Kyun ladkhadaaun main

aankhein churaaun yaa aankhein milaaun main
yaa fir tumhein dekhkar bas muskuraaun main

dil to kehtaa hai ki sab kuch keh dun tumse
magar saamne tum raho to bas ghabraaun main

yeh kaisi bekaraari hai is dil ki bataao naa
seedhe raaston par bhi kyun ladkhadaaun main

yun to bante nahi geet kai kai din tak magar
dekh loon tumhe to kai geet gungunaaun main

hothon tak le aaun woh baat jo hai dil mein
yaa aaj bhi kuch kahe binaa laut jaaun main