Tere intezaar mein
sau saawan aa ke guzar gaye, ek tere intezaar mein
dosh ek hamaaraa rahaa, paagal rahe tere pyaar mein
hosh humko thaa hi nahi samajh paate teri baaton ko
humne bas iqraar hi samjhaa, tere har ek inkaar mein
waadaa karke gayi thi humse lautke waapas aane kaa
khud ko bhulaaye baithe rahe hum tere aetbaar mein
sabko bhulaake tujhko chaahaa, sabse badi galti apni
dil jo tere naam kiyaa thaa, humne kiyaa bekaar mein
pehle jab hum likhte the, hum likhte the mohabbat pe
humse ab koi ghazal nahi bantaa ishq mein, khumaar mein
dard bahut hai dil mein apne, har pal rotaa rehtaa hai
jab se dil kaa saudaa kiyaa humne ishq ke baazaar mein
dosh thaa apne kismat kaa, apne liye hi kuch naa rahaa
paake tujhko paa naa sake, hum tanhaa rahe sansaar mein
No comments:
Post a Comment