Main hamesha hi paraaya tha

gairon ko kya dosh de hum, humein to apno ne hi thukraaya tha,
usne hi rulaaya tha humein , jisne kabhi hasna sikhaaya tha,

usne hi saath chhoda hai aaj, jisne kabhi haath milaaya tha,
rishton ko kahaan se dhunde, bas usne hi humein apnaaya tha,

uske sang jeeti humne har baazi, usne hi saath nibhaaya tha,
raahon pe aaj kaantein hain, jinpe kabhi phool bichhaaya tha,

zindagi ka wo haseen geet kabhi unhi ke sang gungunaaya tha,
wahi thi jisne kabhi humein apne geeton ka aadhaar bataaya tha,

wo haseen dilruba meri jiske sang maine kabhi dil lagaaya tha,
lagta hai aaj aisa ki uske liye main hamesha hi paraaya tha...