Dil tod jaane ki baat karte ho

batao bhala kitni der hui hai tumhe aaye huye,
jaana kyun tum abhi se jaane ki baat karte ho,
abhi to humne tumhe thik se dekha bhi nahi hai,
aur tum is tarha laut jaane ki baat karte ho,

ye aadat achchi nahi tumhaari hume jalaane ki,
dil pe teer chalaake muskuraane ki baat karte ho,
hum to ghayal hain tumhaare ishq me o jaanaa,
aur tum humse ab dil churaane ki baat karte ho,

zaraa baitho do ghadi saamne tumhe dekh le hum,
doob jaayen kuch der tumhaari aankhon me hum,
kuch pal baith ke kuch pyaari baatein kar lo,
kyun aane se pehle hi jaane ki baat karte ho,

kya tumhe maaloom hai kya haal hai mere dil ka,
kyun har baar dil tod jaane ki baat karte ho,
pal bhar ke liye hi saath milta hai tumhaaraa,
aur tum bas saath chhod jaane ki bat karte ho,

kai baar toota hai ye dil is shahar mein pehle,
ab fir se tum mera dil todne ki baat karte ho,
badi mushkil se jeene ki aadat daali hai maine,
aur tum mujhe ab mar jaane ki baat karte ho....