Ye hamaari chaahat hai

tum ho hi itni pyaari ki khud ko nahi rok paate hain hum,
ye hamaari aadat nahi, ye to hamaari chahat hai mere sanam,

tumhe rok do pal tumhe dekh na lu to chain nahi milta,
raahat nahi milti jab tak tumse hamaara nain nahi milta,
tumhaare aanchal ki yun aadat si ho gayi hai humein,
jab tak usse hum khel na le hume sukoon nahi milta,
tumhaari adaaon se paagal ho ke ye sab karte hain hum,
ye hamaari aadat nahi, ye to hamaari chahat hai mere sanam,

tumhaari baatein bahut pyaari lagti hain hume,
par apni hi baatein hum sunaate hain tumhe,
achcha lagta hai tumhaara gusse se tilmilaana,
gusse me tum aur khoobsurat lagti ho hume,
bas yahi wajah hai ki tumhe sataate hain hum,
ye to bas hamaari chahat hai mere sanam,

tumhe sataane me kya mazaa hai kya batayein tumhe,
gusse me kya khoob lagti ho ye kaise samjhaayein tumhe,
mazaa aata hai humein tumko tab manaane me,
maan ke fir kitna pyaar karti ho kaise batayein tumhe,
tumhaara pyaar paane ke liye hi tumhe gussa dilaate hain hum,
ye hamaari aadat nahi, ye to hamaari chahat hai mere sanam,

paas hain hum tumhaare dur tumse hain nahi,
haqeeqat hain hum, tumhaara sapna koi hain nahi,
chaaha hai humne tumhe mohabbat se badh ke sanam,
tadap kyun rahi ho tum pyaar ka izhaar kyun karti nahi,
dur tumse hoke bhi hum dil me tumhaare hain sanam,
ye kaise yakeen dilayen tumhe tumhi ho hamaari chaahat sanam....