Woh din kab aayegaa

saath chhoot gayaa, woh rishte toot gaye
magar woh bandhan jo woh baandh gayi
meri saanson kaa apni saanson se
woh bandhan kaise toot paayegaa
yeh deewaanaa tadaptaa rahegaa
aur ek din yunhi haste haste
uski mohabbat mein mar jaayegaa...

kahaa thaa logo ne mohabbat thik nahi
main hi thaa jo samjhaa nahi unki baat
har ek nayi subah ke saath
rishtaa meraa unse yun bantaa gayaa
ki mazboot se aur mazboot ho gayaa
ab jab woh nahi hai saath to lagtaa hai
ye duniyaa veeraani hai
koi apnaa nahi, koi sapnaa nahi
ye ghum kaa andheraa kab tak yunhi reh jaayegaa
jaane kab tak woh saweraa aayegaa....

jab subah ki pehli kiran ke saath ek khushi hogi
khushi, zindaa rehne mein, khushi muskuraane mein
naa koi ghum hogaa dil me, naa koi dard hogaa
bas ek hamsafar hogaa saath nibhaane ko
aur ek wajah hogi muskuraane ko
ek din woh saweraa zarur aayegaa
yeh deewaanaa bhi ek din muskuraayegaa...