Parivartan jaruri hai

jeene ke liye parivartan jaruri hai,
tanhaayi me kisi ka saath jaruri hai,
mushkil hota hai dard ko akele sehna,
haathon me kisi ka haath jaruri hai,

poori nahi hoti maangi har duwa apni,
jeene ke liye bas ek aas jaruri hai,
aaj kaale baadal hain to kal suraj hoga,
khushnuma sa bas ek ehsaas jaruri hai,

aansuon se zindagi nahi ji jaati,
jeene k liye muskuraana jaruri hai,
ek khoobsurat geet hai zindagi,
use har pal gungunana jaruri hai...