Meri mohabbat pasand aaye

kabhi thodi si khushi mile, kabhi thodaa saa hi pyaar ho
kabhi thodaa saa inkaar rahe, kabhi thodaa saa iqraar ho

rab se kahaan kuch maangaa maine, tum se hi sab kuch hai
bas tum hi raho mere saamne, aur tumhaaraa hi deedaar ho

shabnam ki boonden hothon par, aankhon mein kaajal rahe
dekhti rahe duniyaa saari kuch is tarhaa se shringaar ho

kuch bhi naa ho aage pichhe, kisi kaa kabhi naa dar rahe
dekhti raho meri aankhon mein, aar unpe tumhe aetbaar ho

kuch aisaa asar ho aankhon mein, raho kareeb mere harpal
mohabbat meri pasand aaye, mujhi se mohabbat har baar ho