Kaise bataaye tumhe hum

kitnaa aaraam miltaa hai tumhaare seene se lag ke kyaa bataaye tumhe hum

kaise dhadkano ki tezi badhti hai tumhe yaad kar, kyaa bataaye tumhe hum

baarish ki boonden bhi aag jaisaa kuch lagaa ke jalaati hain humein abto

un boondon me aag kahaan se aati hai, tum hi kaho kyaa bataaye tumhe hum

tumhaare honth, jinki taazgi kisi gulaab ke phool se kam nahi hain kabhi

kisi gulaab ko tumhaare paas laake, use chhoo ke kyaa dikhaaye tumhe hum

saawan ki jhadi ho tum, suraj ki mujhe chhooti, wo pehli kiran hi ho tum

magar, ye baat kabhi aake kareeeb tumhaare bhalaa kyaa bataaye tumhe hum

hum to bas isi baat se khush hain ki tumhe hamaari mohabbat pe yakeen hai

tumpe humein kitnaa yakeen hai, tum hi kaho, yeh kaise bataaye tumhe hum