Mohabbat har baar karun
chaahun tujhe main, teri deewaangi se pyaar karun
teri aankhen ho saamne aur bas unpe aetbaar karun
naa kuch bhi kahun tujhse naa kuch main teri sunu
in labon se chhuke tere labon kaa shringaar karun
zulfon ke baadal mein is tarhaa chhip jaaun kahin
saamne teraa chehraa ho aur usi kaa deedaar karun
leke tujhe baahon mein tere dhadkan pe dastak dun
deewaanaa banaa de tujhe kuch aisaa ab yaar karun
main mehkun teri khushbu mein aur mehke mujhse tu
dhadkan kyaa cheez hai jaan tujh par nisaar karun
meri tujhse har subah ho, tujhse hi har shaam meri
karne ko kuch kaam naa ho mohabbat beshumaar karun
mar bhi main jaaun agar aur janam ho dusraa meraa
bas tujhse hi mohabbt main, jaanaa har baar karun
No comments:
Post a Comment