Haseen koi anjaam dijiye

naa kijiye itni baatein
naa humpe yun ilzaam dijiye
hothon se chhoo kar apne
bas hothon kaa jaam dijiye

aapko hi dekhen har pal
hum aapko hi sochen har pal
aapko hi chaahte rehne kaa
bas humko ab kaam dijiye

aapki zulfon se khelun
main aapki godi mein so loon
aap aur main hi ho bas
humein aisi koi shaam dijiye

hum to aashiq hain aapke
aap par hi likhte hain hum
hamaari in baaton ko naa
aap shaayari kaa naam dijiye

'Hriday' to deewaanaa hai ji
jaanti aap bhi hain naa
mere is deewaanepan ko
aap haseen koi anjaam dijiye