Achchi baat nahi

yun duur baithe baithe muskuraanaa achchi baat nahi

yun hamaare dil ko jalaanaa jaanaa achchi baat nahi

kabhi to dekhti rehti ho humein be-khauff tum dur se

hum dekh len to tumhaaraa chhip jaanaa achchi baat nahi

apni qaatil adaaon se tum deewaanaa hum ko banaati ho

deewaano ko deewaanaa banaanaa jaanaa achchi baat nahi

kehnaa nahi hai kuch bhi fir ishaare kyun tum karti ho

yun ishaaron se har baat bataanaa jaanaa achchi baat nahi

jo hum poochhen to har baar tum inkaar hi to karti ho

yun mohabbat ko aazmaanaa jaanaa achchi baat nahi

hai mohabbat humse to jaanaa kehne se tum darti kyun ho

yun apno se har baat chhipaanaa jaanaa achchi baat nahi