Yun aanaa huwaa unkaa

kuch is tarhaa se woh meri zindagi mein shaamil ho gaye
naa they kisi kaam ke hum, dekhiye ab to qaabil ho gaye

humne jo kuch sapne they sajaaye, aankhon mein hamaare
they bahut duur, unke aate hi humein woh haasil ho gaye

thi majdhaar mein kashti hamaari, jo the hum leke chale
thaamaa jo haath unhone aise, woh hamaare saahil ho gaye

chheen li dhadkanein woh, jo hamaare dil mein thi rehti
ban gaye hain jaan hamaare, woh to hamaare dil ho gaye

unkaa chalnaa, sharmaanaa, aur haaye unkaa muskuraanaa
kyaa kahen hum, ki kaise woh hamaare hi qaatil ho gaye