Dil ki baat

meraa dil to sadiyon se tumhaaraa gulaam rahaa hai

hothon pe har lamhaa bas tumhaaraa naam rahaa hai

raat jab bhi tum rahe ho meri baahon me jaane jaan

meri saanson ko, meri dhadkano ko aaraam rahaa hai

jab tak tum saath rahe duniyaa meri tum se hi rahi

tumko hi chaahte rehnaa, yahi meraa kaam rahaa hai

tumse judaa hone pe tumhaari kami kaa ehsaas huwaa

tumhaare aane kaa intezaar subah se shaam rahaa hai

tumse judaa hoke bhi tumse judaa naa ho paayaa main

'Hriday' ke har geet mein bas tumhaaraa  naam rahaa hai