Mohabbat nibhaataa hoon main

ret pe uskaa naam likhtaa hoon, mitaataa hoon main

aur kuch is tarhaa se mohabbat nibhaataa hoon main

din jo kabhi beete the gungunaate huye uske saath

un haseen yaadon se apnaa dil behlaataa hoon main

kabhi kehtaa hoon itnaa naa ho khatam baatein meri

kabhi kuch kehte huye chup saa ho jaataa hoon main

kabhi dard jo badh jaataa hai hadd se zyaadaa meraa

uske naam pe likhe geeton ko gungunaataa hoon main

ek dil hai, kuch dhadkan, bas aur kuch bhi nahi hai

bas inhi ke kisse mehfilon mein sunaataa hoon main

maine haste rehne kaa waadaa usse kiyaa thaa kabhi

ek yahi wajah hai ki aaj bhi muskuraataa hoon main