Humein kuch to hota hai

muskuraake tum humse yun aankhen na milaaya karo,
dekh tumhaari aankhon ko humein kuch to hota hai,

nashe ki aadat nahi hai humein ye sach hai, par
tumhaari aankhon me doob ke hume nasha hota hai,

wo maathe ki bindi tumhaari chehra sajaati hai,
dekh tumhaari bindi ko humein kuch to hota hai,

chaand ek upar hai par ek chaand yahaan bhi hai,
wo raat me dikhta hai aur ye dono pahar hota hai,

saj dhaj ke tum humse milne kabhi aaya na karo,
dekh tumhaari surat ko humein kuch to hota hai,

muskuraake tum humse yun aankhen na milaaya karo,
dekh tumhaari aankhon ko humein kuch to hota hai...