Dard judaai kaa

ab dard judaai kaa sahaa nahi jaataa
ab aur tumse judaa rahaa nahi jaataa
hum kehne ko keh dete hain har baat
magar dard dil kaa kahaa nahi jaataa

wo baatein puraani, raatein puraani
tum sangh apni mulaquaatein puraani
kuch aisi tadap hai yaadon mein
oh meri jaanaa sahaa nahi jaataa
hum kehne ko keh dete hain har baat
magar dard dil kaa kahaa nahi jaataa

kabhi haathon me thaa haath tumhaaraa
mere jeewan mein thaa saath tumhaaraa
kabhi tumse judi har khushi thi meri
ab tum bin jaanaa rahaa nahi jaataa
hum kehne ko keh dete hain har baat
magar dard dil kaa kahaa nahi jaataa

tasveer tumhaari dekhtaa hoon rehtaa
tanhaayi mein main kuch kuch kehtaa
sangi saathi bahut hain apne magar
kisi se kuch bhi kahaa nahi jaataa
hum kehne ko keh dete hain har baat
magar dard dil kaa kahaa nahi jaataa

koi poochhe agar kyun hoon gumsum rehtaa
koi wajah nahi main bas itnaa hi kehtaa
main khaamoshi se har dard ko chhipaataa
magar ab dard hai itnaa sahaa nahi jaataa
hum kehne ko keh dete hain har baat
magar dard dil kaa kahaa nahi jaataa

koi jaaye jaake tumhe itnaa bataa de
tum tak meraa ye sandesh pahuchaa de
tanhaa bahut hain hum tum bin jaanaa
aur tanhaa humse ab rahaa nahi jaataa
hum kehne ko keh dete hain har baat
magar dard dil kaa kahaa nahi jaataa

dard judaai kaa ab sahaa nahi jaataa
ab aur tumse judaa rahaa nahi jaataa...