Ek teraa deewaanaa hai

ek teraa deewaanaa hai, tere dar par aaye baithaa hai

ek tere deedaar ke khaatir jo aas lagaaye baithaa hai

kabhi fursat miley to aake dekh jaanaa is deewaane ko

jo ab bhi teri tasveer ko seene se lagaaye baitha hai

tere aane se roshani hogi uski andheri is duniyaa mein

is aas mein woh paagal har diyaa bujhaaye baithaa hai

neend mein doobi aankhein uski kabse hain soyi hi nahi

tere aane ki aas mein, woh nazrein jamaaye baithaa hai

sangi saathi bahut hain uske, rishton ki hai kami nahi

tujhe apnaane ke liye har rishtaa bhulaaye baithaa hai 

na sonaa na chaandi maangaa, rupaya paisa maangaa nahi

bas teri mohabbat paane ko, jholi failaaye baithaa hai

ek teraa deewaanaa hai, tere dar par aaye baithaa hai

ek tere deedaar ke khaatir jo aas lagaaye baithaa hai