Tanhaa safar baaki hai

sab kuch lut gayaa, kuch ab bhi magar baaki hai
barbaad hone ke liye abhi yeh shahar baaki hai

bujh gaye hain chiraag har taraf to kyaa huwaa
andheron mein roshan ab bhi yeh ghar baaki hai

yeh mat soch lijiye aap ki bikhar jaayemge hum
tootkar sambhalne kaa hum mein hunar baaki hai

sab to loot liyaa thaa aapne hamaaraa pehle hi
tanhaa zindagi kaa sirf tanhaa safar baaki hai

kar nahi paayenge ab mohabbat kisi se dobaaraa
dil ke toot jaane kaa ab tak woh dar baaki hai