Naa rahe hum

rukh hawaaon kaa aisaa thaa, apne hi safar ke naa rahe hum

rishtaa  apno   ne  aisaa todaa, apne hi ghar ke naa rahe hum

naa  milaa  saahil , naa  mili kashti, majdhaar me hi rahe hum

kiyaa  logo  ne  begaanaa  , apne  hi shahar ke naa rahe hum

apni   parchhaayi  ko bhi kabhi sukuun  naa mil sakaa humse

koi  manzil  hi  nahi  apni ,  kahin  bhi thahar ke naa rahe hum

kaun  apnaa  hai  yahaan  hamaaraa ,  kiske  hum paas rahen

kaun  soche  apne  baare  me ,  kisi ke fikar ke naa rahe hum 

chaahat  me  khud  ko  neelaam kar ke bhi  dekh liyaa humne

naa rahe kabhi  idhar   ke , aur  kabhi udhar  ke naa rahe hum

Pyaar karke dekho naa

kyun  rehte  ho  mujhse  duur   duur  yun

kabhi  to  mere  paas aa  ke  dekho  naa

gaalon   me   gadhdhe  kaise  padte  hain

ek  baar  tum   muskuraa  ke dekho  naa

kaisi    kashish   hoti  hai   mohabbat  me

ek   baar  baahon  mein aa ke dekho naa

zulfon  ko  failaa   do  mere   chehre   pe

mujhe  hothon  se  chhoo  ke  dekho naa

kaisi   aawaaz   hoti   hai   dhadkano   ki

un   ki  tezi  ko  badhaa  ke   dekho  naa

jo  geet  tumhaare  naam  pe   likhe  hain

unko kabhi tum gungunaa ke dekho  naa

badi    khoobsurat     hai     yeh    zindagi

tum  ek  baar  pyaar  kar  ke  dekho  naa

Naam likh dun

meri   muskaan   ko   tere   hothon   pe   sajaa ke
tere   aaansuon   ko   main   apne  naam likh dun

aaye   maut   agar   main   badh   jaaun  aage aur
apni     zindagi    ko  main   tere   naam   likh  dun

chheen    loon   geet   dard   ke   tere   hothon   se
geet     mohabbat  ke  main  tere  naam   likh  dun

ruk      jaaye      kisi     pal     teri    saansen    agar
apni    dhadkano   ko   main  tere  naam  likh  dun

tere  naam  ke siwaa  keemat nahi mere geeton ki
har   ek    geet  apni   main   tere   naam   likh  dun

likhaa     thaa   kabhi  kisi  ka naam is dil pe maine
aaj  fir   ek  baar  'Hriday' me   wo  naam  likh  dun

Kuch bhi naa mil paayegaa

naa  kuredo  mere   dil  ke   chhaalon  ko  tum    itni   baariki  se
wahaan  zakhmon  ke   siwaa    kuch   bhi   naa   mil  paayegaa

kuch  tukde   milenge  tumhe   kaanch  ke ,  kuch  dil  ke honge
un  tukdo  ke  siwaa  wahaan   kuch    bhi   naa   mil  paayegaa

dhundoge  nishaan  mere  choton  ke  mere   geeton   me  agar
bas  uskaa  naam  hogaa ,  aur  kuch   bhi   naa   mil  paayegaa

jitnaa   sincho  mujhe ,  mujhme  jitnaa  bhi   tum  khaad  daalo
banjar  zameen  hoon  ,  mujhse  kuch  bhi  naa  mil  paayegaa

jee  rahaa   hoon  main ,  magar   koi chaah nahi jeene ki mujhe
amaawas hoon ,  andhero ke siwaa kuch bhi naa mil paayegaa

raho  tum  duur   mujhse ,  main paap hoon, koi rog hoon main
siwaaye maut ke mere paas kuch bhi tumhe naa mil paayegaa

Main koshish kartaa hoon

sunaa  ke  kisse  mohabbat  ke muskuraane ki koshish kartaa hoon
main  taaliyon  mein   apna  ghum  bhulaane ki koshish kartaa hoon

main  apne  dard  ko geeton mein sunaaane ki koshish kartaa hoon
unhi  geeton  se  main  apnaa  dil  behlaane ki koshish kartaa hoon

hai bahut ghum chhipe seenee   mein mere, main kyaa kyaa kahun
chhipaake  har ghum ko  main  gungunaane ki koshish kartaa hoon

jo  meraa  saath  thaa ,  use   chhod   ke  kab  ki  wo  hai  jaa chuki
main  maanaa  nahi ,  ab  bhi  usi ko  paane ki koshish kartaa hoon

subah  se  shaam  tak ,  fir  raat   tak, main usi ko yaad kartaa hoon
uski  tasveer  se   main  aaj  bhi   dil behlaane ki koshish karta hoon

Andheraa

upar  se  dekho  to  rangon  se sajaa hai meraa jahaan
par  jhaank  ke  dekhoge andar to bahut andheraa hai

har  kaali  andheri  raat ke  baad subah aati hai magar
meri zindagi me naa koi  suraj hai na koi saweraa hai

Hadd se guzar jaayenge

yun roz roz milte rahe tujhse hum agar

hum tujh se mohabbat sa kuch kar jaayenge

rok naa paaye khud ko kabhi hum agar

mohabbat ki har ek hadd se guzar jaayenge

kabhi bhar lenge tujhe baahon me hum

yaa kabhi tanhaayi me hum muskuraayenge

banke deewaanaa raahon pe niklenge kabhi

ya kabhi teri hi yaad me doob jaayenge

baatein karenge yaaron se kuch paagalon saa

yaa kabhi kehte kehte hi chup ho jaayenge

yun chaltaa rahaa milan kaa silsila agar

hum tujh se mohabbat sa kuch kar jaayenge

rok naa paaye....

ho jayenge guum hum duniya me chaahat ke

ya fir kabhi teri aankhon me doob jaayenge

khelenge hum kabhi tere zulfon ki chhaon me

ya kabhi tere surkh hothon ko chhoo jaayenge

badh jaayengi dhadkano ki tezi bhi kabhi

jab kabhi hum tere bahut kareeb aa jaayenge

yun badhti rahi nazdikiyaan tujhse agar

hum tujh se mohabbat sa kuch kar jaayenge

rok naa paaye .....

ye dosh hamaaraa nahi teraa hi hogaa sanam

agar hum kabhi teri adaaon pe mar jaayenge

nashe me jhoomte huye madhoshi me doobke

aake tere chaukhat pe kabhi hum gir jaayenge

rok naa paayegi tu humein tab paas aane se

hum jaane tab kaunse gunaah kar jaayenge

yun aati rahi tu mere khwaabon me roz agar

hum tujh se mohabbat sa kuch kar jaayenge

rok naa paaye....

Teraa naam aataa hai

har  kisi  ke  naam ke saath teraa naam aataa hai
dil ki har dhadkan ke saath teraa naam aataa hai
yun  to  arsaa  beet  chukaa  tujhe bhulaaye huye
par  har  ek  yaad  ke  saath teraa naam aataa hai

Guzarish

Ek guzarish kalam se....

ae  kalam  mere  kuch   likhwaa   mujhse  aisaa
padh  ke  unke  chehre  pe  muskaan   aa  jaaye

sharmaa ke  chehraa  chhipaa  len aanchal mein
jab  khat  me  unhe  meraa  chehraa  nazar aaye

khat   ko  mere  wo  chhoo  len apne hothon se
aur  agle  pal  wo  khud se   hi   sharmaa  jaaye

aaj  kuch  aisaa  asar  kar  is  kore   kaagaz   pe
mehek mein mohabbat ke wo bhi mehek jaaye

Aur ek guzarish khat se.....

titli   se   rang   le   ke   unko   tu  aisaa  rangnaa
ki  saaton  rang  me  khushi  ke  wo  rang  jaaye

haalat  meri  bataanaa , unkaa bhi poochh aanaa
kuch aisaa jaaduu karnaa ki wo bas muskuraaye

banke  tu  baadal jaanaa, aur jaake baras jaanaa
kuch  is  tarhaa  tu barasnaa, ki wo bheeg jaaye

unke paas jaanaa,  wahaan shaam tak thaharnaa
unko  tu  baahar  laanaa , jab chaand nikal aaye

chandaa ko main dekhungaa, unko bhi tu dikhaanaa
aur  chaand  ke  chehre me mujhe wo nazar aa jaaye

Chhuu lene do

aasmaan  khulaa  hai  saaraa, mujhe usme udd lene do
pankh  failaake   aaj mujhe ,  aasmaan ko chuu lene do

Fir tumhe muskuraanaa hogaa

ishq   ko  kashti  kahun ,   tumhe   saagar  ,   main  kinaaraa
ishq  pe  ho  ke  sawaar   milne mujhse tumhe aanaa hogaa

hai   andheraa  har  taraf ,  ummeed  ki  koi  kiran  tak  nahi
banke kiran mere  jeewan me roshni  tumhe  laanaa hogaa

jeet   lenge   har  jung  hum ,  kisi  se  naa  kabhi  haar hogi
ek  baar  sankalp  leke  khud  ko tumhe samjhaanaa hogaa

ghum  me doobaa hoon main, tum bhi shayad ghum me ho
bhulaake  har  ghum ko jaanaa tumhe muskuraanaa  hogaa

maana   ki  dhoke  khaayen   hain  ,  tut_e  bikhre  bhi   hain
magar  jeene  ke  liye kismat ko tumhe  aazmaanaa  hogaa

dard  ko  sab  bhool  kar , aansuon ko  khud  se duur karke
mohabbat ke naam se fir geet  tumhe  gungunaanaa hogaa

Pyaar kaa nashaa

kahin  to  baarish  hui  hogi   mohabbat  ki
kahin  to  koi  bheegaa  hogaa  pyaar mein

koi  doobaa  hogaa  kisi  ki  aankhon mein
koi  jhoomaa  hoga  kisi  ke  aetbaar  mein

boonden  baras  rahi  hain  kuch  meethi si
gungunaa  rahaa  hogaa  koi intezaar mein

piyaa  ke  aane  ki khushi me hoke paagal
kahin  koi  uljhaa  hogaa  shringaar  mein

wo  meethaa  saa  dard  jo hota hai dil me
kaisa hotaa hogaa mohabbat ke ikraar me

koi aake bataade mujhe bhi ek baar zaraa
kaisa nashaa hotaa hai kisi ke pyaar mein

Mera jahaan tujhse hai

tujhse  hi hain  saansen  meri , tujhse  hi  har dhadkan hai
tujhse  hi   hai  zindagi  meri , tujhse   hi  har bandhan hai

tujhse hi har  khwaaish hai ,  tu hi  hai har khwaab meraa
tujhse hi  mohabbat mujhko , jeewan bhi tujhpe arpan hai

Tum laut aaye ho

meri  chaahaat ka shikaar hoke  tum  aaj  aaye  ho
fir  se padh  padh ke mere geet tum sharmaaye ho

chaahat  ko  mere  fir  se ek  naya naam mil gayaa
pooraa karne mere har ek khwaab ko tum aaye ho

ab  aaye ho  yahaan to fir jaane ki baat naa karnaa
reh  reh ke duur humse humein bahut tadpaaye ho

ye  achchi  nahi aadat tumhaari duur duur rehne ki
jhoomun,  naachun, yaa gaaun ki tum laut aaye ho

sukhe   phoolon  me  fir  se   mehek  laut   aayi  hai
wo  bhi  khush ye dekh jaanaa  ki tum laut aaye ho

ye  geeton  kaa  jaadu hai jo tumhe  khich layaa hai
aaj   fir  se  padh ke inhe tum fir se  muskuraaye ho

Teraa naam aataa hai

ab to   har  ek  naam   ke saath  teraa  hi  naam aataa hai
sitaaraon  pe  sawaar  hoke teraa har  paigaam  aataa hai

karti  hai  tu    mujhe  deewaanaa  apni nashili adaaon se
aur  mujhpe   har  baar  badtameezi kaa ilzaam aataa hai

tu  hi   bataa   kaise  rahe   hum   qaabu me tujhe dekh ke
tere  chehre  pe humein pyaar  subah   shaam  aataa  hai

hum  kar guzarte hain kuch   bhi  haddon  ko  paar  karke
aur har baar hamaare naam ke saath badnaam aataa hai

pilaa    de   apne  hothon  se kabhi tu prem kaa pyaalaaa
kyun   har  baar  haathon  me sirf beras sa jaam aata hai

mil   letaa  hoon  tujhse  to  din  meraa guzar jaaataa hai
naa   milun   tujhse  to  dil  me  toofaan saa aa jaataa hai

Kyun main jalnaa chaahun

firse  deewaano  ki  raah  pe    kyun   main  nikalnaa chaahun
badlaa  nahi  ab  tak  par  ab   kyun   main  badalnaa chaahun

mohabbat   ki   aag   me   aajkal   kyun  main jalnaa chaahun
mom    ke   putley   ki  tarhaa  kyun main pighalnaa chaahun

unse   milaa   hoon   jabse   haal    ye     hai    mere    dil  kaa
neendon   mein   bhi   chalke   unse   main   milnaa  chaahun

yun   to   mujhe    peene   ki  aadat  nahi   thi    mere   yaaron
ab   pee   ke   girnaa  to   kabhi   main  sambhalnaa  chaahun

chhoo   lun   main  chaand  ko  ,  taaron  ko main chhoo  lun
dekh   parindon  ko gagan me  ab  main uchhalnaa  chaahun

bheegi   barsaaton   me    kabhi   niklaa  nahi  thaa   aaj   tak
tez   aandhi   aur   toofaan  me   ab   main  nikalnaa chaahun

kuch   to   huwaa  hai  mujhe par  kyaa  bataao mere yaaron
yun  har  ek  baat pe aajkal kyun  main  machalnaa chaahun

ye   jaadu   hai   ishq   kaa ,  yaa  hai  sirf    paagalpan meraa
jalte angaaron pe nange paaon kyun main   chalnaa chaahun

Hum duur reh paate nahi

khaamoshi   ko   mere    tum    bahaana  naa   samajhnaa

dekh    tumhaari   surat   main    kuch   keh    paataa  nahi

tadaptaa    hoon  main   baahon   me   bharne   ko  tumhe

ek  pal  bhi  judaa  hoke   tumse   main   reh   paataa  nahi

zindagi   chhoti   hai  maanaa  ,   par   lamhen   kam  nahi

lamhon    ki    judaai    bhi    main    ab   seh   paataa  nahi

aanaa   to    hai    milne   tumse   har   raat   mujhe  magar

din   kaa  main  kyaa  karun  jab   main   mil   paataa  nahi

kehte  ho  mujhe besharam agar chhoo loon  main  tumhe

par   kya  karun tumhe  dekh  qaabu  me  reh  paataa nahi

kuch   baatein    aisi   hain   tumhaari   aankhon   se  kahi

un  ishaaron  ko  dekh  main  tumse duur  reh paataa nahi

aankhon  ke  nashe  ki   to   tum   mujhse   baat  naa karo

pilaate    ho  jaam  aisa  hum  sambhal  ke reh paate  nahi

kab roothe    hain hum tumse,  humein  badnaam naa karo

bewafaa    kaho humein tum, ye  dard hum seh paate nahi

meethi      kasak   jo  uth_ti  hai    is  'Hriday'    me   aaj  bhi

kyaa     kahen   hum   kisi   se  dil  ka  haal  keh  paate nahi

Mujhe tadpaayaa naa karo

yun   baat   baat   pe   sabra   ko   mere   tum   aazmaayaa  naa  karo
daastaan - e - mohabbat   mehfilon   me   tum   sunaayaa   naa  karo

yun    raat   raat   ko   roz   milne   mujhe   tum   bulaayaa   naa  karo
bulaate   ho    agar   to   duur   rehke   mujhe    sataayaa    naa   karo

bulaane   pe     tumhaare   aake   tumhe  baahon  me  bhar loon agar
mere   sparsh   se  phoolon   ki   tarhaa  tum  murjhaayaa   naa  karo

aataa   hoon   kareeb   main  tumhaare   bas   pal   do   pal    ke   liye
dekhke   tumhaare   liye   tadaptaa    mujhe ,   muskuraayaa naa karo

shabnami   hothon   ko   apne   tum   mujhe   chhu   lene   do zaraaa
ghani   zulfon   se   apne   hothon    ko   yun   chhipaayaa  naa  karo

aankhon   kaa   jaadu   tumhaaraa   nashe   ki   botal  se  kam nahee
yun   apni   aankhon   se   mujhe   tum   sharaab  pilaayaa  naa karo

tadpaate   ho    har    raat   mujhe ,   tum   sataate  ho   jee   bhar   ke
apni    haseen    adaaon   se   tum   mere   hosh   udaayaa   naa  karo

rehta  hoon   paas  to   kehte  nahi  kuch ,  jaane  pe  pyaar aataa hai
geet  mohabbat ke mere  khwaabon me aake gungunaayaa naa karo

ek     baar    mere    kareeb     aake  ,   mere  seene  se  lag  jaao  naa
yun      roz  roz  husn  ki   aag    se  mujhe   tum   jalaayaa   naa   karo

jee   bhar  ke  pyaar  kar  loon   tumhe   main ,  kuch  naa  baaki  rahe
karta   hai  'Hriday'  fariyaad  tumse ,   tum  use  tadpaayaa  naa  karo

Tumhi se mujhe pyaar hai

tum  aajaao   laut  ke  baahon  me ,   iskaa  mujhe  intezaar  hai

jhoot   nahi    baat  meri ,  aaj  bhi  tumhi   se  mujhe  pyaar  hai

firse  waise  din  honge ,  firse   waisi    haseen   raatein   hongi

tum   jhoomne  lagoge  dhun  pe  mere  fir,  mujhe  aetbaar  hai

ye   gunaah  nahi  hai ,  mohabbat hai , kyun  darte ho tum isse

pehle kahaa thaa, fir kehtaa hoon, tumse pyaar beshumaar hai

Agar tum mere ho jaao

agar tum mere ho jaao.....

dil ko mere sukun mil jaaye

khwaab aankhon ke poore ho jaayen

khwaaishen jo bhi adhure hain

tumse milke sab poore ho jaayen

agar tum mere ho jaao.....

rom rom meraa khil khil jaaye

har raat meri roshan ho jaaye

dard na ho is dil me tab koi

khushiyon se jeewan bhar jaaye

agar tum mere ho jaao.....

maut bhi meri aasaan ho jaaye

intezaar ye khatam ho jaaye

naa ghum ko ek pal bhi mujhe

jahaan saaraa haseen ho jaaye

agar tum mere ho jaao.....

hasratein saari poori ho jaaye

mohabbat meri mujhko mil jaaye

bin manzil ke chal rahaa hoon ab tak

jeewan ko mere manzil mil jaaye

agar tum mere ho jaao.....

tumhe seene se lagaa ke pyaar kar lungaa

tumhe fir se main sweekaar kar lungaa

ek nahi main hazaar baar kar lungaa

main pyaar tumse beshumaar kar lungaa

Ye kahaani uski hai

likhne  baithaa  hoon  aaj   main ,   yeh   kahaani   uski  hai
laal   yeh   gulaab ,   kitaab  me ,   yeh   nishaani   uski  hai

mehekti  hawaa  jo  chalti  hai ,  wo   deewaani     uski  hai
taazgi  hai  phoolon  me   ab   bhi ,   meherbaani   uski  hai

dene  ko  kyaa  dun  main  kisi  ko ,  hai hi kyaa paas mere
seene  se  lagaa  rakhaa  hai ,  yeh  yaad  puraani  uski  hai

umra  to  kat  chuki  meri ,  ab kaise mohabbat karun main
mili  thi   tohfe  me  mujhe   kabhi  ,  yeh  jawaani  uski  hai

mere   geeton  me  kahaan dum hai, unse sab duur hi rahe
gaa   rahaa  hoon  geet  jo  bhi  main , yeh zubaani uski hai

main  tanhaa,  zindagi kaa kuch bhi mere maksad na rahaa
jee   rahaa  hoon   aaj  bhi ,  magar  ye  zindagaani uski hai

Mann roopi lakdi

mann  roopi   lakdi   ko   aaj    tum    jal   jaane  do
mann  me  jo  baat  hai  use  tum  nikal  jaane  do

kab  tak  yun   tadpoge ,   kab   tak   yun  tarsoge
apne  mann  ko  tum  thodaa  to  pighal  jaane do

mann jo  ye  chanchal hai, usko tum shaant karo
ladkhadaa jaaye agar, khud se sambhal jaane do

geeli  mann  roopi   lakdi ko suraj ki taap se tum
thodaa  sukh  jaane do, thodaa tum gal jaane do

mann  ka  jo  lakdi  hai , aag  usme  jal jaane do
roko naa zubaan ko tum, usko aaj chal jaane do

Main jaan de dun

saanson  kaa  bandhan  hai tumse, main tumhe jaan de dun
rakho  tum  sambhaal ke agar, to main tumhe imaan de dun

keh  lo  dil   ki  har  ek  baat ,  main  tumhe  izaazat  de dun
vaadaa  karo  nibhaane  kaa , main tumhe mohabbat de dun

Barbaadiyon kaa silsilaa

barbaadiyon  kaa  silsilaa  to  yunhi   chaltaa  rahegaa,
aaj  koi  hai   to  kal  koi  aur humein barbaad karegaa,
ye ishq hai pyaare, isme koi kabhi aabaab naa huwaa,
ye  silsilaa  sadiyon  tak  bas  yunhi  chaltaa   rahegaa

Aisaa nahi karte

guzre  lamho  ko  is  tarha se kabhi yaad nahi karte
jo  bewafaa  ho   uske  milne  ki fariyaad nahi karte
duniyaan  haseen  hai ,  khush  raho  dekh  ise tum
yun mohabbat  me apni zindagi barbaad nahi karte

Mohabbat naa kar paaungaa

jaao jaanaa, tumhe jahaan jaanaa hai
tumko kabhi bhi main naa yaad karungaa
yaad aayegi kabhi bhoole se tumhaari agar
dekh ke tumhaari tasveer dil behlaa lunga
kar lunga baatein tumhaari tasveer se
aur usi ko apne dil kaa haal sunaa lunga

par ye deewaarien mere ghar ki, kya karun inka
ye to tumhaari yaad me paagal ho jaayengi
aadat hai inki mehekne ki tumhaari khushboo se
naa paake tumhe ye deewaarein bejaan ho jaayengi

ye hawaayein, is bahaane se aati hain yahaan ki tum ho
dekh ke tumhaaraa chehraa ye hawaayein khush hain
agar naa dekh paayengi ye tumhe to kyaa hogaa
ye apnaa rukh badal ke kahin duur chali jaayengi

har cheez mere ghar ki, jinme jaan daali hai tumhe
ye bartan, ye kapde, ye samaan har kamre ke
kya hogaa inkaaa agar tum chale jaaoge
ruk jaayengi saansen inki, ye mar jaayenge

bas rahungaa yahaan to main, jise fark nahi padtaa
tumhaare hone yaa naa hone se, ya chale jaane se
kyun tadpungaa main bhalaa tumhaare naa rehne se
main tanhaa thaa, fir se tanhaa ho jaaungaa
aur kya? ek din is jahaan se tanhaa chalaa jaaungaa
jab tak hoon zindaa, tumhaare geet hi gungunaaungaa
bas fir kabhi main mohabbat naa kar paaungaa...

mohabbat naa kar paaungaa...
 mohabbat naa kar paaungaa...

Baatein karti hai

kyun  baar  baar  jee  kartaa  hai  dekhun  tumhaari  tasveer
tumhaari   muskaan  ,  jaane  kyaa  kyaa  baatein   karti  hai

ajeeb   saa   nashaa  failtaa hai  dheere  dheere  ragon mein
jab  tumhaari   nazar   mere   nazar   se   baatein   karti   hai

paagal  saa  ho  jaataa  hoon  main  tumhe dekh ke har baar
meri  deewaangi   tumhaare  khamoshi  se  baatein karti hai

hosh rehtaa nahi  mujhe kuch bhi, madhosh ho jaataa hoon
jab   tumhaari  yaad   mere  dhadkan  se  baatein   karti  hai

Kyaa rog hai ye

kyaa   huwaa  hai   mujhe  aajkal    koi   bataao  naa
ye  rog  kaisaa  hai   lagaa   mujhe   samjhaao  naa

muskuraataa   hoon   kyun   main  akele  mein , kya
raaz  hai  ye   koi    to    mujhe   zaraa   batlaao  naa

jaane kin   khwaabon  me dooba rehtaa hoon main
koi   to  aake   mujhe  neend  se  zaraa jagaao naa

achcha lagtaa hai  aajkal  band  kamre me rehnaa
ye  kaisaa  shauk hai  mujhe zaraa samjhaao naa

kyun  achcha   nahi  lagtaa  ab  saath  yaaron kaa
kyaa   hai  ye   rog  koi  mujhe  zaraa  bataao  naa

Pehli mulaquaat

ye   kahaani  hamaare  pehle  mulaaquaat   ki   hai
dekhaa  thaa   usko  rote ,  aansoo  bahaate   huye
saamne  baithe   mere ,  apne   khaas   doston   ko
apne  dard   ki  wajah ,  ek  kahaani, sunaate huye

sunaa   nahi    thaa   maine  kya  kahaani  thi  uski
bas   dekhaa   thaa   maine   usko   tadapte   huye
dekh      usko    aayaa     khayaal     ek   dil   mein
kuch  karun ki dekh sakun usko muskuraate huye

Jaanaa kahaan hai

badaa mushkil ho jaataa hai kabhi kabhi
samjhaanaa khud ko
kya sahi hai, kyaa galat hai
samajhta nahi ye dil kuch bhi
bas chaltaa hai to chalta chalaa jaataa hai
aage hi aage, bas chaltaa jaataa hai
par jaanaa kahaan hai kise maaloom
naa ise maaloom naa hi kisi aur ko maaloom
bas kadam badhte jaate hain anjaane manzil ki od
thokrein khaate hain, ladkhadaate hain
girte hain kabhi to kabhi sambhalte hain
par fir bhi chalte chale jaate hain
us od, jiskaa koi pataa nahi
koi khabar nahi janaa hai kis od
bas ek chehraa hota hai aankhon ke saamne
dil aur kuch dekh paataa nahi
bas do aankhen aur kuch bhi nahi
wo aankhen le jaati hain apne saath
duur, bahut duur
tod ke saare bandhan zamaane ke
paar kar ke sab deewaarein
par jaanaa kahaan hai
kuch maaloom nahi
koi manzil nahi......

Wo rok kabhi naa paayen humein

chaahaa   to   logon  ne bahut  hogaa ,  naa  mil  sake  hum  ek  dusre  se
judaa   kar  diyaa   jism  se ,  aatmaa  se  judaa   naa  kar  paaye  humein

prem  hamaaraa  kamzor   naa   thaa , jo  tut  jaaye zamaane  ke  roke se
laakh   deewarein   khadi   karke   bhi   wo  judaa  naa  kar paaye  humein

kitaabon   ki   baatein  hoti  hain  ki  dharm  me  koi  bhed   nahi ,    magar
humein   judaa  kyun  wo  rakhte  hain ,   ye  bhed koi  samjhaaye humein

main hindu hoon to kya huwaa , wo musalmaan  hai  to kya gunaah kiyaa
dharm  ke  naam  pe  judaa  karke wo dilo  se duur naa kar paaye humein

aaj  bhi  dil  me  dhadaktaa   hai  ,   jo    naam    hai   wo   to   usi   kaa  hai
sarhad   ki   lakeerein    khinch   ke   bhi    wo judaa naa kar paaye humein

ye    ishq   to   aisaa  jaadu   hai  ,  jo  karta     asar    hai    dheere   dheere
duur    humein    kar    ke  bhi  ,   yaadon  se   judaa naa kar paaye humein

laakh   koshish     ki   zamaane ne ,  ki   hum  hindu musalmaan ek naa ho
hamaare dilon ki  taaqat  itni   thi  ki  wo    rok    kabhi  naa   paaye  humein

Aankhen

unki     aankhon    me   ab   bhi  wo  asar  baaki  hai
dekhte rahe unki tasveer, aur humein pyaar ho jaaye

mujhe   ho  jaaye  mohabbat  firse  to  dosh    naa   denaa
kho  jaaun  in  aankhon  me  to  mujhe  dosh   naa  denaa

kisi   jheel   kaa   naam  de  dun  aur  doob   jaaun  unme
karun    aisi   koi   sharaarat  to  mujhe  dosh  naa  denaa

karti  nahi  wo    ishaare    par   mujhe   lagtaa   hai  aisaa
chalaa   jaaun    unke  kareeb  to  mujhe  dosh naa denaa

dekh  unki   aankhon  ko neend kaise aaye mujhe  bhalaa
jaagtaa   rahun   poori  raat  to  mujhe  dosh   naa  denaa

unki  aankhen   hi  to  thi  jin   par   mar   mitaa thaa main
fir  ho  jaaye  waisi  haalat   to   mujhe  dosh  naa  denaa

dosh   meraa nahi hai  ye to  kasoor unki aankhon ka hai
ho jaaun agar fidaa  unpe firse to mujhe dosh naa denaa

Khwaab mere

haseen kuch khwaab bune hain maine haseen hamsafar ke saath
aate   hain   wo   meri aankhon me samundar ki har lahar ke saath

dil  me  ek   toofaan  saa  uth_ ta hai  mere  uski yaad aa jaane se
duur  hai   magar  uski  tasveer hai ankhon me har pahar ke saath

Kharaab hoon main

dekh   nahi   paate   ho   tum sach ko
samajhte  ho  laajawaab  hoon  main

naa  hothon  se   tum    lagaao mujhe
sasti   si   koi   sharaab    hoon  main

mere   saath   rahoge   to   jal  jaaoge
khaultaa  huwaa  tezaab  hoon  main

astitwaa   meraa   kuch   bhi  nahi hai
tuta huwaa  koi  khwaab  hoon  main

kyaa  paaoge  tum  mere saath rehke
sukhaa  huwaa koi gulaab hoon main

ek  din   tum  bhi   maile   ho   jaaoge
cheez   badi  hi   kharaab  hoon  main

Aaj ki raat

chaandni   aaj   ki   ye  raat  bhi hai
haseen  hamsafar  saath   bhi   hai

sitaaron     ki     baaraat    bhi    hai
meri tumhaari mulaa'quaat bhi hai

bujhaane   ko   aaj   pyaas   dil   ki
dekho   ho   rahi   barsaat  bhi   hai

mohabbat   kitni  hai  mujhe tumse
gawaah   iski    qaayenaat   bhi  hai

tut_ke   baahon   me   bikhar   jaao
baaki   abhi   poori   raat    bhi   hai

Naa main rahungaa, na tum rahogi

kuch log gunaah kar ke
muskuraake aage chale jaate hain
aur kuch log mujhe jaise
tadapte reh jaate hain
haan main hi thaa wo shaqs
jisne tumhe tabaah kiyaa
jisne tumhe barbaad kiyaa
karke waadaa saath nibhaane ka ta_umra
main hi thaa jisne tumhe tanhaa kiyaa

haan wo waqt hi aisa thaa
ki kuch samajh main payaa nahi
jisne mujhpe khud se bhi zyaadaa bharosaaa kiyaa
maine usi ko bewafaa karaar diyaaa
sun ke baatein gairon ki
main hi thaa jisne tumhe chhod diyaa

naa socha ek pal bhi
ki tum par kyaa beetegi
naa aayaa khayaal ek baar bhi
ki tum gunehgaar nahi
na hosh rahaa kuch bhi mujhe
aur tanhaaa tumhe chhod diyaaa

haan main aane waala thaa milne tumhe
saare gunaahon ki apne maafi maaangne
par waqt, baraa bereham niklaaa
jo ghaaw maine tumhaare dil pe kiyaa
wo har dard, har peedaa usne mujhe diyaa
December ki lambi shaamo me maine tumhe yaad kiyaa
yaad rahaa chehraa tumhaaraa
aur kuch naa mujhe yaad rahaa

thaa nahi is haal me main
ki milne tumhe aa bhi sakun
ek saal, fir kai saal guzre
December bhi aake har baar guzraa
chhod ke aayaa tumhe thaa
par fir tumhe main paa naa sakaa

bistar pe main letaa rahaa hoon
bimaar main rehtaa rahaa hoon
khaa naa sakaa, pee naa sakaa
thik se jee bhi naa sakaaa

maut pe yakeen hai mujhe
is saal aayegi milne
tumse to milan ho naa sakaa
par usse meraa milan hogaa

Fir December ki har shaam hogi...
naa main rahunga, naa tum rahogi.....

Tasveer tumhaari

khat   me   tumhaari   tasveer   paake   tumhi   ko   hum   dekhe jaa rahe hain
khat   ko   ab   tak   padh   nahi   paaye  tasveer tumhaari dekhe jaa rahe hain

ab   tak   tumse   bas   baat   hi   hui  thi  ,   tumhaari  bas   aawaaz   suni   thi
dekhaa   jabse   chehraa   tumhaaraa   tumhi   ko   hum  dekhe  jaa  rahe hain

do   jheel   si   aankhen  , honth    gulaabi  , uspe    tumhaare   zulf    ghanere
dekh   rahe   hain   tumko   hum   jaanaa  , tumko   hi   dekhe   jaa  rahe hain

tasveer   ko   dekhaa   hosh   kho   baithe  , dekh   tumhe madhosh ho baithe
jab   se   mili   hai   tasveer   tumhaari   tum   ko    hi   dekhe   jaa   rahe hain

miloge  jis  din  humse  jaanaa  ,   haal  kyaa   hogaa  is   dil   kaa   bataanaa
paagal  se  hum  kyun  ho  rahe  hain , tasveer  tumhaari dekhe jaa rahe hain

aag   lagi   hai   is   dil   me   aisi  , samajh   naa   paaun   ye   aag   hai  kaisi
tasveer  se  aag  lagaaye  jaa  rahe  hain , tumko  hum  dekhe  jaa  rahe  hain

likhaa hai khat me kyaa kyaa tumne, padhne kaa  humein mann to bahut hai
par  khat  ko  hum  bhalaa  padhenge kaise, tumko  hi to dekhe jaa rahe hain

Paan lene

main  gayaa  jab  subah ek meethaa paan lene
wo  samjhaa  ki  main aayaa uski dukaan lene

band karke  apni  dukaan wo bhaagaa is tarha
usko lagaa main  aayaa  hoon  uski  jaan  lene

baat  aur  hai  ki  udhaari  li  thi  usne  mujhse
par kahaan gayaa thaa main wo saamaan lene

raat  se  tadap  rahaa  thaa   us  cheez  ke  liye
subah  hote  hi  main  gayaa thaa ek paan lene

Pyaar karke dekhaa hai

humne    pehle  bhi  pyaar  karke  dekhaa hai
kisi  hasi   se  beshumaar  karke  dekhaa  hai
badle   me   bas  bewafaai  hi  mili  har  baar
humne  pehle  bhi  aetbaar  karke dekhaa hai

Muskuraate hain

hum  sunaate hain apne ghum ki kahaani
log   uspe  khoob  taaliyaan  bajaate hain
karke waadaa  saath  nibhaane kaa sabhi
bas  duur  khade  reh ke muskuraate hain

Aisi to koi cheez nahi ho

aasaani  se  mil  jaao  humein  tum  aisi  to  koi cheez nahi ho
chhoote  hi  sharmaa  jaao  tum  aisi  to   koi   cheez   nahi ho

dekhaa  thaa  kal  shaam  tumhe thappad lagaate kaske kisiko
mujhpe  tumko  pyaar  aa  jaaye tum aisi to koi cheez nahi ho

bulaa  rahe  ho  newtaa  deke, aate hi kyaa tum khaatir karoge
phoolon  ki  tum  maalaa  pehnaa do aisi to koi cheez nahi ho

kehte ho main kaayar hoon, tumse main kyun itna darta hoon
dekh  mujhe  seene  se  lagaa lo  tum aisi to koi cheez nahi ho

duur se hi dekhunga tumko, paas aane ki koshish na karungaa
pyaar  ko  mere  sweekaar  karo  tum aisi to koi cheez nahi ho

Manzil

tumhe  paayaa  to  lagaa  jaise  maine  saraa jahaan paa liyaa ho
tanhaa  se  safar  me  jeewan  ke jaise koi hamsafar paa liyaa ho
bhatak  rahaa  thaa  anjaan  dagar  pe  jeewan  ke ab tak tum bin
manzil  ka  pataa  nahi, lagtaa hai tumhe hi mazil banaa liyaa ho

Koi khwaab adhuraa nahi hotaa

kuch  sawaal  aise  hote hain jinkaa kabhi jawaab pooraa nahi hotaa
aankh khul jaati  hai har baar, haseen koi khwaab pooraa nahi hotaa

agar  aasaan  hotaa  pyaar  kaa  raastaa  to  har  koi  chal letaa us par
tab  naa  koi  dil  tut_ta aur kabhi kisi kaa pyaar adhooraa nahi hotaa

Ek Haseenaa

shaam      us    hasi   ko  maine  sajte   sanwarte  dekhaa
fir    aake    khidki    pe     use    maine  theherte  dekhaa

berang   thaa    chaand   bhi   jab   niklaa  wo  shaam  ko
chaand   ko   uski  chamak  se   maine   nikharte  dekhaa

yun    to   koi   dikhtaa   nahi   uski   gali  me  din  bhar
shaam   bheed   ko   uski   gali  se  hoke guzarte dekhaa

gulaabi    honth   , nashili   aankhen , khule   zulf   uske
haaye,  aashiqon ko maine rozaanaa uspe marte dekhaa

machaltaa   thaa    dil  meraa   bhi   usse  milne  ke  liye
dekh   ke   mujhe   use   kal  maine  aahen bharte dekhaa

Kaise bhulaa paaoge

mumkin  nahi rok paanaa un  dhadkano ko jo unke  naam se chalte hain
wo  chehraa  jiski  yaad  se  aaj  bhi  tumhaare   armaan  machalte  hain
bhulaane  ko  bhulaa  doge  tum  uski  har  ek  yaad ,  har  ek  baat lekin
kaise  bhulaa  paaoge  wo  ehsaas  jo ragon me khoon banke  palte hain

Kuch aur nahi chaahta main

tumse    meraa  rishtaa   kuch   is   tarhaa   se  judaa hai
judaa   ho   ke   bhi   tumse  judaa ho nahi paataa main
din   bhar   saath   rahun   tumhaare  agar  main tab bhi
raat  ko  tumhaare  khwaab binaa so  nahi paataa main

machaltaa    hai   dil   mera   tumse   milne  ko  har pal
ek   roz    tumse   mile   binaa   reh  nahi  paataa  main
nibhaaye   jaa   rahaa   hoon   rishtaa  dosti   ka  tumse
tumse  mohabbat  hai , kabhi ye keh nahi paataa main

kuch  nahi  aisaa mere  baare me jo tumko  nahi pataa
bas  ek ye raaz   hai  jo tumhi se keh  nahi  paata main
seh letaa hoon har    dard is  zamaane me  main haske
bas  dard judaai ka  tumse kabhi seh nahi paataa main

achcha  lagtaa hai saath  tumhaaraa, baatein tumhaari
baithi  raho  paas  mere, kuch aur  nahi chaahtaa main
dekhtaa   rahun  tumhari aankhon  ko umra bhar main
isse zyaadaa  kuch  bhi  to   kabhi  nahi chaahtaa main

Chhipaate kyun ho

yun  to kehte ho  ki mohabbat nahi hai mujhse
fir meri  tasveer  ko dekh muskuraate kyun ho

yaaron  se  kehte ho ki pehchaante nahi mujhe
fir meri baatein sunke tum sharmaate kyun ho

milnaa  nahi  chahte  mujhse  kabhi  bhi  lekin
roz  meri  gali  se  ho  ke  tum  jaate  kyun  ho

thukraa  dete  ho  mere  pyaar ko tum har baar
is  tarhaa  se   mujhe  tum   tadpaate   kyun  ho

keh do na  tumhe pyaar hai mujhse beshumaar
meri  bekaraari  ko  tum itna badhaate kyun ho
 
ye  dikhaawa  hai  tumhaaraa, yaa dhokhaa koi
karte  ho  mohabbat  to   fir  chhipaate  kyun ho

Pyaar karke dekhtaa hoon

chalo    ek  baar    fir se   pyaar  kar ke dekhtaa hoon

kisi   ki   aankhon   pe   aetbaar  kar ke dekhtaa hoon

kisi   ki   baaton   me  ek  baar  kho ke dekhtaa hoon

kisi   haseen  chehre  ka  firse    ho ke dekhtaa hoon 

arsaa    ho  chukaa  kisi   hasi  se  dil   lagaaye  huye

chalo     ek    baar   fir   se  dil lagaa ke dekhtaa hoon

dil   meraa  machalne   lagaa  hai kisi ka saath paake

saath    uske  fir se  main muskuraa ke dekhtaa hoon

sambhal   ke   chal  chuka  bahut raah-e-zindgai mein

nashe  me   pyaar ke firse ladkhadaa ke dekhtaa hoon

main   aisaa    thaa   nahi  hameshaa  jaisaa  aaj  hoon

fir   se    khudko   pehle jaisaa banaa ke dekhtaa hoon

dil  ke   dard  ko   ab  tak  bahut  sunaayaa  hai maine

firse  pyaar ke geet  main  gungunaa ke dekhtaa hoon

Aaj ki raat

aajaao  meri  baahon me main tumse thodaa pyaar kar loon

doob  jaaun  tumhaari  aankhon me tumpe aetbaar kar loon

khol  do  tum  baadal  se  zulfen  apne  ki  barsaat  ho jaaye

chhoo  ke  tumhe  hothon  se  tumhaaraa  shringaar kar loon

shabnaami  hothon  ko  tumhaare  aaj  chhoo  loon  is  tarhaa

ki doob ke nashe me tumse  pyaar  ka  main  izhaar kar loon

tut   jaao   meri   baahon   me  aake  tum  aaj  ki  raat  jaanaa

dil   ki   saari   hasraton   ko   main   aaj  yun  poori  kar  loon

Kyun tum aisaa karte ho

tum   kabhi  mere  paas  aate  ho , kabhi aate aate duur chale jaate ho
yun  aate  jaate  apni  adaaon  se  jaanaa  tum mujhe bahut sataate ho

kabhi aake mere khwaabon me khelte ho mere  baalon se tum sanam
kabhi  mere  kaano  ke  paas  aake  pyaar  se  kuch  fusfusaa jaate ho

din  ke  ujaale  me  to  kabhi  raat ke andhere me, tum sanam aate ho
aate  aate  bahut  kareeb  mere  fir  jaane kahaan gaaayab ho jaate ho

maaloom hai tumhe main tadaptaa hoon, tum aur zyaadaa tadpaate ho
dekh  meri  haalat  ko  jaanaa  tum  chhip chhip ke bas muskuraate ho

achchi    nahi   ye   aadat   tumhaari , kyun   is   tarhaa   dil  jalaate  ho
aajaao  meri   baahon  me  tum , kyun   duur   reh ke chain churaate ho

dekhun  jahaan   bhi  chaahe  main ,  tum  har  jagah  nazar aa jaate ho
aankhen  band  kar  loon to khwaab banke aankhon me samaa jaate ho

aake   mere  tum  yaadon  me , dhadkan  ko  mere   tez   kar  jaate  ho
saanson   ki   sargam  se  tum    meri  saanson  ko   mehkaa  jaate   ho

pyaar   to   mujhse  tum  karte  ho , par  itnaa  kyun  mujhe sataate ho
jaanaa ,  aaate  ho  mere  kareeb  agar  fir  duur  kyun  chale  jaate  ho

Zindagi

milan aur  judaai  kaa  hi  to  naam  zindagi hai

ghum  aur  khushiyon  kaa  mel  hi  zindagi hai

aao hum apni zindagi ko khushiyon se bhar de

safar me saath nibhaane kaa  naam zindagi hai

Main kahaan hoon aajkal

maangte   ho  izaazat  mujhse   mujhi   ko churaane ki

par  main   mujh me   bastaa   ki   kahaan  hoon aajkal

jab  se    milaa  hoon  tumse haal kuch aisaa hai mera

khud   ko    hi  khabar  nahi  main kahaan hoon aajkal

yaadon me  rehtaa  hoon , kisse tumhaare kehtaa hoon

main   gum    ho  ke  jaane  kahaan  rehtaa hoon aajkal

khud  se  hi   baatein  karta  hoon  tanhaa  akele  mein

jaane kyaa huwaa  ,  deewaano saa rehtaa hoon aajkal

tumhaare  baare  me   sochtaa  hoon  har lamhaa main

kya  bataaun  tumhe , koi  paagal  aashiq  hoon  aajkal

Pyaar huwaa

aaj  barson  baad  tumhaari  aawaaz  kaa kuch aisaa asar huwaa
samajh paaye nahi hum magar lagaa humein firse pyaar huwaa

yakeen    thaa   humein  ki   tum  baat   to   zarur   karogi humse
uthaayaa    tumne   phone   to   humein   khud  pe aetbaar huwaa

Pyaar se pooraa banta hai

chhoti    chhoti   baaton    se   hi  jahaan  saaraa   bantaa   hai
paas  aate   aate   koi   shaqs    hamaaraa  pyaaraa bantaa hai

kitni    hi   baar   safar   me   jeewan  ke   ladkhadaate   hain
kai   kai  baar  girke  tab    koi    apna   sahaaraa   bantaa hai

chaahaton  se   hai  jag    saaraa , dilon  me pyaar   palta hai
mohabbaton    ke   kisson   se  hi  jag  suhaanaa  bantaa  hai

umra  beet  jaati   hai   kabhi   hamsafar   ke   mil  paane me
mil jaaye agar saathi koi  to  jeewaan  suhaanaa  bantaa  hai

paa   liyaa  agar  ishq  to samjho paa liyaa sab kuch yahaan
pyaar bin jeewan adhuraa, pyaar se hi ye pooraa bantaa hai

Churaa leti ho

har   phool  se  tum  khushboo  churaa  leti ho
chaand   ki  tum  chandni   tak   churaa leti ho
jalte  honge  tumhe  dekh  ke  apsaraayen bhi
tum hum deewaano ki neenden churaa leti ho

Tumse pyaar karte hain

jaana   hum  bhi  tumpe  jaan  nisaar  karte hain
tumhaari   kahi  baaton  pe  aetbaar  karte   hain
karke vaadaa mohabbat kaa ab naa pichhe hatna
jaanaa hum bhi tumse pyaar behisaab karte hain

Tumhe khudaa banaa liyaa

paake   tumhe  dekho  na  maine  saaraa jahaan paa liyaa
pehli nazar me hi maine  tumhe apna khudaa banaa liyaa
bin   maange  mili  koi  fariyaad ho tum mere liye jaanaa
tum  jaan  ho  meri, maine tumhe saanson me basaa liyaa

Jhooti baat nahi

daro   na  mohabbat  se  ye koi  andheri raat nahi
mile   ho  is  baar , ye  ek  pal ki mulaaquaat nahi
vaadaa hai hamaaraa saath nibhaayenge taa umra
ye   sach  hai  meri  jaanaa  koi  jhooti   baat  nahi

Keh lene do

khaamoshiyon   ko   aaj  sab  kuch  keh lene do,
mujhe  tumhaari   yaadon me zaraa reh lene do,
darta hoon kareeb aake hosh naa kho dun  apne,
dur  se  hi  mujhe  dil  ki baatein sab keh lene do

Barbaadiyon kaa afsaanaa

aao   sunaayen   tumhe  apne  barbaadiyon    ka   afsaanaa     yaaron
kaise   ruthaa   hai   humse  hamaaraa    saaraa   zamaanaa    yaaron

chaahat   me   pyaar   ke  huwaa    thaa    kabhi   deewaanaa yaaron
ruth   gaye  the  apne  mere , ho    gayaa    thaa    begaanaa   yaaron

dil    ke   tutne  ka   tamaashaa  humne   bhi    dekh    liya   hai   ab
har   tamaashaa   hamaare   liye     hone    lagaa   puraanaa  yaaron

kisi     ki   aankhon  me  doob  ke  jaan dene  ko  paagal the kabhi
usi     ne  sabak  sikhaayaa  bekaar   hai   yun  mar  jaanaa yaaron

pyaar    nashaa    hai   to     zaruri    to   nahi   har kisi ko ho jaaye
humein   huwaa thaa, aur aagayaa nashe me ladkhadaanaa yaaron

samabhalne    ki   koshish  to ki  bahut par hum sambhal naa sake
haare   hum    dil  ke haathon, huwaa pyaar me pad jaanaa yaaron

haalat   ab   dekho  apni , na rahe apno ke , na the gairon ke kabhi
tanhaa   hum   the   hameshaa , huwaa tanhaa hi reh jaanaa yaaron

Tumhaari aawaaz

tumhaari   aawaaz   sun   lun  to  chain  milta hai is dil ko
apni   muskaan   se  aasaan  kar  deti  ho  har  mushkil  ko
jaadu saa kuch asar hotaa hai  tumhaari baaton ka mujhpe
deewaanaa   banaa   deti  ho  tum  mujh  jaise  paagal   ko

Dil lagaane ki baat karte ho

rehke  duur  duur  mujhse  tum   pyaar   nibhaane   ki   baat  karte  ho
aate   ho   khwaabon   me   kareeb ,  saath  nibhaane ki  baat  karte ho

kehte  ho  pyaar  nibhaanaa  hai tumhe aur mar  jaane ki baat karte ho
judaa ho ke mujhse kabhi aaye na waapis, tum wafaa ki baat karte ho

main kabse tumhaari raahon pe jaanaa aankhen bichhaaye baithaa tha
band  karke   saare   raaste  tum , mujhse   ab   milne   ki baat karte ho

chhod   jaane   ka   faislaa   tumhaaraa  thaa  us  pal , ab  afsos   kyun
jab   mumkin  nahi   hai  saath  apna, ab tum laut aane ki baat karte ho

Rishta dard se

kuch yun rishtaa rahaa hamaara khushiyon ke saath hameshaa
hum bhaagte rahe uske pichhe aur wo aage aage jaataa rahaa
naa chhoo paaye kabhi hum usko, naa mehsoos kar sake kabhi
wo pichhe mud mud ke hamaari haalat dekh muskuraataa rahaa

kai dost aaye zindagi me, par unkaa saath kuch pal ka rahaa
bhool gaye sab mujhe, main akelaa hi dosti nibhaataa rahaa
kai aise mile jo dil ke bahut kareeb tak pahuche mere magar
ye dil meraa thik meri tarhaa hameshaa tanhaa tadaptaa rahaa

aazmaayaa mohabbat ne bhi humein kabhi, kisi ne chaahaa humein
saath milaa kuch pal kaa, aur har lamhaa yaadon me aataa rahaa
samajh naa paaye kabhi hum ki wo kyun khafaa huwaa humse bhalaa
hum yaad karte rahe use aur wo humse pal pal duur jaataa rahaa

rishte sab toot gaye, saathi sab chhoot gaye mere, kuch naa rahaa
dard rahaa saath mere, wo mujhse wafaa har lamhaa nibhaataa rahaa
andheri zindagi me mere sadaa ghamon kaa baadal chhaayaa rahaa
aansuon ka roop leke meri aankhon se wo har lamhaa barastaa rahaa....

Shayad

kaash kabhi koshish ki hoti
unhone mujhe samajhne ki
khuli kitaab thi meri zindagi
kuch chhipaa nahi, kuch dhakaa nahi
bas ek chehraa meraa jisme sab dikhta thaa
jo na dikhe wo main khud hi bataataa thaa

par afsos unhone kabhi dekhaa nahi
mere is chehre ko kareeb se
dekha bhi hoga shayad kabhi
par samajh na paayi wo khulaa sach

haan wo sach, jiska har shabd
cheekh cheekh ke kehta raha
"mujhe mohabbat hai"
main kartaa raha mohabbat ek tarfaa
aur wo har baar hasi me udaati rahi
main kehta raha , mujhe mohabbat hai
aur wo mazaakh samajhti rahi

kaash wo samajh paati meri baaton ko
kuch chhipaa to na thaa uski nazron se
main, meri zindagi, ek khuli kitaab thi
usko maaloom thaa ki main aisa hi hoon
jo mere dil me wahi mere hothon pe
main uske itne kareeb rahaa magar
wo samajh naa paayi kabhi mujhe

bas ek roz yunhi hasi hasi me
kisi aur ki ho ke chali gayi
doli uthi meri nazron ke saamne
main tadaptaa rahaa aur wo
thik waise hi hameshaa ki tarha
mujhe dekh muskuraati rahi

jaane kyaa baat thi
jaane kyaa raaz thaa
mere jeewan ke khuli kitaab ko wo
kabhi samajh hi naa paayi thi
yaa sach kuch aur thaa
wo samajhnaa hi nahi chaahti thi
wo meri honaa hi nahi chaahti thi

shayad...shayad....

Tumhaare pyaar ka asar

tum   kuch   is    tarha   se   hamaari    zindagi  me  shaamil   hote  rahe
samajh  paaye    nahi  hum  , tum  hamaare  saanson  me  samaate rahe

pehli  nazar    me   tumhi   ne    yun  paagal  kiyaa  thaa  hume  jaanaa
hum  samabhalne   ki  koshish  me  har   baar   aur   ladkhadaate  rahe

dekhte  rahe   tumhe   khwaab   me  har  raat apni baahon ke ghere me
khelte  rahe  tumhaari   zulfon   se   aur    neend   me  muskuraate rahe

na   mile   tumse    to   kuch   paagal   se  ho  jaate    the   hum   sanam
milne   ko   tumse    har   roz   meelon   ka  safar   taye  kar  aate   rahe

dekh  tumhaari  aankhon ko aisaa asar hotaa thaa kya bataayein tumhe
peene ki aadat   nahi sharaab  par  tum humein aankhon se pilaate rahe

shaayad   pyaar    isi   ka   naam    hai  humein  ye  maaloom  naa  thaa
hum  ise   dosti     samajhte   rahe   aur  khud  ko  yahi  samjhaate rahe

Bhulaanaa tumhe

bhulaanaa asaan hai har ek baat
lekin tumhe bhulaanaa asaan nahi
paa sakta hoon main jo chaahun
lekin bas tumhe paanaa asaan nahi

sab kuch to maaloom hai tumhe
ab kya bataaun tumhe meri jaanaa
mile to bahut log mujhe magar
maine bas tumhi ko apnaa maanaa

Wo Raahein

aaj fir se ek baar un raahon se ho ke guzarna huwa
jin raahon pe kabhi hamaare pyaar ke din guzre the
guzarte huye wahaan se bas yahi baat dil me thi mere
ye wahi raahen hain jahaan hum tumse milaa karte the...

Mohabbat usi kaa naam hai

dard chhipaake jo muskaan de jaaye mohabbat usi kaa naam hai
anjaane ko jo pehchaan de jaaye mohabbat usi kaa naam hai
yun to bahut hain jo bas shauk se mohabbat karte hain
mohabbat ke liye jo jaan de jaaye mohabbat usi kaa naam hai...

Apnaa naa sakaa

kuch bandhan the aise ki mujhe jaanaa padaa
kuch rishton ko nibhane mujhe jaanaa padaa
chahaa thaa saath nibhanaa umra bhar lekin
bich raah me sab chhod mujhe duur jaanaa padaa

wo kasme jo tumse kiye the toot gaye
saath wo haseen lamho ke chhoot gaye
waqt ne kuch aisaa mod liya zindagi me
ki hamaare muskuraahat hi humse rooth gaye

chaah ke bhi khud ko jaane se  rok naa sakaa main
kareeb tumhaare aa ke bhi tumko na paa sakaa main
ye kismat ka khel nahi to aur kya hai meri jaanaa
kisi ko khud se zyaadaa chaah ke bhi apna naa sakaa main

Aisaa saathi jald mile

meri duwaayein hai, tumhe chaahne waalaa jald mile
palkon pe sajaaye tumhe, aisa shaqs tumhe jald mile

na karo ghum ki umra beet gayi tumhaari tanhaayi mein
abhi din bahut hain aage, tumhaaraa humsafar jald mile

jaise kaali raat ke baad, roshan ho jaataa hai jahaan
tumhaare jeewan me ujaalaa kar de, aisa shaqs jald mile

maanaa ghum ka toofaan chal raha hai, sabra karo
mausam bhi kabhi suhaanaa hogaa, aisa mausam jald mile

seene se lagaake rakhega tumhe wo, aisa shaqs jald mile
pyaar se duniyaa sajaade tumhaari, aisa shaqs jald mile

meri duwaayein hai, tumhaaraa wo hamsafar jald mile
chaahe tumhe jo sabse badh ke, aisa shaqs jald mile...

Tumhaari yaad

haan main duur hoon tumse par ek din nahi nikla aisa 

jab maine mehsoos kiyaa ho tum duur, mujhse bahut duur ho

behti hawaaon me tumhe mehsoos karta hoon

apni chalti saanson me tumhe mehsoos karta hoon

tum samaaye ho mere rag rag me kuch is tarha 

ki dil ki har dhadkan me tumhe mehsoos karta hoon

tum hi kaho main kaise bhulaaun tumhe

koi bhule to bhule kaise saans lenaa

aasaan hai ek baar bhool jaanaa har cheez lekin

mumkin nahi bhulaanaa cheraa tumhaaraa

wo aankhen tumhaari shabnam ke boondon jaisi

honth tumhaare jaise khilaa koi gulaab ho

kaali ghani zulfen tumhaari baadalon jaise

husan agar sawaal hai, to tum har jawaab ho 

yun to mujhe aadat nahi yaad karne ki beeti baaton ko

par kuch to hai tum me ki tum aaj bhi mujhe yaaad ho

kat rahi hai zindagi meri khushiyon ke saath lekin

hothon pe tumhaaraa naam hai aur tum hi meri har fariyaad ho...

Bandhan 

kuch bandhan aisa juda unse hamaaraa

judaa ho ke bhi judaa naa ho sake hum

kar diya duur humein zamaane ne lekin

dilse ek lamha bhi duur naa ho sake hum...

Baat karte ho

tum dil me base ho mere, aankhon me basaane ki kya baat karte ho,

zindagi tumhaare naam hai, tum bas ek mulaquaat ki baat karte ho,

dhadkano pe jo mere naam hai, wo tumhaaraa hi to hai meri jaanaa,

tum bin dhadkan ruk jaati hai aur tum bhul jaane ki baat karte ho,

mehsoos karke dekhnaa kabhi, main tumhaare har saans me basaa hoon,

har lamhaa main tumhaare saath hoon aur tum judaai ki baat karte ho...

Kyun bhalaa

chaahaa thaa mujhe tumhi ne kabhi, ab mujhse ye doori kyun bhalaa
pehle jiskaa naa kabhi zikra kiyaa thaa, ab ye majboori kyun bhalaa

kya tumhaare rishte us pal nahi the, jab mujhe chaahaa thaaa tumne
pehle to tum aazaad the lekin ab pairon me ye zanzeer kyun bhalaa...

Tadapta hai dil mera

koshish bahut ki samajhne ki tumhaare dil ki har baat ko
samajh naa paayaa bas tumse huyi meri aakhri mulaquaat ko
jaate huye tumne mujhe bewafaa kahaa thaa jaane kyun us pal
tadapta hai dil meraa soch ke wo baat har din har raat ko...

Hum Saath hain

chal pade ho tum to hum bhi saath hain,
khushiyaan bhi hain, ghum bhi saath hain,

raahon me tumhe agar kabhi dar lage,
mud ke dekhnaa hum tumhaare saath hain,

chal rahe ho chalte jaao tum saamne,
gir pado agar kahin to hum tumhe thaam le,

saath jodaa hai jo tumse maine umra kaa,
le chalo jahaan bhi hum tumhaare saath hain,

jeet lenge ye jahaan agar tum saath doge,
chalte jaao tum, hum tumhaare saath hain...

In dino

kuch     is      tarha     kaa     haal     is   dil    ka    hai   in   dino,
rehta      hai      ye      kuch      paagal     paagal    saa   in   dino,

dekh      kisi      chehre     ko     yaad     tumhaari   aa   jaati hai,
sambhaale     sambhalta      nahi      ye    dil      mera    in   dino,

kuch to   asar   huwaa   hai   tumhaari   mohabbat  ka is dil me,
ki   ye   dil    mera   dhundtaa  hai   bas   tumhi    ko   in   dino,

jaagte huwe chehraa tumhaaraa rehtaa hai nazron  ke  saamne,
aur    raat   ko    khwaab   banke   tum  aate   jaate   ho in dino,

mizaaz    bhi    kuch    aashiqaanaa     hai     meraa    in    dino,
pehle    shaayar   thaa ,   dewaanaa   hai   dil   meraa  in   dino.

Khabar nahi

kuch aisaa asar hai tere chale jaane ke baad
jeete hain par kyun jee rahe hain khabar nahi
yun to muskuraa lete hain hum mehfilon me lekin
muskuraane ki kya wajah hai humein khabar nahi...

Achcha nahi lagtaa

achcha lagta hai humein tumhaari yaadon me doob ke rehna,
tumhaari yaadon kaa jo dard hai humein achcha nahi lagtaa,
yun to bheeg jaane me barsaaton me achcha lagta hai humein,
bheegnaa barsaaton me tanha tum bin humein achcha nahi lagtaa....

Main muskuraa letaa hoon

tumhaari     tasveer   ko   kabhi   seene  se  lagaa  letaa hoon
kabhi  use  dekh  main  tanhaayi   me muskuraa  letaa  hoon
kabhi   yaad   aa    jaaaye    tumhaari   bahut   zyaadaa  agar
tumhaare   likhe   geeton  ko   main  gungunaa   letaa   hoon

kuch  is  tarha   se   main  apni mohabbat nibhaa letaa hoon
karke   baatein   tasveer   se    main   dil  behlaa  letaa  hoon
log poochhte hain agar kya karta hoon main band kamre me
main har baar apne  neend   ka  bahaanaa  banaa letaa  hoon

jaanaa  main  aaj  bhi tumhe yaad karke muskuraa letaa hoon
main apne  aansuon  ko  baarish  me  yun chhipaa letaa hoon
koi    poochhle    raaz    meri    laal    aankhon    kaa  kabhi to
aankh me  chubhe  kisi  tinke   ka bahaanaa banaa letaa hoon

aa   jaaye   tumhaari   yaad   bahut   to  main  gaa  letaa hoon
dard  ko  geeton   me   sajaake  yaaron  ko sunaa  letaa  hoon
bhulaake yaad   tumhaari tumse  duur  jaanaa chaahaa magar
har  baar  tumhe   bhulaane ke  khayaal  ko bhulaa letaa hoon

main   tumhaari  tasveer    ko   dekh   muskuraaa  letaa   hoon
rok   nahi   paataa    khud   ko  kabhi  to  main   gaa  leta hoon