Khud ko rok liya

chaaha bahut tha humne ki mudke dekhe tumhe hum,
kisi anjaane se darr ke kaaran khud ko rok liya,

laut ke aanaa chaahte the tumhaare paas us din hum,
par tumhaare baare me sochke khud ko rok liya,

mushkil to humein bhi hui thi dur jaane me tumse,
par tumhaare khushiyon ka sochke khud ko rok liya,

tumhaari khaamoshi ko bhi mehsoos kar lete hain hum,
jaanke bhi tumhaari haalat us din khud ko rok liya,

mumkin nahi hai hamaara milan ye jaante hain hum,
us anjaam me baare me sochke khud ko rok liya,

ye na kaho ki humne tumhe jeete ji maut diya hai,
humne to tumhaari zindagi ki khaatir khud ko rok liya...