Deewaanaa kidhar jaaye
tujhe bhulaane se pehle toot kar bikhar jaaye
kisi aur ko chaahnaa ho to 'Hriday' mar jaaye
geeli aankhon se aansuon ko tere chheen kar
deewaanaa khushi jeewan mein tere bhar jaaye
de itni mohabbat tujhe ki kabhi kam naa pade
tu mohabbat ke hi rang se jaanaa sanwar jaaye
tu chaand hai jis par kahin koi daag hi nahi
paa ke meri mohabbat, tu aur bhi nikhar jaaye
koi saadhu kabhi guzre tere ghar ke kareeb se
bas ek jhalak ke liye woh do pal thahar jaaye
jise aadat si pad chuki hai ab tere pyaar ki
tu hi bataa tujhse judaa hoke ab kidhar jaaye
No comments:
Post a Comment