Tum sangh fir gungunaaun main

jaadu tumhaare geeton mein jo hai kyaa bataun main
kabhi to sambhal jaaun, to kabhi fir ladkhadaaun main

yun to likh paataa nahi kuch bhi kai mahino tak tum bin
jo padh lun tumhaaraa likhaa to bas likhtaa hi jaaun main

aao naa aake fir se mere saath likho kuch geet mohabbat ke
ki tumhaare likhe geeton ko apne hothon se gungunaaun main

paagal banaa dun tumhe main apni mohabbat se fir ek baar
aur ho ke tumhaare nashe mein chuur paagal ho jaaun main

yeh achchi nahi aadat tumhaari chhip chhip ke rehne ki
keh do ki ab bhi mohabbat hai mujhse aur jhuum jaaun main

de jaao kuch lamhein mujhe firse ki jee loon fir ek baar
yaa fir de do koi sazaa mujhe ki ab mar hi jaaun main