Thursday, April 29, 2010

Ishq se ishq hai humein

kuch faasle yun kam huye tere mere darmiyaan,
kuch kadam the tum chale kuch kadam hum chalen,

ishq ka iqraar jab tumne kiya humse sanam,
dil-o-jaan apni sanam tumpe mitaane hum chalen,

kuch bandishein thi is jahaan ki, kuch bandishein thi waqt ki,
aaj wo saari bandishon ko yun mitaane hum chalen,

raah me biche ho kaante chaahe sholon pe chalna pade,
haath me tera haath leke har safar pe hum chalen,

ashq se tha ishq humein ab ishq se hai ishq humein,
kal maut mehbooba thi apni aaj zindagi sang hum chalen...

1 comment:

  1. Bahot khoob Hriday ji. Shandaar hai aapki ye creation. Padhkar bahot achha laga.Yun hi likhte rahiye. : Riyaz Ashna

    ReplyDelete