Ek ansuni fariyaad

main baag ka gulaab nahi, van ka koi phool hoon main,
maathe ka main taaz nahi, charno ka koi dhool hoon main,

kya paoge mujhko paake, ek bhatka hua musaafir hoon main,
apne jeewan ke hi safar me, jaane kahaan aaj gum hoon main,

kaanch ke band botal me sasti si koi sharaab hoon main,
mujhse dil na lagaana tum aadat koi kharaab hoon main,

jiski koi disha nahi, saagar ki aisi lahar hoon main,
suhani si koi shaam nahi, jalti hui ek dopahar hoon main,

mujhse mohabbat na karna tum, bhooli hui koi yaad hoon main,
har kisi ne thukraya jise, aisi ansuni fariyaad hoon main...