Izhaar naa kar paaungaa

naa ji naa main kabhi izhaar
mohabbat kaa naa kar paaungaa
bas dekhtaa hi rahungaa unko
aur dekh dekh muskuraaungaa

jab bhi kabhi woh guzrengi
nazar ke saamne se mere
chhip chhip unhe dekhungaa
aur dekhtaa hi main jaaungaa

suntaa rahungaa main aawaaz unki
khush ho jaaungaa unke muskuraane se
jab bhi nazar milegi unke mazron se
nazar churaake main sharmaaungaa

kitne hi saal yun guzar gaye
bas unko yunhi dekh dekh kar
aage bhi kai saalon tak main
unhe yunhi dekhtaa jaaungaa

saamne har pal woh hi woh hain
khwaabon mein woh aane lage hain
rehne lage mere khwaabon mein woh
main bas sotaa hi reh jaaungaa

suabh se shaam bas unki baatein
raat raat bhar unki yaadein
shaayad kabhi himmat kar loon main
jab unhe dil ki baat bataaungaa....