Khoobsurat saa ehsaas hogaa

dhundoge jo mohabbat bazaaron mein to kuch naa paas hogaa
tutenge bas khwaab, zindagi mein kuch bhi naa khaas hogaa

dhundoge jahaan bhar mein mile koi sachcha chaahne waalaa
naa milegaa kahin woh, bas tutaa huwaa saa vishwaas hogaa

mohabbat wo jaadu hai jo hawaaon mein ghull ke chalti hai
band kar ke aankhein dekhnaa, khoobsurat saa ehsaas hogaa

hone ko ho jaaye mohabbat yahaan har kisi se, har kisi ko
socho aisaa ho jaane se is jahaan me kitnaa mithaas hogaa

naa kisi ko dard hogaa, naa koi kabhi dard me doobaa hogaa
har kisi kaa chaahne waalaa, har lamhaa usi ke paas hogaa