Tu mujh mein ghul jaaye

ghar ko banaa de ghar ki tarhaa
is veeraane ko shahar ki tarhaa

tu mujhi mein ab ghul jaaye yun
chaai mein ho shakkar ki tarhaa

haathon mein teraa haath ho gar
zindagi ho hasi safar ki tarhaa

teraa mujh se rishtaa yun baney
shabd mein ho akshar ki tarhaa

lejaa mujhe bahaa ke sangh apne
samundar mein bhanwar ki tarhaa

likhun kuch teri taarif mein ab
deewaane kisi shaayar ki tarhaa

jalaa de apni mohabbat se mujhe
ab garam kisi dopahar ki tarhaa

ab mujhko teri zarurat hai utni
sharir ko jaise nazar ki tarhaa