Kasam maine khai hai

tujhe tujhse chura le jaane ki kasam maine khai hai,
duniya ko khushiyon se sajaane ki kasam maine khai hai,

meri duniya tujhse hi shuru, tujhpe hi khatam hai pyaari,
teri duniya ko pyaar se sajaane ki kasam maine khai hai,

wo chaand agar upar hai to tu chaand ki parchhai hai,
tujhe apna bana lene ki har kasam maine khai hai,

tu jeet hai, umeed hai, kaano me bajti shehnaai hai,
tujhe dulhan bana ke laane ki kasam maine khai hai...