Mohabbat karke dekho naa

kisi ki aankhon me utarke dekho naa

ek baar tum mohabbat karke dekho naa

bahut mazaa hai dil ke lagaane mein

tum bhi kisi se lagaakarke dekho naa

kyaa hai khoobsoorti haqeeqat mein

kisi ke naam se sanwarke dekho naa

kab tak rahoge deewaaron se ghir ke

kabhi haddon ko paar karke dekho naa

mushkil nahi ghamon se duur jaanaa

bas ek baar muskuraakarke dekho naa

kaise udte hain panchhi aasmaan mein

tum bhi pankh failaakarke dekho naa

saare gham chheen lungaa tum se main

meri taraf kadam badhaakarke dekho naa

asar karegi meri yeh mohabbat tumpe

tum mujhpe  aetbaar karke dekho naa