Hum mohabbat samajh lete hain

woh kabhi pyaar se bol len, hum inaayat samajh lete hain

hum unhe dekh muskuraa den, woh tijaarat samajh lete hain

hamaari majboori hai ki unhe dekhe binaa reh nahi paate

woh hamaari majboori ko hamaari aadat samajh lete hain

naam alag alag rakh dene se bhalaa fark kyaa padta hai

woh jab poojaa kehte hain, hum ibaadat samajh lete hain

bahut fark hai hum dono mein aur hamaari soch mein bhi

hum samjhaate hain unhe to woh bagaawat samajh lete hain

kabhi sochne ki koshish bhi nahi ki isse zyaadaa humne

woh muskuraa dete hain to hum mohabbat samajh lete hain