Kya kya main maangu

poojta hoon main tumhe, bhakt main tumhaara banke,
chaahta hoon main tumhe, ishq main tumhaara banke,

sochta hoon bhagwaan se ab maangu bhi to kya main maangu,
bin maange tumhe paa liya, ab bas tumhaari muskaan maangu,

haath ki rekhaayein meri jinme naam bas tumhaara hai,
har janam bhagwaan se main aisi hi rekhaayein maangu,

maang pe mere naam ka sindoor jo tumne lagaaya hai,
tumhaare us sindoor pe har janam ka haq main maangu,

zindagi hai chhoti si, is zindagi me kya kya main maangu,
paa liya tumhe jo maine, ab kisi se bhi main kuch na maangu...