Tum laut aaye ho

meri  chaahaat ka shikaar hoke  tum  aaj  aaye  ho
fir  se padh  padh ke mere geet tum sharmaaye ho

chaahat  ko  mere  fir  se ek  naya naam mil gayaa
pooraa karne mere har ek khwaab ko tum aaye ho

ab  aaye ho  yahaan to fir jaane ki baat naa karnaa
reh  reh ke duur humse humein bahut tadpaaye ho

ye  achchi  nahi aadat tumhaari duur duur rehne ki
jhoomun,  naachun, yaa gaaun ki tum laut aaye ho

sukhe   phoolon  me  fir  se   mehek  laut   aayi  hai
wo  bhi  khush ye dekh jaanaa  ki tum laut aaye ho

ye  geeton  kaa  jaadu hai jo tumhe  khich layaa hai
aaj   fir  se  padh ke inhe tum fir se  muskuraaye ho