Mujhe naa jalaao yaaron

log ishq mein mar jaate the aisaa ek zamaanaa huwaa kartaa thaa

jisne tumhaare liye jaan di woh koi deewaanaa huwaa kartaa thaa

naa-samajh hoon main, mujhe der tak samjhaao yaaron

naa karun mohabbat, magar kyun yeh to bataao yaaron

maanaa meri kismat mein woh nahi jise chaahaa maine

hai kaun khushnasib, use mere saamne to laao yaaron

kaun hai jis ke haathon mein hai naam likhaa us kaa

haath ki lakeeren kabhi laa ke mujhe dikhaao yaaron

naa mar jaaun kahin meri deewaangi ke badh jaane se

deewaanaa hoon meri deewaangi ko naa badhaao yaaron

hai jalan is baat kaa mujhe mujh mein kyaa kami hai

lagi hai aag mere dil mein, koi aake bujhaao yaaron

sunaate ho kisse uski mohabbat ke kisi aur ke sangh

ab woh kisi aur ki hai yeh kehke naa tadpaao yaaron

rehne do kuch lamhaa aur mujhe mere shareer ke sangh

use aanaa hai, aane se pehle mujhe naa jalaao yaaron

main zindaa hoon abhi laash mein ek deedaar ke liye

meri laash par phool chadhaane ko use bulaao yaaron