Bas tere geet gungunaunga

ye duuri kuch pal ki hai main laut aaunga,
tujhse bichhad ke main ab kahaan jaunga,
tujhse hi to jodi hai zindagi ki har kadi,
kuch duur chalke main tere liye thahar jaunga,

na ho udaas ki main tujhe chhod ke jaunga,
tujhse duur ho ke bhi main tujhe yaad aaunga,
nazar na aaye agar mera chehra kahin to,
aankhen band karna, main tujhe nazar aa jaunga,

main tera hoon bas tera hi banke reh jaunga,
jaana agar pade tujhse dur to duniya chhod jaunga,
chaaha hai tujhe maine chaahta jaaunga,
main hamesha bas tere hi geet gungunaunga....