Mujhe aazmaate ho

khud hi rulaate ho tum, khud hi hasaate ho
zakhm dete ho pehle, fir marham lagaate ho

yeh kaisi mohabbat hai tumhaari bataao naa
tadpaate ho, to kabhi raahat pahuchaate ho

ghum itnaa dete ho, bas andheraa reh jaaye
fir roshni karne ko tum chiraag jalaate ho

hai agar mohabbat to mujhse tum bataao naa
kyuun dil ki baat apne dil mein dabaate ho

rehte ho yun dur dur mujhse tum jaane kyun
hai koi yeh khel yaa fir mujhe aazmaate ho