Teraa deedaar mile

thodi si khushi, thodaa saa pyaar mile
bas teri baahon mein mujhe qaraar mile

teri hi khooshboo se mehektaa hoon main
bas teri aankhon mein har aetbaar mile

kahaan koi fariyaad ki maine khudaa se
kab chaahaa duniyaa ki har bahaar mile

kab kahaa ki tu umar bhar kaa saath de
tere saath bitaane ko lamhe chaar mile

bas aankhein kholun subah jab bhi main
tab sirf teraa hi mujh ko deedaar mile