Naa rulaao tum

mere is paagal dil ko ab aur naa jalaao tum
bahut ro chukaa hoon, ab aur naa rulaao tum

main khoney lagaa hoon bharosaa apne aap se
mujhe mohabbat pe yakeen yun naa dilaao tum

waadaa kiyaa thaa tumne dur chale jaane kaa
apne uss waade ko is tarhaa naa bhulaao tum

maine faislaa kar liyaa tumse dur jaane kaa
apne aur kareeb fir se mujhe naa bulaao tum

mahal sapno ke, kitni baar banke toote hain
ab mujhe jhoote sapne aur naa dikhlaao tum

aadat ho chuki hai mujhe ghum mein jeene ki
jhooti baaton se mere dilko naa behlaao tum

naa daro, tumhaare haath se haske pi lungaa
zeher mein mere liye shahad to naa milaao tum

mar naa jaaun kahin mohabbat mein fir ek baar
jaanaa! khud ko mere itne kareeb naa laao tum