Hum tumse duur chale jaayenge

zamaane ki thokaron se hi humne jeena sikha hai,
tumhaari nafraton ke bhi hum zulm seh jaayenge,

uff tak na hogi kabhi na koi dard hi bataayenge,
tumhaari gustaakhiyon ko haste huye seh jaayenge,

ek roz hum tumse bahut duur chale jaayenge,
banaawat ki duniya ko pichhe chhod jaayenge,

tum kabra pe aake hamaare phool agar chadaaoge,
un phoolon ki khushboo se hum to mehek jaayenge,

baaki reh jaayenge nishaa hamaare chaahat ke,
aur kuch sukhe gulaab kitaabon me reh jaayenge...