Meri aankhon mein utar jaao

bhar len tumhe baahon mein ki toot ke bikhar jaao
chhoo len tumhe is tarhaa tum aur bhi nikhar jaao

tumhaari husn-o-adaa se hum, sharm-o-hayaa se hum
diwaane ho jaayen, hamaari aankhon mein utar jaao

abhi to baarish hai, tumhe aur kareeb aanaa hogaa
tumhe dekh len thik se hum, pal do pal thahar jaao

jaanaa hulchul jo hoti hai paani mein paththar se
mere tan man mein tum, kuch aisi hulchul kar jaao

tasveer tumhaari humne dil mein apne banaa li hai
ek baar tum aakar, usme chaahat kaa rang bhar jaao

'Hriday' diwaanaa hai, bas yahi tum se kehtaa hai
paagal to hain hi hum, aakar aur zyaadaa kar jaao