Ghazal ban hi jaayegaa

na badlaa hai lekin jald hi badal jaayegaa
mausam hi hai, kabhi to laut kar aayegaa

intezaar kijiye hawaa kaa rukh badalne kaa
jo dhund rahe hain woh bhi mil hi jaayegaa

bas thodi si dhul jam gayi hai kaagaz par
hawaa ke chalte hi yeh saaf ho hi jaayegaa

shabd aur ehsaas kahin chhip gaye hain bas
kuch der mein ghazal bhi ban hi jaayegaa

dhundte rahiye koyle ki khaan mein yunhi
heeraa bhi kahin naa kahin mil hi jaayegaa