Ek pal hoon tumhaaraa

aaj baras jaao ji bhar ke, ki main baadal hoon tumhaaraa
sajaalo mujhe aankhon mein, ki main kaajal hoon tumhaaraa

koi shayar mujhe kehtaa hai, to koi kahe mujhe deewaanaa
jaanti to sirf tum hi ho, ki main bas paagal hoon tumhaaraa

meheki si yeh hawaaein bhi, aur mehkaa saa samaa bhi hai
hawaaon sangh udd jaataa hoon, main aanchal hoon tumhaaraa

hansti raho, gaati raho, ki lamhaa yeh mohabbat bharaa hai
pehle chaahe jo bhi huwaa ho, main aaj kal hoon tumhaaraa

dhadkan meri tumse hi hai, tum hi meri jaan bhi ho jaanaa
main hoon hawaa kaa jhaunkaa, bas ek main pal hoon tumhaaraa