Mohabbat nibhaanaa tum
aao kareeb to fir duur jaa jaanaa tum
apne kiye har waade ko nibhaanaa tum
badh jaaye kabhi beqaraari is dil ki to
baahon mein bharke seene se lagaanaa tum
pyaas kabhi badh jaaye jo mere is dil ki
apne labon se pyaas ko bujhaa jaanaa tum
jaltaa ho jism jab jaade ke mahino mein
aa ke use thandak pahuchaake jaanaa tum
geet likhun kabhi naam se tumhaare main
apne hi hothon se us ko gungunaanaa tum
roke yeh duniyaa, bandhan ho zamaane kaa
apne kadam ko bas pichhe naa hataanaa tum
deke thodi si mohabbat apne deewaane ko
dil ki deewaangi ko aur badhaa jaanaa tum
No comments:
Post a Comment