Main tujhe bhulaataa rahaa hoon

teri tasveer, apne seene se lagaata rahaa hoon

main kuch is tarhaa tujhe bhulaataa rahaa hoon

baarish ke paani mein main bheegaa hoon jab bhi

teri yaad mein, baahon ko failaataa rahaa hoon

paagal hawaaon mein mehsoos kiyaa bas tujhi ko

paagal is tarhaa se khud ko banaataa rahaa hoon

phoolon mein rehkar bhi main kaanton ko chhooke

dard ko main apne yun khud aazmaataa rahaa hoon

kab se teri hi yaadon ko main ghazal mein piroke

banaake kaagaz ki kashti main bahaataa rahaa hoon

meri kahin to hai manzil, mujhe kabhi to milegi

yahi sochkar main kadam bas badhaataa rahaa hoon

ek kasam di thi tu ne ki naa kabhi aansoo bahaaun

bas yahi ek wajah hai, main muskuraataa rahaa hoon

meraa tanhaa safar hai, humsafar tanhaaiyaan hain

bas tanhaa hi mohabbat ko main nibhaataa rahaa hoon