Sunday, October 6, 2013

Khud ko kho diyaa

unki yaad ne firse hamaari palkon ko bhigo diyaa
dhundne nikle the zindagi, khud ko hi kho diyaa

bahut samjhaayaa humne dil ko, tu bhool jaa unhe
magar dil apnaa aaj fir un ki yaad mein ro diyaa

kashti mohabbat ki le ke nikle the toofaano mein
hamaare yaar ne hi hamaari kashti ko doobo diyaa

mohabbat ko kabhi humne apnaa samjhaa hi nahi thaa
maalaa mohabbat kaa hamaare dil ne hi piro diyaa

badkismati ko kismat samajh jeetey rahe hain hum
khush usi mein ho liye humein kismat ne jo diyaa

No comments:

Post a Comment