Tumhaaraa saath maanga hai

sahaare ke liye nahi bas saath chalne ke liye saath maangaa hai,

zindagi guzaarne ke liye haathon me tumhaaraa haath maanga hai, 

chot itne khaaye hain maine ki ab to choton ki aadat se ho gayi hai,

maine kisi marham ke roop me nahi bas yunhi tumharaa saath maanga hai,

kisne kaha ki tum kisi kaam ke nahi ho, khud se poochh ke dekho,

tumhaare aankhon me apna kal dekh ke tumhaaraa saath maanga hai,

aaina jhoot kehta hai jise shikayat hai ki tum me kuch baat nahi,

maine tumse zyaadaa tumhe pehchaan ke tumhaaraa saath maangaa hai...