehtaa hoon.... sach...

duur se hi sahi.. kabhi mujhe nazar aa jaaye.. duniyaa ke kisi kone mein
bas ek jhalak tujhe dekh loon... mehsoos kar loon tujhse fir se ek baar...
dekh loon tujhe to shaayad har shaam fir aisi sooni naa lage.. kuch khaas ho...
ek chehraa teraa... shaam ke rang ko bhi badal degaa.... tere hi rang mein...hai naa...
Mehsoos karke dekho naa

aag bahut hai ab bhi zaraa apni saanson ko chhoo kar ke dekho naa
khaamoshi har baat keh jaati hai tumse, mehsoos kar ke dekho naa
kuch baatein jo dil se zubaan tak aate aate thahar jaati hain
un baaton ko tum apni samundar si aankhon se keh kar ke dekho naa

tumhaari har baat ko tumhaari khushboo se mehsoos kar letaa hoon
jo kahaa nahi aaj tak tumse, aao aaj tumse main woh baat kehtaa hoon
hai mohabbat mujhe tumse is jahaan ke har chehre se badh ke jaanaa
dhadkano par naam tumhaaraa likh ke saans tumhaare naam se hi letaa hoon
Gudgudaa jaati ho mujhe

har baar khwaab me aake tum chhed jaati ho mujhe,
chhupke se aake paagal kar jaati ho tum mujhe,

tanha raat ke tanhaayi me tum aa jaati ho,
meri tanhaaiyo ko dur kar baahon me bhar leti ho mujhe,

har muskuraate chehre me tumhaara hi chehra dikhta hai,
aur apni pyaari muskaan se tum gudguda jaati ho mujhe,

har shabd mera tumse hi shuru hoke tumpe hi khatam hota hai,
tum ho mere geeton me har pal aur bahut yaad aati ho mujhe,

har geet main bas tumhaare hi naam pe to likhta hoon jaana,
bheege hothon pe sajaake tum har baar gunguna jaati ho mujhe...
Pyaar kar loon

ek baar fir se main tujhse milke tujhe pyaar kar loon,
tujhe baahon me bharke main fir se iqraar kar loon,

kahin beet na jaaye ye mausam mohabbat bhara,
tere pyaar ko main jeewan bhar k liye sweekar kar loon,

kya pata kal na rahe ye mausam jaisa aaj hai khila,
aaja mere sanam mere kareeb ki main tera aetbaar kar loon,

chhoo loon hothon ko tere apne kaanpte hothon se,
ki ek baar fir se main apni hasratein poori kar loon,

kho jaun zulfon me main tere aaj kuch is qadar,
thoda khud ko paagal aur thoda tujh ko deewaana kar doon,

aaja meri baahon me aake bikhar ja tu fir ek baar,
tere jism ko khud me lagaake main khud se thoda pyaar kar loon...
 Jaise  huwaa karti thi

haan aaj bhi ye raat waisi hi hai jaisa hua karti thi,
raat me pyaar ki wo baat waisi hi hai jaisa hua karti thi,

aaj bhi mere khwaab me tum mere baahon ke ghere me hoti ho,
angraayi waise hi leti ho jaisa ki pehle liya karti thi,

ye doorie ka ehsaas hota hai jab main aankhen kholta hoon,
band aankhon me mere paas hoti ho jaise pehle hua karti thi,

ye pyaar bhi waisa hi hai, ye khumaar bhi wisa hi hai,
bas doorie jismon ki hai, par dil me aaj bhi ho jaise hua karti thi....


Jeewan

ye jeewan hai kabhi hasati hai to kabhi rulaati hai,
kabhi sukoon deti hai to kabhi bahut sataati hai,

raahi hain hum is jeewan me, humein manzil bulaati hai,
chalna hamaara kam hai, sukh dukh to jeewan ka saathi hai,

mumkin hi nahi ki har lamha bas khushiyon se bharaa,
ek pal pyaar hota hai to kabhi dard bhare geet sunati hai,

ye jeewan hai mere dost, kabhi hasaati hai, kabhi rulati hai,
aur kabhi kabhi hamaare dard ko dekh ye khud muskuraati hai,

ye jaawan hai kabhi hasati hai to kabhi rulaati hai,
kabhi sukoon deti hai to kabhi bahut sataati hai....
Meri mohabbat

bharke tujhe baahon me tera ho jaaunga,
teri mohabbat me main tujhme kho jaaunga,

jab bhi tu pukaare mujhe, dauda chala aaunga,
saaya banke tera main tere saath reh jaaunga,

paake tujhe paaya hai maine ye jahaan saara,
ab is jahaan ko chhod tere dil me theher jaaunga,

aa meri jaana ki main tere hi liye aaya hoon,
tujhko apni mohabbat se main paagal kar jaaunga,

aaj apni mohabbat me main tujhko bhigo jaaunga,
baahon me bharke tujhe tere hothon ko chhuu jaunga,

andheron ko duur karke ujaale ab laa dunga,
apni chaahat se teri duniya roshan kar jaaunga...

Kuch bhi

na kaho aisa ki tumhe matlabi kaha hai humne,
matlabi to hum hain jo saath chhod gaye majdhaar me,

duniya mein kai chaahne waale mile kai gaye,
badte rahe hum apni zindagi me aur tum rahe kataar me,

ek aur dil toda hai humne jaane anjaane me hi sahi,
chaaha tumne humein par dagaa diya hai humne pyaar me,

kya kahen tumse ye samajh k baahar hai hamaare,
aajaayen kareeb tumhaare ya bitaane de tumhe ghadiyaan intezaar me.....
Ehsaas

jab dil me jasbaaton ki aandhi aati hai,
eshaas shabd ban gazal ka roop le leti hai,

aansuon ki dhaara behti hai tab is qadar,
ki dil ke armaano ko wo doobo deti hai,

suukh jaate hain aansoo bhi kuch palon k baad,
aur khushi naya rang leke saamne aa jaati hai,

toofan jo uth_te hain dil me dabe dabe se,
ek roz tadap ke un deewaaron ko tod deti hai,

raat andheri hoti hai ye maaloom hai humein,
par har subah suraj andhere ko duur kar deti hai...
Aajkal

kuch is tarha ka haal hai mere dil ka aajkal,
chehre pe mere khilte nahi kabhi muskaan aajkal,

kuch to khoya hai maine shayad in kuch dino me,
yahi wajah hai saath rehke bhi tanha hoon aajkal,

khush hoon soch ke main aane waale pal ke baaare me,
par shayad koi apna sa duur hai mujhse aajkal,

ghira hoon apno ke daayre me, pyaar karte hain sab,
par shayad kisi khaas ki kami khalti hai aajkal,

jaane ye kaisa ehsaas hai kuch paake bhi na paane ka,
bahut tadpaati hai mujhe meri jeeti hui haar aajkal....
Tumhaari yaadon mein rehtaa hoon

main tumhaari baahon me na sahi tumhaari chaahon me rehta hoon,
chaahe tumse meelon duur hoon par tumhaari yaadon me rehta hoon,

mehek tumhaare saanson ki aaj bhi mere saanson ko mehkaati hai,
kya hua agar tumhaare saamne nahi, tumhaari dhadkano me rehta hoon,

tumhaare har ek geet me main hi rehta hoon ye hai pata mujhe,
yaaron ki mehfil me main bas tumhaaare hi geet sunaata hoon,

jaanta hoon kya betaabi hai tumhaare dil ki, kyun paagal ho tum,
main kisi aur ki nahi bas tumhaare yaadon ki qaid me rehta hoon,

lab khaamosh hai tumhaare aaj, uski wajah bhi jaanta hoon main,
samajhta hoon sab par nasamajh ban main ab bas chup rehta hoon,

har shaam yaadon ka aake chhedna kisi toofaan se kam nahi hota,
main ek bikhra hua tinka, toofaan se har pal ladta rehta hoon,

kasak to aaj bhi uth_ti hai is hriday me tumhaare pyaar ki,
par main, haar ke apni zindagi, is zindagi ko jeeta rehta hoon....

Saturday, December 7, 2013


saanson mein saans aajaati hai ek tere naam se
ho tu kareeb zindagi guzar jaati hai aaraam se

uufff teri aankhen, uufff tere lab, kyaa kahun
nashaa teraa badh ke hai jahaan ke har jaam se

jin zulfon mein kabhi hum kho jaayaa karte the
jinki godi mein sar rakh ke so jaayaa karte the

woh aankhein samundar se bhi gehri thi us hasi ki
jinhe dekh hum aksar paagal ho jaayaa karte the

Friday, December 6, 2013

Yaadein

tumse judaa ho ke bhi main tumhaari koi baat nahi bhoolaa
guzar gaye kai saal magar woh pehli mulaquaat nahi bhoolaa
yun to keh detaa hoon yaaron se ki mujhe mohabbat nahi
magar haqeeqat yeh hai ab tak tumhaara saath nahi bhoolaa

har roz ek baar hi sahi tumhe yaad main kar letaa hoon
tumhaari baaton ko soch soch akele hi muskuraa letaa hoon
koi dekh letaa hai agar mujhe yun haste huwe kabhi to
koi puraani baat hai keh ke main hasi mein udaa detaa hoon

chhip chhip ke tumhaari tasveer kaa deedaar kar letaa hoon
fir aankh band kar kuch der yaadon mein doob jaataa hoon
kuch alag hi ehsaas hotaa hai aaj bhi puraani yaadon mein
doob unn dino ki yaad mein main aaj ko hi bhool jaataa hoon...

Wednesday, November 27, 2013

Mujhe kho jaane do naa

naa roko tum khudko jaanaa, aur paas aa jaane do naa
mere dil ki pyaas bujhaane seene se lag jaane do naa

kabse maine sunaa nahi hai kehdo naa tum mere ho naa
ab bheegey se ehsaason ko bheegey se ho jaane do naa

saagar si gehri do aankhein, mujhko apne paas bulaati
apni gehri aankhon mein tum, mujhko kho jaane do naa

kholdo apni zulfon ko tum, kuch der main un se khelun 
zulfon ke saaye mein apne, umra bhar reh jaane do naa

hothon se chhuu lene do naa, naram gulaabi honth apne
chhuuke tumhaare hothon ko ab madhosh ho jaane do naa

khwaab ho yaa haqeeqat ho, saamne ho tumhaaraa chehraa
bas dekh ke us chehre ko, paagal mujhe ho jaane do naa

dekhun tum ko, sochun tum ko, tum ko hi chaahun jaanaa
apne is deewaane ko tum, aur zyaadaa ban jaane do naa

shabdon ko ab jod jod ke tasveer tumhaari banaataa hoon
mohabbat ke rangon se apne, ise rangeen ho jaane do naa

'Hriday' tumhaari chaahat mein kyaa ab banna chaahtaa hai
likhun tumhaare chehre par, kavi mujhe ban jaane do naa

Tuesday, November 19, 2013

Majboor kar diyaa

aapki mohabbat ne kuch is tarhaa humpe asar kar diyaa
rokaa bahut khud ko, deewaanaa humein magar kar diyaa

hum khoye rahe nashe mein, aapki aankhon ke raat bhar
pataa hi nahi chalaa ki kab raat se dopahar kar diyaa

naam se aap ke ab hamaaraa naam judne lagaa har jagah
judaa aapse hamaaraa anjaanaa saaraa shahar kar diyaa

maikhaane pe sharaab ke gaye hum hazaaron baar, magar
aapki un do aankhon ne har nashe ko be-asar kar diyaa

jalaate rahe hain chiraag roshani ke liye hum aaj tak
aapki tasveer ne roshan hamaaraa saaraa ghar kar diyaa

yun to nahi hai pyaar 'Hriday' ko jahaan mein kisi se
aapki aankhon ne majboor jaagne ko raatbhar kar diyaa
Tumhaari aankhein

kuch to baat hai tumhaari aankhon mein
jo dekhun to dekhtaa chalaa jaataa hoon
koshish bahut kartaa hoon sambhal jaaun 
par har baar main fisaltaa chalaa jaataa hoon

jo nashaa hai unmein kyaa bataaun jaanaa
dekh lun to bas jhoomtaa reh jaataa hoon
laakh chaahun ki nazar churaa lun un se
apne nazar ko hataa hi nahi paataa hoon

kareeb mujhe bulaati hain tumhaari aankhein
kitne hi sapne dikhaati hain tumhaari aankhein
in aankhon ki mastiyaan kyaa bataaun main jaanaa
mohabbat karnaa sikhaati hain tumhaari aankhein

kisi sharaabi ke liye jaam hain tumhaari aankhein
premi ke liye haseen shaam hain tumhaari aankhein
doob jaaye samundar bhi tumhaari do aankhon mein
meraa har aaghaaz, har anjaam hai tumhaari aankhein

Friday, November 15, 2013

Guzaarish

khwaab hain kaanch ke, kaanch ki har khwaahish hai
hothon par muskaan saji aur aankhon se baarish hai

dil mein hai kuch hamaare aur zubaan kuch aur kahe
hai kis kaa yeh khel saaraa, kiski yeh saazish hai

jisko kabhi kuch naa milaa woh usi mein khush rahaa
jisko milaa jitna zyaadaa, us ki utni farmaaish hai

kaisi deewaali hai, yahaan jashn hai kaisaa bhalaa
zameen pe andheraa ghanaa, aasmaan mein aatish hai

kaanton se saji raahon pe nange paaon chalnaa hogaa
mushkilen hi har taraf hain kaisi yeh aazmaaish hai

kisko yahaan apnaa kahen hum, kaun hai apnaa yahaan
har taraf dikhaawaa hai, har taraf bas numaaish hai

duwaaon mein maangte hain bas taaqat muskuraane ki
naa dekhle koi rote huwe bas itni si guzaarish hai

Thursday, November 14, 2013

Pyaar karne lage hain

humein khwaabon mein sajaakar sanwarne lage hain
aap mohabbat mein aur zyaadaa nikharne lage hain

jab chhooo liyaa humne bheegey labon se labon ko
khwaab haseen se dil mein saare umarne lage hain

hum jab kabhi dekh lete hain aapko khwaabon mein
do kadam khwaabon mein chalke thaharne lage hain

kuch to hai baat aap ke madbhari un aankhon mein
ki baar baar un aankhon se pyaar karne lage hain

kuch haal apnaa deewaano saa ab yun ho rahaa hai
hum kabhi jeene to kabhi aap par marne lage hain

dil ke armaan hamaare hain unn patangon ke jaise
dor jiski chhodne to kabhi hum pakadne lage hain

baazuon mein aap ko hum apne bharnaa bhi chaahen
magar khud hi kyun tootke hum bikharne lage hain

unn aankhon ki masti, bheegey labon ki woh laali
uuuuffff haddon se mohabbat ke guzarne lage hain

mohabbat aap se bepanaah hai 'Hriday' ko, magar
kadam aage badhaane se hum kyun darne lage hain

Monday, November 11, 2013

Ek aur ilzaam sahi

miley hazaaron humein, ek nayaa ilzaam sahi
ghamon ke samundar mein gham kaa inaam sahi

kisine paagal kahaa, kisine kahaa deewaanaa 
bewafaa jo naam diyaa, ab to yahi naam sahi

raaste ke paththar ko har kisine thukraayaa
kisise hum kyaa kahen, thokrein tamaam sahi

dard leke hi aaye the, dard leke jaanaa hai
dard har subah ab, dard bhari har shaam sahi

maikhaane ke chaukhat pe apnaa thikaanaa ho
apne kismat mein yaaron botal aur jaam sahi

apne kis kaam ke mohabbat bhare jo geet the
baazaar mein bech den kaudiyon ke daam sahi

apne alfaazon mein sur kahaan se laayen hum
ghazal nahi ban paaye ab, aur koi kaam sahi

muskaan kabhi aayi nahi sukhey in hothon par
maut gale lagaa len hum, maut hi aaraam sahi

jee to hum paaye nahi, mar mar ke jeete rahe
dard bhare is jeewan kaa dard hi anjaam sahi

Thursday, October 31, 2013

Aisaa asar kar gayi

kuch to hai baat unki aankhon ke ishaaron mein
naam aane lagaa aajkal hamaaraa beemaaron mein


unki aankhen kuch is tarhaa se asar kar gayi
aankhon se guzarke is dil mein ghar kar gayi

hum poochhte rahe khabar unhi ki har kisi se
unki aankhein har khabar se bekhabar kar gayi

aankhon kaa kaajal aur geeley labon ki laali
woh pareshaan humein kal raat bhar kar gayi 

jaagte rahe hain hum adkhuli aankhon se apne
banke khwaab woh aankhon mein basar kar gayi

unke jism ki khushboo se hi mehekte rahe hum
khushboo se khusnumaa saaraa shahar kar gayi

aadat nahi thi humein dil lagaane ki kisi se
sambhaalaa bahut dil ko paagal magar kar gayi

khud ko badaa shaatir samajhte the hum ab tak
apne hunar se feekaa meraa har hunar kar gayi

naa bahaa ek boond khoon, naa dard hi huwaa 
kaisaa woh qatl thaa jo unki khanjar kar gayi

'Hriday' shaayar thaa, ab aashiq kehlaane lagaa
unki mohabbat kuch aisaa hum par asar kar gayi

Wednesday, October 30, 2013

Haseen shaam deke dekhenge

aapko dil kaa har paighaam deke dekhenge
aapko haseen si koi shaam deke dekhenge

jaan jaayengi aap bhi hamaari chaahat ko
mohabbat ko hum apnaa naam deke dekhenge

yun naa soch lenaa ki aap be-kasoor hain
aapki aankhon par har ilzaam deke dekhenge

sochte honge ki hum kyun nahi kehte aapse
mushkil saa aap ko koi kaam deke dekhenge

haalat aapki kharaab naa ho jaaye to kehnaa
mohabbat ki nishaani sar-e-aam deke dekhenge

Tuesday, October 29, 2013

Shaayad hum muskuraate nahi

hum chhip chhip ke aapkaa aksar humse sharmaanaa dekhte hain
zulfon ki aad mein chhipaake chehraa muskuraanaa dekhte hain

jaante hain hum bhi aapko jalan hoti hai kisi aur ko dekhlen
har baar aap kaa mohabbat ki aag mein jal jaanaa dekhte hain



naa ji naa sanam hum aap se nazar churaate nahi
yakeen hai aap par is liye aap ko aazmaate nahi

jab bhi aap hamaare kareeb aane kaa sochtey ho
kyaa karen hum, bas hum yahi samajh paate nahi

haalat hi apni deewaano si ho jaati hai jaanaa
hum jaan bujhkar kabhi bhi aap ko tadpaate nahi

aap kaa naam jahaan aayaa, woh ghazal kehlaayaa
ban khud jaati hai, hum koi ghazal banaate nahi

daulat yaa rutbaa kyaa zindagi hain aap hamaari
magar hothon se aapko yeh baat hum bataate nahi

hai mohabbat humein bepanaah aapse yeh sach hai
magar dilki baat aapse hum kabhi keh paate nahi

kyaa bataayen hum aapko, kyaa hain hamaare liye
naa hote aap hamaare, hum kabhi muskuraate nahi

sirf ek naam 'Hriday' hi rehte is zamaane mein
is tarhaa aap ke geeton ki wajah ban paate nahi

ek aapki mohabbat hi hai jeene ki wajah hamaari
naa hoti mohabbat to shaayad hum jee paate nahi

Monday, October 28, 2013

Meraa koi thikaanaa nahi

kitni hi khwahishein dil ki, dil mein hi dum tod dete hain
aksar hamraahi manzil ke kareeb aake haath chhod dete hain

bhaagte rehte hain apni hi parchhai se pichha chhudaane ko
paaye kaise manzil hawaayein aksar raaste hi mod dete hain


samjhaayaa thaa logon ne dil ko lagaanaa nahi
main naasamajh kisi ki baat kabhi maanaa nahi

yun huwaa hoon gum main gham ke samundar mein
milaa hazaaron se par kisi ne pehchaanaa nahi

daakiyaa thaili mein bhar kar ghumaataa rahaa
main woh khat hoon jis kaa koi thikaanaa nahi

main udtaa rahaa sukhey kisi pattey ki tarhaa
naa le jaaye hawaa to kahin mujhe jaanaa nahi

do pal chain ki saans main loon bhi to kaise
thahar jaaun kahin aisaa koi aashiyaanaa nahi

haste hain dekh haalat raah se guzarne waale
kehte hain ki mujh jaisaa koi deewaanaa nahi

dhundtaa rehtaa hoon wajah muskuraane ki main
shaayad kismat mein hi mere muskuraanaa nahi

kuch to hai wajah ki itnaa dard hai mere paas
main zamaane kaa nahi yaa meraa zamaanaa nahi

Saturday, October 26, 2013

Deewano se hum lagne lage

jabse tere nainaa thagne lage hain
deewaano se hum to lagne lage hain

din guzaar dete hain tere hi sangh
hum raat raat bhar jagne lage hain


naa karo itni mohabbat ki zindagi kam lagne lage
sambhaalo humein, naa deewaano se hum lagne lage

dekhaa hai jab se sharaab si tumhaari aankhon ko
tabse ladkhadaate se hamaare do kadam lagne lage

khoke tumhaari gehri do aankhon ke samundar mein
kabhi doobte, to kabhi tairte se hum  lagne lage

yun aadat lagi hai ab humein tumhaari jaane jaan
ki humein achche hamaare hi har karam lagne lage

khoobsoorat lagne lagi hai zindagi ab to hamaari
har khwaab hamaare haseen ab to sanam lagne lage

khaa len har kasam ab tumhaari khushi ki khaatir
aasaan humein waade, hamaare har kasam lagne lage

kaanton mein ab dard jaisaa kuch baaki naa rahaa
phoolon jaise zamaane ke zulm-o-sitam lagne lage

sunte the kisse lailaa majnu, shireen farhaad ke
kuch huwaa aisaa ki ab unhi jaise hum lagne lage

jaise jaise kam huwi dooriyaan darmiyaan hamaare
dil mein hamaare mohabbat ke sholay sulagne lage

der naa lagi humein tan mann se ek ho jaane mein
jaise tum hamaare ho aur tumhaare hum lagne lage

Thursday, October 24, 2013

Yun naa muskuraayaa kijiye

humse nazren churaake yun naa sharmaayaa kijiye
jab bhi aayen saamne seene se lag jaayaa kijiye

aadat nahi sharaab ki to kaise jaam pee len hum
jaam apne husn kaa, thodi thodi pilaayaa kijiye

beqaaboo ho jaate hain, hum dekh aapkaa chehraa
dekhke hamaari taraf yun naa muskuraayaa kijiye

hulchul saa mach jaataa hai dil ke har kone mein
jaadu adaaon kaa dheere dheere chalaayaa kijiye

Baarish hoti hai

un ke aankhon ki kuch yun saazish hoti hai
dekhte hain pyaar se jab, baarish hoti hai
bheeg jaataa hai jism kaa har ang jis mein
aise baarish ki hi sirf khwaahish hoti hai


dil sambhaltaa nahi laakh sambhaale us pal
jitnaa roknaa chaahen, machaltaa rehtaa hai
koshish karte hain shaant ho jaaye do pal
magar dil yeh haathon se fisaltaa rehtaa hai

nishabd se ho jaate hain lab unhe dekh kar
dil ki unse khaas kuch sifaarish hoti hai
bheeg jaataa hai jism kaa har ang jis mein
aise baarish ki hi sirf khwaahish hoti hai

un ke aankhon ki kuch yun saazish hoti hai
dekhte hain pyaar se jab, baarish hoti hai


paagal saa dil meraa poochhtaa hai mujhse
jo gum ho jaaun kahin to dhundoge kaise tum
kabhi unki aankhon mein jo doob jaaun main
to us gegraai se mujhe nikaaloge kaise tum

tadapte rehte hain door khade reh kar unse
baahon mein unhe lene ki guzaarish hoti hai
bheeg jaataa hai jism kaa har ang jis mein
aise baarish ki hi sirf khwaahish hoti hai

un ke aankhon ki kuch yun saazish hoti hai
dekhte hain pyaar se jab, baarish hoti hai

bheeg jaataa hai jism kaa har ang jis mein
aise baarish ki hi sirf khwaahish hoti hai

Tuesday, October 22, 2013

Tujhe sone naa denge

jaagte rahenge hum, tujhe bhi sone naa denge
shabnami is raat ki hum subah hone naa denge

hoti rahegi baarish raat bhar jam kar aaj to
magar aag do jismon ki kam hum hone naa denge

tere labon ko apne labon mein hum qaid karke
baarish ki boondon ko unhe bhigone naa denge

tadap ke jab mere ishq mein tu ronaa chaahegi
hai qasam tere sar ki hum tujhe rone na denge

karenge ungliyon kaa jaadu jism par hum tere
tu chaahe bhi agar, hosh mein hone naa denge

sailaab mein mohabbat ke hum tujhko doobo ke
tere jism ko khudse hum judaa hone naa denge
Kuch aisaa kar lenaa

aake mere kareeb mere baahon mein thahar lenaa
doob meri aankhon mein tum jaanaa sanwar lenaa

main jism ki garmi se apne tumko paagal kardun
sakht meri baahon mein tum tootke bikhar lenaa

bheege se lab tumhaare chhoo lun labon se apne
mere labon ko labse apne kaske tum pakad lenaa

mujhko mehkaa denaa apni hi khushboo se jaanaa
hosh naa ho pal bhar kaa, kuch aisaa kar lenaa

apni zulfon ko tum, mere chehre par khol denaa
sawere ko zulfon se tum shaam jaisaa kar lenaa

raahon mein chalte chalte ladkhadaa jaao kabhi
sambhalne ke liye tum, haath meraa pakad lenaa

jab mujhse khafaa ho ke jaane lago duur mujhse
bas ek baar mudke jaanaa dekh meraa ghar lenaa

baahen failaa apni tum ko main khadaa milungaa
tum daud ke khudko meri baahon mein bhar lenaa

doon itni mohabbat, ki kuch naa fir baaki rahe
mere hi dil mein tum, dekh saaraa shahar lenaa

gehri meri aankhon ko mohabbat kitni hai tumse
dekhne ke liye isi mein nange paaon utar lenaa

'Hriday' yeh dhadaktaa hai tumhaare liye jaanaa
chhoo kar mere seene ko, mehsoos tum kar lenaa

Monday, October 21, 2013

Thodaa intezaar kar lo

mere aane kaa kuch pal aur intezaar kar lo
kuch der tum chaand kaa hi deedaar kar lo

jaantaa hoon main baithi ho aaine ke saamne
jee bhar ke tum aaj baith shringaar kar lo

guzar jaayenge bache kuch lamhe tanhaayi ke
dekh aaine ko kuch pal khud se pyaar kar lo

meri deewaangi kaa asar hogaa dheere dheere
ishq mein bikharne ko khud ko tayyaar kar lo

naa rahe baaki tamannaa koi dil mein tumhaare
mujh se poori apni khwaahishein hazaar kar lo

rok lo khud ko kuch der aur ki aajaaun main
mere aajaane par saari haddon ko paar kar lo

'Hriday' to banaa ki hai mohabbat ki khaatir
baahon mein leke tum bhi thodaa pyaar kar lo
Raho mere saamne

jo hai baat dil mein, zubaan ko keh lene do
tum khud ko tum jaisaa hi sanam reh lene do

bahut tanhaa hoon main tumhaare binaa jaanaa
tumhaari parchhaai ban ke mujhko reh lene do

tumhaari maasoomiyat se mujhe mohabbat hai
mujhe mohabbat ki dariyaa mein beh lene do

naa do bad-duwa tum se duur jaane ki mujhe
mujhe apni nazron ke saamne hi reh lene do

de ke waastaa dard kaa muh fer lete hain sab
le lo meri muskaan, magar kareeb reh lene do

Friday, October 18, 2013

Yun naa kijiye

naa dekhaa kijiye yun pyaar se hamaari taraf
humein mohabbat jaisaa kuch hone lagtaa hai

sharmaa ke apni palkon ko yun naa jhukaayaa kijiye
dekh humein chhip chhip ke yun naa muskuraayaa kijiye

hulchul saa mach jaataa hai hamaare dil mein us pal
apni zunfon ko aap chehre se yun naa hataayaa kijiye

subah ke os ki boondon se sajte hain lab gulaab se
haathon se apne un boondon ko yun naa mitaayaa kijiye

jab kabhi bhi guzarnaa ho hamaare kareeb se aap kaa
apne reshmi chunar ko aap yun naa lehraayaa kijiye

aapki jheel si gehri aankhon mein hain doob jaate hum
aap har lamhaa, har jagah nazar yun naa aayaa kijiye

apni zaalim adaaon se aap kyun jalaate hain humein
jaan hi nikal jaaye hamaari yun naa tadpaayaa kijiye

Ehsaan

hum par woh kuch yun ehsaan kar gaye
jaate jaate hum ko bezubaan kar gaye

unke liye kewal paththar hi rahe hum
humko hi taraashke bhagwaan kar gaye

zindagi bhar bas duwaayein denge hum
kaam kuch woh aisaa, mahaan kar gaye

apni hi parchhaayi, hum dhundte rahe
gum kahin hamaari, pehchaan kar gaye

khwaab se sundar sajaayaa thaa jisko
hamaare mahal ko woh makaan kar gaye

apni aawaaz ki humein aadat lagaakar
khaamosh saa, saaraa jahaan kar gaye

naa jee sakenge, naa mar sakenge hum
ishq humse yun hamaari jaan kar gaye

de gaye woh kasam hume muskuraane ki
itnaa ehsaan, woh meherbaan kar gaye

Friday, October 11, 2013

Andheraa

sau chiraagon se bhi roshni naa hui ghar mein mere
shamshaan jaisaa lagtaa hai ab is shahar mein mere

main woh khilaunaa hoon jisko kai baar todaa gayaa
baar baar tootke bikhar jaanaa hai hunar mein mere

yun bikhraa hoon ab ki baar ki kyaa bataaun yaaron
khwaab hai raat kaa naa haqeeqat dopahar mein mere

kyaa dosh dun zamaane ko aur kisse shikaayat karun
tum se judaa honaa shaayad thaa muqaddar mein mere

rekhaayein bhi haath ki mere dhundli si lagti hain
tanhaiyaan ghumti rehti hai ab to khabar mein mere

kaun sambhaale ab mujhe agar ladkhadaa jaaun kabhi
koi humsafar nahi hai jeewan ke is safar mein mere

naa koi pehchaan hai naa hi koi wajood hai ab meraa
rehtaa hoon ab ajnabi ki tarhaa main ghar mein mere

Thursday, October 10, 2013

Pyaar kar ke dekho naa

mere in baazuon mein khud ko bhar ke dekho naa
meri mohabbat mein toot ke bikhar ke dekho naa

aainaa bhi paani paani ho jaaye tumhe dekh kar
mere aankhon ke aaine mein sanwar ke dekho naa

kitni khobsoorat hai yeh zindagi jaan loge tum
kabhi ishq ki raahon se tum guzar ke dekho naa

aasaan hai bahut yeh safar zindagi kaa jaan lo
parindon ki tarhaa par failaa kar ke dekho naa

mushkil nahi hai tairke samundar ko paar karnaa
kabhi to paani mein tum khud utar ke dekho naa

khushiyon ke phool bichhaa dungaa raahon mein
jaanaa ! ek baar mujhse pyaar kar ke dekho naa

Wednesday, October 9, 2013

Dekhiye

taang tod ke baithaa hai woh ghar pe dekhiye
plaster lagaaye rakhaa usne kamar pe dekhiye

kangi nahi ki hai usne jaane kitne barson se
ju kaise panapte hain kisi ke sar pe dekhiye

karne chalaa thaa bas mohabbat woh naasamajh
kaise kaise maaraa sabhi ne pakad ke dekhiye

Monday, October 7, 2013

Tujhse pyaar karungaa

tere maan jaane tak main teraa intezaar karungaa
tu naa kare naa sahi, main tujhse pyaar karungaa

ret pe ghar banaake lehron se bachaa lungaa main
toot jaaye kabhi agar use firse tayyaar karungaa

taaj banaa ke kaarigar ne apne haath gawaaye the
tere liye apni zindagi hi tujhpe nisaar karungaa

khwaahish hai dilki teri aankhon mein doob jaaye
doob teri aankhon mein tere dil ko paar karungaa

bujh jaaye koi chiraag hawaa ke jhaunke se kabhi
khud ko jalaa ke main roshni mere yaar karungaa

maut aajaaye gar kabhi 'Hriday' ko mohabbat mein
teri khushiyon ke liye duwaayein hazaar karungaa

Sunday, October 6, 2013

Tu mujh mein ghul jaaye

ghar ko banaa de ghar ki tarhaa
is veeraane ko shahar ki tarhaa

tu mujhi mein ab ghul jaaye yun
chaai mein ho shakkar ki tarhaa

haathon mein teraa haath ho gar
zindagi ho hasi safar ki tarhaa

teraa mujh se rishtaa yun baney
shabd mein ho akshar ki tarhaa

lejaa mujhe bahaa ke sangh apne
samundar mein bhanwar ki tarhaa

likhun kuch teri taarif mein ab
deewaane kisi shaayar ki tarhaa

jalaa de apni mohabbat se mujhe
ab garam kisi dopahar ki tarhaa

ab mujhko teri zarurat hai utni
sharir ko jaise nazar ki tarhaa
Khud ko  kho diyaa

unki yaad ne firse hamaari palkon ko bhigo diyaa
dhundne nikle the zindagi, khud ko hi kho diyaa

bahut samjhaayaa humne dil ko, tu bhool jaa unhe
magar dil apnaa aaj fir un ki yaad mein ro diyaa

kashti mohabbat ki le ke nikle the toofaano mein
hamaare yaar ne hi hamaari kashti ko doobo diyaa

mohabbat ko kabhi humne apnaa samjhaa hi nahi thaa
maalaa mohabbat kaa hamaare dil ne hi piro diyaa

badkismati ko kismat samajh jeetey rahe hain hum
khush usi mein ho liye humein kismat ne jo diyaa
Khud ko kho diyaa

unki yaad ne firse hamaari palkon ko bhigo diyaa
dhundne nikle the zindagi, khud ko hi kho diyaa

bahut samjhaayaa humne dil ko, tu bhool jaa unhe
magar dil apnaa aaj fir un ki yaad mein ro diyaa

kashti mohabbat ki le ke nikle the toofaano mein
hamaare yaar ne hi hamaari kashti ko doobo diyaa

mohabbat ko kabhi humne apnaa samjhaa hi nahi thaa
maalaa mohabbat kaa hamaare dil ne hi piro diyaa

badkismati ko kismat samajh jeetey rahe hain hum
khush usi mein ho liye humein kismat ne jo diyaa
Khud ko kho diyaa

unki yaad ne firse hamaari palkon ko bhigo diyaa
dhundne nikle the zindagi, khud ko hi kho diyaa

bahut samjhaayaa humne dil ko, tu bhool jaa unhe
magar dil apnaa aaj fir un ki yaad mein ro diyaa

kashti mohabbat ki le ke nikle the toofaano mein
hamaare yaar ne hi hamaari kashti ko doobo diyaa

mohabbat ko kabhi humne apnaa samjhaa hi nahi thaa
maalaa mohabbat kaa hamaare dil ne hi piro diyaa

badkismati ko kismat samajh jeetey rahe hain hum
khush usi mein ho liye humein kismat ne jo diyaa
Khud ko kho diyaa

unki yaad ne firse hamaari palkon ko bhigo diyaa
dhundne nikle the zindagi, khud ko hi kho diyaa

bahut samjhaayaa humne dil ko, tu bhool jaa unhe
magar dil apnaa aaj fir un ki yaad mein ro diyaa

kashti mohabbat ki le ke nikle the toofaano mein
hamaare yaar ne hi hamaari kashti ko doobo diyaa

mohabbat ko kabhi humne apnaa samjhaa hi nahi thaa
maalaa mohabbat kaa hamaare dil ne hi piro diyaa

badkismati ko kismat samajh jeetey rahe hain hum
khush usi mein ho liye humein kismat ne jo diyaa

Saturday, October 5, 2013

Hum ko khwaab dijiye

mere likhe khat kaa aap kuch to jawaab dijiye
yaa de dijiye zeher, yaa thodi sharaab dijiye

naamumkin hai milnaa, hum se aksar kehte hain
haqeeqat nahi, naa sahi, hum ko khwaab dijiye

jeene ke liye de dijiye apni kuch yaadein aap
achchaa nahi, naa sahi, hum ko kharaab dijiye

pyaar nahi dost banke aap hamaare paas rahiye
naa chaahen laal agar aap safed gulaab dijiye

bas ek chiraag jalaaden, itnaa hi kaafi hogaa
humne kahaan kahaa aap se, aap aaftaab dijiye

de nahi sakte kuch bhi to dijiye itnaa hum ko
khudko hi jalaa len hum, hum ko tezaab dijiye
Woh deewaane aur hi the

lailaa majnu shireen farhad, woh afsaane aur hi the
ishq ko khudaa samajhte jo, woh mastaane aur hi the

ab to do pal ke saath ko log mohabbat samajhte hain
jaan bhi den mohabbat mein, woh deewaane aur hi the

aajkal ke parwaane, bas dekh aag ghabraa jaate hain
jal gaye jo mohabbat mein, aise parwaane aur hi the

doob ke dekhaa botal mein, nashe kaa kuch asar nahi
jo chhalak jaate the kabhi, woh paimaane aur hi the

sooni si mehfil hai, ghazal kaa naam-o-nishaan nahi
hothon se jo utren nahi woh geet puraane aur hi the

aankhon ke kaajal ki aur zulfon ke baadal ki baatein
aisi haseen taarif kare koi, woh zamaane aur hi the

likhtaa hai ab 'Hriday', bhool log jaate hain jaldi
taaliyaan jin par bajti thi, woh taraane aur hi the
Hum ko unse pyaar hai

neend kahaan in aankhon mein, bas unkaa intezaar hai
unhe aanaa hai, woh aayenge, humein unpe aetbaar hai

un ke liye hi dekho naa ghar phoolon se sajaayaa hai
unke pasand ke phoolon se sajaa unke liye uphaar hai

der lagegi aane mein magar hai yakeen ki woh aayenge
sunaa to hogaa unhone bhi, jo mere dil ki pukaar hai

khushboo se rajnigandhaa ke saaraa samaa mehek uthaa
khushi bhi dekho jhoom rahi hai jaise ki tyohaar hai

hawaaon mein hai aaj paagalpan aur kuch madhoshi hai
nashe ke aalam mein jaanu naa barkhaa yaa bahaar hai

ehsaason ke saagar mein aaj lehrein hain machal rahi
samajh nahi rahi hain ki saahil hai yaa majdhaar hai

hum keh chuke hazaaron baar aankhon se apne yeh baat
kehnaa hai aaj hothon se ki hum ko unhi se pyaar hai

Friday, October 4, 2013

Paagal banaa ke rakhaa hai

teri paagal jaisi in baaton ne 
mujhe paagal banaa ke rakhaa hai
teri gehri gehri aankhon ne
mujhe baadal banaa ke rakhaa hai

doob jaataa hoon teri aankhon mein
main kho jaataa hoon un mein hi
tu ne hi to apni aankhon kaa
mujhe kaajal banaa ke rakhaa hai

muskaan khud ba khud aa jaati hai
dekhtaa hoon jab tere chehre ko
tu ne hi to mohabbat mein mujhe
apnaa aanchal banaa ke rakhaa hai

labon se kuch bhi kehtaa nahi main
par aankhon se sab keh jaataa hoon
teri haseen si yaadon ne hi meraa
haseen har pal banaa ke rakhaa hai
Kaajal churaa ke laayaa hoon

khoobsoorat saa main koi pal churaa ke laayaa hoon
tumhaari aankhon se main kaajal churaa le aayaa hoon
thaa nahi kuch meraa apnaa, main tumhaare naam karun
kisi shaayar ki haseen ghazal churaa ke laayaa hoon



is mohabbat kaa jaanaa khoobsoorat saa anjaam ho jaaye
tumhaari baahon mein guzre aisi haseen shaam ho jaaye
tum ko achchaa lagtaa hai bheeg jaanaa baarish mein
dekho naa tumhaare liye baadal churaa ke laayaa hoon
thaa nahi kuch meraa apnaa, main tumhaare naam karun
kisi shaayar ki haseen ghazal.......................

khoobsoorat saa main koi pal.........................
tumhaari aankhon se main kaajal .....................



paagal paagal rehtaa hoon jabse tumhaaraa deedaar huwaa
aisaa ab to lag rahaa hai ki mujhko bhi hai pyaar huwaa
yun to log mohabbat mein laal gulaab hi dete hain, par
tumhaare hothon ko dekh ek kamal churaa ke laayaa hoon
thaa nahi kuch meraa apnaa, main tumhaare naam karun
kisi shaayar ki haseen ghazal.......................

khoobsoorat saa main koi pal.........................
tumhaari aankhon se main kaajal .....................



dekh tumhaari aankhon ko un se mohabbat kar baithaa
tum ko paane ki khaatir sab se bagaawat kar baithaa
sochaa tumhe tohfe mein sabse haseen ek cheez de dun
isliye tumhaare liye tajmahal churaa ke laayaa hoon
thaa nahi kuch meraa apnaa, main tumhaare naam karun
kisi shaayar ki haseen ghazal.......................

khoobsoorat saa main koi pal.........................
tumhaari aankhon se main kaajal .....................

Thursday, October 3, 2013

Saazish

tumhaare aate hi jamke baras jaanaa, boondon ki saazish hai
tumhaari khushboo mein mehek jaanaa, phoolon ki saazish hai

yun to nashaa chadh paayaa nahi mujhpe kabhi sharaab kaa bhi
magar tumhaare aate hi behek jaanaa, zaroor koi saazish hai

kab se sambhaale rakhaa thaa maine kadmon ko ladkhadaane se
tumhaare aate hi meraa gir jaanaa, in kadmon ki saazish hai

baandhe rakhaa thaa maine apne dilko ki udd naa jaaye kahin
dekh tumhe is kaa lut jaanaa, haseen aankhon ki saazish hai

saazish hai ab to har taraf, har dishaa mein, hawaaon mein
mujhe apne sangh udaake le jaanaa, in hawaaon ki saazish hai

jaantaa hoon main kasoor yeh meraa nahi hai tumpe mar mitnaa
meraa tumse mohabbat ho jaanaa, bataao naa kiski saazish hai
Saazish

tumhaare aate hi jamke baras jaanaa, boondon ki saazish hai
tumhaari khushboo mein mehek jaanaa, phoolon ki saazish hai

yun to nashaa chadh paayaa nahi humpe kabhi sharaab kaa bhi
magar tumhaare aate hi behek jaanaa, zaroor koi saazish hai

kab se sambhaale rakhaa thaa maine kadmon ko ladkhadaane se
tumhaare aate hi meraa gir jaanaa, in kadmon ki saazish hai

baandhe rakhaa thaa maine apne dilko ki udd naa jaaye kahin
dekh tumhe is kaa lut jaanaa, haseen aankhon ki saazish hai

saazish hai ab to har taraf, har dishaa mein, hawaaon mein
mujhe apne sangh udaake le jaanaa, in hawaaon ki saazish hai

jaantaa hoon main kasoor yeh meraa nahi hai tumpe mar mitnaa
meraa tumse mohabbat ho jaanaa, bataao naa kiski saazish hai
Pyaar se pukaare koi

kabhi pyaar se kare humein ishaare koi
kabhi hum par bhi dil apnaa haare koi

achchaa nahi lagtaa yun tanhaa rehnaa
ab raat hamaari baahon mein guzaare koi

god mein kisi ke sar rakh kar leten hum
apne haath se in baalon ko sanwaare koi

kab tak yunhi khud gir ke sambhlen hum
in ladkhadaate kadmon ko de sahaare koi

mehsoos kar len hum bhi ab mohabbat ko
naam hamaaraa ab mohabbat se pukaare koi

Tuesday, October 1, 2013

Kuch baatein

kuch baatein khaamoshiyaan khaamoshi se keh jaate hain
warnaa aksar dil ki baatein dil mein hi reh jaate hain

hum dhoondte rehte hain khwaabon ko aasmaanon mein aur
khwaab hamaare kareeb aksar gum se hoke reh jaate hain

samajh paate nahi waqt ke rehte hum dil ke ishaaron ko
baarish mein kaagaz ke kashti ki tarhaa beh jaate hain

pighal jaate hain baarish ke pani mein kuch der beh ke
mitaake apni hasti hum mitti mein milke reh jaate hain

Monday, September 30, 2013

Aapko paagal kar jaayenge

yeh beqaraari badhaa ke kidhar jaayenge
do kadam hi chal ke aap thahar jaayenge

aazmaa ke dekh lijiye shauk se humein
aankhon ke raste dil mein utar jaayenge

humein aap ki nazron ne paagal banaayaa
ab aapko bhi ab to paagal kar jaayenge
Failaaye par kaise

ghoslon mein aankh naa khuli ho
seekhey woh udne kaa hunar kaise

jo jagah hi naa ho kuch karne ki
parindaa failaaye apne par kaise

jis ped par banaayaa ghoslaa ho
woh kat jaaye to ho basar kaise

jo chidiyaa bhatak gayi raah se
laut  kar jaaye apne ghar kaise
Yaad

kuch to baat hai un aankhon mein
ab bhi khinchte hain apni od
main jaanaa chaahtaa hoon duur
magar yeh bulaate hain apni od

aaj kai tasveeron ke bich
teri ek puraani tasveer mili
woh tasveer jo tu ne diyaa thaa
hamaari pehli mulaaquat mein

us tasveer ko dekh ke
lagaa bas kal ki hi baat thi
jab tu mere kareeb thi
mere haathon mein haath daale
kuch keh rahi thi mujhse

aur main, khoyaa thaa
gehraai mein teri aankhon ke
doobaa huwaa thaa main
bhulaake khud ko
bas tujhe dekh rahaa thaa

haan jaantaa thaa main
kuch keh rahi thi mujhse
magar kyaa maaloom nahi
kahaan hosh thaa mujhe
ki samjhun teri baat main

kab rahaa hai hosh mujhe
jab jab tere kareeb rahaa
khoyaa hi rahaa main
teri nashili aankhon mein

bas tujhe mehsoos hi kiyaa maine
mehektaa rahaa teri khushboo se
khush hotaa rahaa tere hone se
achchaa lagtaa thaa saath teraa

pyaar se woh muskuraanaa teraa
palken jhukaa ke sharmaanaa teraa
kabhi kisi chhoti si baat par
khul kar khilkhilaanaa teraa

bhoolaa nahi hoon main kuch bhi
mujhe teri har baat yaad hai
jab jab milaa thaa main tujhse
mujhe har mulaaquaat yaad hai

tujhe teekhaa bahut pasand thaa
aur mere liye khaana mushkil
apne swaad ko badal ke tu ne
mere swaad ko apnaa banaa liyaa

is tarhaa aur hazaaron baatein
apni woh angeenat mulaaquaatein
phone par baat karte huwe
guzri woh saari raatein

aaj jaise sab kuch fir se
aankhon ke saamne aa gayaa
woh guzraa huwaa kal meraa
aaj mujhe yaad aa gayaaa..........

Aaine se dar lagtaa hai

anjaanaa saa ab yeh shahar lagtaa hai
anjaanaa saa apnaa hi ghar lagtaa hai

bhaagtaa hoon ab apni hi parchhhai se
kyun aaine se ab mujhe dar lagtaa hai

Khafaa khudaa huwaa thaa

unhi raahon pe nazar bichhaaye hoon jahaan tu judaa huwaa thaa
thaa koi khaas meraa jo us din in dhadkano se judaa huwaa thaa
tab se meri aankhon ko talaash hai bas tere hi chehre ki, magar
lagtaa hai tere jaane se mujhse khafaa meraa khudaa huwaa thaa

Tu ulajh jaayegi

ab chuski ek chaai ki
saath mein ho jaaye ji

kab tak bachchon saa
mujh ko samjhaaye gi

kab tambaaku malke tu
haathon se khilaaye gi

hothon se apne meraa
kab bidi tu jalaaye gi

kab aa ke seene se
tu mere lag jaaye gi

yun kab tak rasoi mein
tu roti hi banaaye gi

kahin chulhe mein girke
tu mar to nahi jaaye gi

jo chhod gayaa tujh ko
tu bahut pachhtaaye gi

apne hi uljhano mein
ulajhti reh jaaye gi

ek din sabji ki tarhaa
tu bhi sadd jaaye gi

Sunday, September 29, 2013

Please don't go

when you were about to go
my lips were saying 'yes'
my heart was saying 'no'
Oh my dear! please don't go
Oh my love! please don't go

dreams were with you
my life was with you
how lonely I was without you
i didn't knew how to show
so I was only saying 'no'
Oh my dear! please don't go
Oh my love! please don't go

i was saying were all lies
with tears full in eyes
said I don't love u, but
thought that you would know
i don't wan't to let you go
Oh my love! please don't go
Oh my dear! please don't go

you should have turned around
to see me waiting for you
but you never turned around
leaving me all alone
i know you are far away
but my heart is still saying 'no'
Oh my love! please don't go
Oh my dear! please don't go
Haseen kahaani hai

thodi si shakkar, thodaa paani hai
kuch pyaar ke rang ki nishaani hai

ab aayaa hai chehre par aisaa rang
lagtaa hai koi khwaab aasmaani hai

chhu loon hothon se yaa dekhun bas
koi jaadu hai yaa phir jawaani hai

gaayab naa ho jaaye kareeb aane se
hai haqeeqat yaa haseen kahaani hai
Mohabbat why karti tu

hai meri aankhon par die karti tu
magar hothon se kyun lie karti tu

mar jaataa hoon us style pe tere
jab jaate huwe mujhe bye karti tu

kehti rahi hai everything mujh se
i luv u kehne se bas shy karti tu

main bulaaun tab excuses deti hai
naa milun tujhe, tab cry karti tu

main tere liye hoon mad ho gayaa
mujh se yun mohabbat why karti tu
Mohabbat why karti tu

hai meri aankhon par die karti tu
magar hothon se kyun lie karti tu

mar jaataa hoon us style pe tere
jab jaate huwe mujhe bye karti tu

kehti rahi hai everything mujh se
i luv u kehne se bas shy karti tu

main bulaaun tab excuses deti hai
naa milun tujhe, tab cry karti tu

main tere liye hoon mad ho gayaa
mujh se yun mohabbat why karti tu
I will die

main biscuit hoon, tu chaaye
mix hone mein kyun sharmaaye

baith do ghadi paas mere tu
aakhir kuch to baat ho jaaye

waqt nahi tu ek pal kaa deti
har baar keh ke nikalti .. Hi

kaise tujhe samjhaaun main
jab har baat pe kehti ...why?

yaa to tu sab kuch jaanti hai
yaa sachmuch mein hai tu gaaye

yaa to meri aaj ban jaa tu
yaa in your love i will die

Saturday, September 28, 2013

Jalaa chiraag lete hain

andheron mein jalaa chiraag lete hain
khaane mein sarson kaa saag lete hain

baabu suttaa jalaane ke liye aksar hi
ab padosan ke chulhe se aag lete hain

namak ishaq kaa to bahut chakh chukey
ab to sirf saabun kaa jhaag lete hain

is se zyaadaa naa kuch kar paate, bas
kapdon par lipstick ka daag lete hain

hain chhakke lagaate ab yun baaton se
yuvraj to kabhi ban sehwaag lete hain

ab jab bhi aate hain kisi mehfil mein
apni shaayri se khaa dimaag lete hain

jab jhaadu liye biwi daudaati hai tab
chappal haath mein le bhaag lete hain

Apnaa naam dijiye

meri deewaangi ko kuch inaam dijiye
is mohabbat ko bas apnaa naam dijiye

thak gayee nazrein, aap ko dhund ke
thodaa meri nazron ko aaraam dijiye

pyaasi hain kabse jism aur rooh yeh
hothon kaa mujhe, ab to jaam dijiye

guzaar dun main, baahon mein aap ke
aisi mujhe koi, haseen shaam dijiye

Friday, September 27, 2013

Aafat

jab se woh chhori pataai hai
sar pe aafat si ban aayi hai

pappaa uske hain miltry mein
police mein us kaa bhaai hai

taarif bas bhaai ki hai itni
pooraa kaa pooraa kasaai hai

mere hi pichhe ab dikhaai de
jabse us se woh milwaayi hai

mujhpe hi nazar bas hai uski
jo uskaa padosi woh naai hai

subah hi jaake dus rupaye de
aaj usi se daadi katwaai hai

hai mujhse kehti woh I luv u
yeh sazaa hai yaa rihaai hai

koi bataa de ab kahaan jaaun
aage kuwaan pichhe khaai hai

jaan ke kudaa thaa kuwe mein
maine qabr apni khudwaai hai

kai barson se kunwaaraa hoon
shaadi hai naa hi sagaai hai

kyaa hai mohabbat bataao naa
zeher hai yaa koi dawaai hai

Inaam naa do

badnaam mohabbat ko ab apnaa naam naa do
tum mujhe khushi kaa koi paighaam naa do

aadat pad chuki hai mujhe chot khaane ki
ab mere zakhmon ko yun tum aaraam naa do

udaas saweraa hai, rukhe se din hain sab
lage haseen, mujhe koi aisi shaam naa do

jo hai muqaddar mein, bas wahi meraa hai
is se zyaadaa tum mujhe koi inaam naa do

mumkin nahi hai fir se mohabbat ho jaaye
jo naa kar sakun aisaa mujhe kaam naa do

Thursday, September 26, 2013

Meraa kyaa kasoor huwaa

jabse teraa tution mere ghar se door huwaa
meraa har sapnaa jaise chakhnaachoor huwaa

yun to mujhe interest nahi thaa fruits mein
magar lag rahaa hai ab khattaa angoor huwaa

tune kahaa thaa tujhe seventies pasand hai
isliye Bachchan to kabhi Shashi Kapoor huwaa

twachaa se umar kaa pataa naa chale, isliye
pehle rexonaa thaa, ab to main santoor huwaa

teri mohabbat mein main kyaa kyaa naa banaa
tere liye chamgadarh to kabhi langoor huwaa

jo meraa charming chehraa tujhe pasand nahi
tu hi bataa isme ab meraa kyaa kasoor huwaa

Wednesday, September 25, 2013

Dekhiye

un ki teer-e-nazar dekhiye
chaahaton kaa asar dekhiye

jaane hum ko kyaa ho rahaa
neend nahi raatbhar dekhiye

bheege sharbati honth unke
unki patli si kamar dekhiye

gehre hain kitne nain unke
kabhi unme doobkar dekhiye

pyaar un se kyun naa karen
kamsin si yeh umar dekhiye

unpar dil haarte hain kyun
unkaa hi hai hunar dekhiye

chhoo lenge aasmaan ko bhi
khwaahishon ke par dekhiye

hai khoobsurat yeh zindagi
kareeb unke thahar dekhiye

Tuesday, September 24, 2013

Woh mujhse pyaar kartaa hai

kaun hai yahaan jo ab mujhpe aetbaar kartaa hai
meraa aks mujhe pehchaanne se inkaar kartaa hai

khanjar liye haathon mein khadaa hai dard meraa
woh mere qatl ke liye meraa intezaar kartaa hai

shikaayat dushmano ki ab karun bhi to kyaa, jab
meraa dost bhi mujhpe pichhe se waar kartaa hai

ek waqt thaa, jab mehfilon mein meraa naam thaa
aaj kal to Hriday har kaam hi bekaar kartaa hai

hasi aajaati hai mere sukhe huwe hothon par bhi
jab koi kehtaa hai, woh mujhse pyaar kartaa hai

Monday, September 23, 2013

Ehsaas laayaa hoon

jo dikh gayaa maikhaanaa raaste mein
thahar gayaa thaa bas do pal ke liye

nazar aa gayi unki aankhen wahaan to
ehsaas le aayaa, apni ghazal ke liye


geeli aankhon se unke main thodaa paani laayaa hoon
dhadakte dil se unke saanson ki rawaani laayaa hoon

aur laayaa hoon kuch ehsaas un aankhon se churaa ke
sunaane mehfil mein mohabbat ki kahaani laayaa hoon

jo nashaa sharaab saa un ke sharbati un hothon mein
unke hothon se churaake sharaab puraani laayaa hoon

zulfon ke baadal un ke, jin se baarishein ho jaayen
main unke zulfon se baarish ki nishaani laayaa hoon

husn kaa jaadoo un kaa, aur adaa ki shokhiyaan unki
main unse maang udhaar thodi si jawaani laayaa hoon
Rukh badal lete hain

hum aise raahi hain jo hawaaon ke sangh chal lete hain
jis taraf chali hawaa hum usi taraf hi nikal lete hain

jaante hain pasand nahi un ko hamaaraa chehraa isliye
nazar aa jaayen woh to, apnaa hi rukh badal lete hain

raat hamaare jhopde mein andheraa badhne lagtaa hai jab
apnaa haath jalaate hain hum aur khud bhi jal lete hain

dard badh jaataa hai kabhi, tadaptaa hai jab dil apnaa
bheege ehsaason se apne hum, koi likh ghazal lete hain

kaun sambhaalegaa ab humein, hum kis ko ab apnaa kahen
khud hi ladkhadaate hain ab, khud hi sambhal lete hain

Sunday, September 22, 2013

Nazar aayenge

aawaaz lagaa kar dekhnaa hum tere liye thahar jaayenge
hum tere aks hain, tere hi jism se jude nazar aayenge
kabhi dekhnaa khade ho kar aaine ke saamne tu khud ko
hai yakeen, hum tujhe teri aankhon mein nazar aayenge

haseen raaton mein chhat pe baahen failaaye khadi hogi
ban hawaa tujhe chhoo ke tere kareeb se guzar jaayenge
chaandni raaton mein jab tu dekhegi us chaand ko tab
hum uss chaand se tujhe, tujh ko dekhte nazar aayenge

dekhnaa gaur se kabhi uth_ti samundar ki lehron ko tu
jaanaa hum tujhe un lehron ke paani mein nazar aayenge
tu ho saahil par khadi dekhti mujhe, tujhe chhoone ko
takraake saahil se tootke boondon mein bikhar jaayenge

tere khwaabon mein aake tere neendon ko chhed jaayenge
kholegi aankh to haqeeqat mein har taraf nazar aayenge
hai yeh waadaa hamaaraa ki tujhe itnaa pyaar denge hum
ki tujhe humko chaahne ke liye majboor hum kar jaayenge

Saturday, September 21, 2013

Main kitnaa badal gayaa hoon

tumhaare hone se dekho naa kitnaa badal gayaa hoon
ladkhadaataa thaa pehle, ab main sambhal gayaa hoon
yeh mohabbat nahi hai to kaho naa yeh aur kyaa hai
jo tumhaare hi saanche mein main to dhal gayaa hoon

yeh shaam ki hai laali aur yeh thandi si hawaayein
kuch keh rahi hain mujhse magar kyaa keh rahi hain
main thaa nahi aisaa kabhi jo aaj lag rahaa hoon
hai asar yeh kiskaa, jo main yun badal gayaa hoon

dhadkano ki yeh tezi aur mere dil ki yeh baatein
kuch to hai bahut khaas jo in mein ho rahaa hai
aankhon mein hai khwaab aur hai chehraa kisi kaa
thodi si beqaraari, main thodaa machal rahaa hoon

hai kyaa yeh mohabbat jis mein main jal gayaa hoon
kyun kisi mom ki tarhaa aaj main pighal gayaa hoon
hai dil mein thodi aag, hai bas thodaa saa paani
ufff yeh kaisaa safar hai jis mein nikal gayaa hoon

koi rok lo, koi tok lo, main aage nikal naa jaaun
abhi thodaa jalaa hoon, main pooraa jal naa jaaun
aaj pankh failaa ke main aasmaan chhoonaa chaahun
chhoo lene woh aasmaan zameen par uchhal gayaa hoon

yeh mohabbat nahi hai to kaho naa yeh aur kyaa hai
ab tumhaare hi saanche mein main jo dhal gayaa hoon
ladkhadaataa thaa pehle, ab main sambhal gayaa hoon
tumhaare hone se dekho naa kitnaa badal gayaa hoon
Hai mohabbat kahaan

yahaan mohabbat ki koi qadar kahaan
jo dekhe pyaar se, woh nazar kahaan

woh jaayen laut kar jahaan shaam ko
yahaan deewaano kaa koi ghar kahaan

chaahte hain unko khudse bhi badhke
magar is baat ki unko khabar kahaan

kehte hain log, mohabbat ab bhi hai
poochhte hain hum, hai magar kahaan

jisko taraash ke rakhen mandir mein
koi bataade hai woh paththar kahaan

log sunkar jise bas waah waah kahen
hamari ghazal mein woh hunar kahaan

so jaayen bachche chain ki neend ab
maa ki lori mein ab woh asar kahaan

Hai mohabbat kahaan

yahaan mohabbat ki koi qadar kahaan
jo dekhe pyaar se, woh nazar kahaan

woh jaayen laut kar jahaan shaam ko
yahaan deewaano kaa koi ghar kahaan

chaahte hain unko khudse bhi badhke
magar is baat ki unko khabar kahaan

kehte hain log, mohabbat ab bhi hai
poochhte hain hum, hai magar kahaan

jisko taraash ke rakhen mandir mein
koi bataade hai woh paththar kahaan

log sunkar jise bas waah waah kahen
hamari ghazal mein woh hunar kahaan

so jaayen bachche chain ki neend ab
maa ki lori mein ab woh asar kahaan

Friday, September 20, 2013

Mujhe badnaam kar diyaa

chaahat mein unhone aisaa kaam kar diyaa
deewaano mein khaas meraa naam kar diyaa

kartaa rahaa hoon main subah kaa intzaar
zulfon ne un ke subah ko shaam kar diyaa

bheegi si baarish mein bheege se unke lab
apne labon se pooraa meraa jaam kar diyaa

apne hi ghar mein ab lagtaa nahi hai mann
baahon mein unke khud kaa anjaam kar diyaa

kyaa kahun kisi se ab ki kyaa kiyaa sitam
mujhe mere apno mein hi badnaam kar diyaa

Teraa deedaar mile

thodi si khushi, thodaa saa pyaar mile
bas teri baahon mein mujhe qaraar mile

teri hi khooshboo se mehektaa hoon main
bas teri aankhon mein har aetbaar mile

kahaan koi fariyaad ki maine khudaa se
kab chaahaa duniyaa ki har bahaar mile

kab kahaa ki tu umar bhar kaa saath de
tere saath bitaane ko lamhe chaar mile

bas aankhein kholun subah jab bhi main
tab sirf teraa hi mujh ko deedaar mile

Mash-hoor hone lage hain

hum teri mohabbat mein yun choor hone lage hain
jo thi nahi apni, paa ke magroor hone lage hain

nashaa chadtaa hai jo sharbati teri aankhon kaa
doobne ko unhi mein hum majboor hone lage hain

kisi baat kaa aajkal humein rehta nahi hai hosh
lagtaa hai hum khudse hi ab door hone lage hain

apne khwaabon mein jaane kyaa ho rahe hain hum
dulhan ki saaree, kabhi sindoor hone lage hain

mehfilon mein aksar poochh lete hain haal meraa
ab deewaano mein hum to mash-hoor hone lage hain

Tujhe bhulaayaa hi kab thaa

tujhe  mere  paagal dil  ne bataa  bhulaayaa hi kab thaa
tujh se judaa deewaanaa  sambhal  paayaa  hi kab thaa

jab se teraa saath chhutaa tanhaa saa  ho  gayaa hoon
tere baad kabhi kisi aur ko apnaa banaayaa  hi kab thaa

yaad  teri aati  rahi  guzarte  hawaa  ke  jhaunkon mein
tujhe bhulaanaa  hai, khud ko  samjhaayaa  hi kab thaa

dard hotaa  hai  mohabbat mein yeh main jaantaa thaa
magar jaan  nikal  jaati hai, kisi ne bataayaa hi kab thaa

dhundtaa  rahaa  haath mein tere naam ki rekhaa main
apne haathon mein  naam teraa likhwaayaa hi kab thaa

koshish  to  bahut  ki  kismat  hi apni  badal doon main
magar  apni  kismat koi  khud  likh  paayaa  hi kab thaa

tadaptaa  rahaa  dard se, aansuon  mein  doob ke main
marham mere  zakhmon pe kisi ne  lagaayaa hi kab thaa

andhere is ghar  mein  mere roshni  bhi  ho jaati, magar
koi chiraag mohabbat  kaa  kisi  ne  jalaayaa hi kab thaa

dard  jaisaa  lagtaa  hai   abhi  hothon  ko failaane mein
yeh  'Hriday'  bin  tere  kabhi  muskuraayaa  hi kab thaa